Isa 57 | Ndebele | STEP | Olungileyo uyabhubha, njalo kakulamuntu o ku beka enhliziyweni ; njalo abantu abalomusa ba yasuswa , engekho okunanzayo ukuthi olungileyo ususiwe ngaphambi kobubi.

1 Olungileyo uyabhubha, njalo kakulamuntu okubeka enhliziyweni ^a; njalo abantu abalomusa bayasuswa ^b, engekho okunanzayo ukuthi olungileyo ^c ususiwe ^d ngaphambi kobubi. 2 Uzangena ekuthuleni. Bazaphumula emibhedeni ^e yabo, ngulowo lalowo ehamba ebuqothweni ^f bakhe.

UIsrayeli wonakele

3 Kodwa lina sondelani lapha, madodana omthakathikazi ^g, nzalo yesifebe, lawe wule ^{h
,} ⁱ. 4 Lidlala ^j limelene lobani? Livulela bani umlomo ube banzi ^k, likhupha ulimi? Alisibantwana besiphambeko yini, inzalo yenkohliso ^l, 5 lizitshisa phakathi kwezihlahla zama-okhi* ^m ngaphansi kwaso sonke isihlahla esiluhlaza, libulalela abantwana ⁿ ezihotsheni ngaphansi kwezingoxo zamadwala ^o? 6 Isabelo sakho siphakathi kwamatshe abutshelezi esifula; wona, wona ayinkatho yakho; njalo kiwo uthululele umnikelo wokunathwayo, waletha umnikelo wokudla. Ngizazisola ngalezizinto yini? 7 Phezu kwentaba ende lephakemeyo ^p ubekile umbheda wakho ^q; ngitsho lapho wenyukela khona ukuyanikela umhlatshelo. 8 Langemva kwesivalo lensika yomnyango ^r wabeka isikhumbuzo sakho ^s; ngoba uzivezile komunye kulakimi ^t, wenyuka, waqhelisa umbheda wakho ^u, wazenzela isivumelwano labo; wathanda umbheda wabo ^v lapho uwubona ^w. 9 Waya enkosini ^x ulamafutha ^y, wandisa ^z amakha akho ^aa, wathuma izithunywa zakho ^ab khatshana, wazehlisela esihogweni. 10 Wadinwa ^ac yibukhulu bendlela yakho, kodwa kawutshongo ukuthi: Kakulathemba ^ad; wathola impilo yesandla sakho ^ae, ngakho-ke kawuphelanga amandla. 11 Njalo wesaba bani watshaywa luvalo ^af, ukuthi uqambe amanga ^ag, ungangikhumbuli ^ah, ungakufaki enhliziyweni yakho ^ai? Kangithulanga yini ^aj ngitsho kwasendulo, njalo mina ungangesabi? 12 Mina ngizamemezela ukulunga kwakho, lemisebenzi yakho; ngoba kakuyikukusiza.

Ukusiza lokusilisa kukaNkulunkulu

13 Lapho ukhala, amaxuku akho kawakukhulule! Kanti umoya uzawaphephula wonke, ize lizawathatha. Kodwa othemba kimi ^ak uzakudla ilifa lelizwe ^al, adle ilifa lentaba yami engcwele ^am. 14 Azakuthi: Buthelelani, buthelelani ^an, lungisani indlela ^{ao
,} ^ap, susani isikhubekiso endleleni yabantu bami. 15 Ngoba utsho njalo ophezulu lophakemeyo, ohlala ephakadeni ^aq, obizo lakhe lingoNgcwele ^ar, uthi: Ngihlala endaweni ephakemeyo ^as lengcwele ^at, njalo kanye laye olomoya odabukileyo ^au lozithobayo, ukuvuselela umoya wabathobekileyo ^av, lokuvuselela inhliziyo yabadabukileyo. 16 Ngoba kangiyikulwisa kuze kube phakade ^aw, kangiyikuthukuthela njalonjalo; ngoba umoya ^ax ungaphela amandla phambi kwami ^ay, lemiphefumulo ^az mina engiyenzileyo ^ba. 17 Ngenxa yobubi bokufisa kwakhe ^bb ngathukuthela, ngamtshaya ^bc, ngazifihla, ngathukuthela ^bd; kodwa waqhubeka ehlubuka ngendlela yenhliziyo yakhe. 18 Ngizibonile izindlela zakhe, njalo ngizamsilisa ^be, ngimkhokhele, ngibuyisele izinduduzo kuye labalilayo bakhe ^bf. 19 Ngidala izithelo zezindebe ^bg; ukuthula, ukuthula ^{bh
,} ^bi kokhatshana ^{bj
,} ^bk loseduze ^bl, itsho iNkosi; njalo ngizamsilisa ^bm. 20 Kodwa ababi ^bn banjengolwandle olutshukumayo; ngoba kalulakuphumula, lamanzi alo akhafula udaka lengcekeza. 21 Kakulakuthula ^bo, utsho uNkulunkulu wami, kwababi.