Jam 3 | Ndebele | STEP | Lingabi ngabafundisi abanengi, bazalwane bami, lisazi ukuthi sizakwemukela isigwebo esikhulu.

James 3

Izono zolimi

1 Lingabi ^a ngabafundisi ^b abanengi, bazalwane bami, lisazi ukuthi sizakwemukela isigwebo esikhulu. 2 Ngoba sonke siyakhubeka ezintweni ezinengi ^{c
,} ^d. Uba umuntu ^e engakhubeki elizwini ^f, lowo ^g uyindoda epheleleyo ^h, elamandla okukhina lomzimba wonke ⁱ. 3 Khangela, sifaka ^j amatomu ^k emilonyeni yamabhiza ukuze asilalele, sibe sesiqondisa umzimba wonke wawo kwenye indlela. 4 Khangela, lemikhumbi, lanxa imikhulu kangaka njalo iqhutshwa yimimoya elamandla, iyaqondiswa kwenye indlela ngephinyana nje, lapho isifiso somtshayeli esifuna khona. 5 Lunjalo lolimi luyisitho esincinyane, kanti luzincoma kakhulu. Khangela, umlilo omncinyane uyatshisa izigodo ezingakanani! 6 Ulimi ^l lalo lungumlilo, umhlaba wobubi; lunjalo ulimi lubekwe phakathi kwezitho zethu, lungcolisa ^m umzimba wonke, luthungele indlela ^{▼▼ indlela: Gr., ivili.} yempilo, njalo luthungelwa ^o yisihogo ^p. 7 Ngoba yonke imvelo yokubili izinyamazana lezinyoni, kokubili ezihuquzelayo lezidalwa zolwandle, iyathanjiswa njalo isithanjisiwe ngemvelo yabantu; 8 kodwa ulimi kakulamuntu ongaluthambisa; luyibubi obungelakunqotshwa, lugcwele ubuhlungu obubulalayo ^q. 9 Ngalo siyabonga uNkulunkulu ngitsho uBaba ^r, langalo siqalekisa abantu abenziwe ngesimo sikaNkulunkulu ^s; 10 emlonyeni munye kuyaphuma ukubonga lenhlamba. Lezizinto kazifanelanga, bazalwane bami, zenzeke njalo. 11 Kambe umthombo emlonyeni munye ungagobhoza yini okumnandi lokubabayo? 12 Kambe, bazalwane bami, umkhiwa ungathela imihlwathi yini, loba ivini umkhiwa? Ngokunjalo kakulamthombo oveza amanzi alitshwayi lamnandi.

Ukuhlakanipha okuvela phezulu

13 Ngubani ohlakaniphileyo loqedisisayo ^t phakathi kwenu? Katshengise ^u imisebenzi yakhe ekuziphatheni kuhle ^v ngobumnene benhlakanipho ^w. 14 Kodwa uba lilomhawu obabayo ^x lombango ^y enhliziyweni yenu, lingazincomi liqambele amanga iqiniso. 15 Lokhu kayisiyo inhlakanipho eyehla ivela phezulu ^z, kodwa ingeyomhlaba ^aa, ngeyemvelo, eyamadimoni. 16 Ngoba lapho okukhona umhawu ^ab lombango ^ac, lapho kukhona isiphithiphithi laso sonke isenzo esibi. 17 Kodwa inhlakanipho ^ad evela phezulu eyokuqala ihlanzekile ^ae, emva kwalokho ibe lokuthula ^af, ibe mnene ^ag, ilalele, igcwele isihawu lezithelo ezinhle ^ah, kayilakubandlulula ^{ai
,} ^{▼▼ ukubandlulula: kumbe, inkani.} futhi ingelakuzenzisa ^ak. 18 Lesithelo sokulunga ^{al
,} ^am sihlanyelwa ekuthuleni kulabo abenza ukuthula ^{an
,} ^ao.