Jer 14 | Ndebele | STEP | Ilizwi leN kosi elafika kuJeremiya mayelana lendaba zembalela.

ai5:31, 6:13

aj Gen 34:10,21, 42:34

ak 15:14

al Lilo 5:22

ar Hlab 106:45; Levi 26:42

as Jobe 38:28; Zek 10:1,2

at Dute 32:21; Jer 2:5

au 3:3

av Isa 30:23, 10:13; Jobe 5:10; Jer 5:24

aw Isa 66:2; Jobe 12:9

Jeremiah 14

Ilizwi leNkosi mayelana lembalela

1 Ilizwi leNkosi elafika kuJeremiya mayelana lendaba zembalela. 2 UJuda uyalila, lamasango akhe adangele; amnyama kuze kube semhlabathini, lokukhala kweJerusalema kwenyukile. 3 Njalo izikhulu zakhe zithuma abancinyane bazo emanzini; bafika emithonjeni, bangatholi manzi; babuyele inkonxa zabo zingelalutho, belenhloni, beyangekile, bembomboze ikhanda labo. 4 Ngoba umhlabathi udabukile, ngoba kungekho izulu elizweni, abalimi balenhloni, bambomboza ikhanda labo. 5 Yebo impala layo iyazala egangeni, ikutshiye, ngoba kungelatshani. 6 Labobabhemi beganga bayema emadundulwini, baphembele umoya ^a njengemigobho; ^b amehlo abo ayaphela, ngoba kungelatshani.

7 Lanxa izono zethu zifakaza zimelana lathi, Nkosi, yenza ngenxa yebizo lakho ^c; ngoba ukuhlehlela nyovane kwethu kunengi ^d, sonile kuwe ^e. 8 Wena themba likaIsrayeli, uMsindisi wakhe ngesikhathi sembandezelo, kungani uzakuba njengowezizweni elizweni ^f, lanjengesihambi esiphambukela eceleni ukulala ubusuku ^g? 9 Kungani uzakuba njengomuntu odidekileyo, njengeqhawe elingelakusindisa ^h. Kanti wena uphakathi kwethu, Nkosi, lebizo lakho libizwe phezu kwethu ⁱ; ungasitshiyi ^j.

10 Itsho njalo iNkosi ngalababantu: Ngokunjalo bathanda ukuzula, kabazinqandanga inyawo zabo; ngakho iNkosi kayithokozi ngabo ^k, khathesi izakhumbula ububi babo, izihambele izono zabo ^l.

11 INkosi yasisithi kimi: Ungakhulekeli lababantu ^m kube kuhle ⁿ. 12 Lapho bezila ukudla, kangiyikuzwa ukukhala kwabo ^o; lalapho benikela umnikelo wokutshiswa lomnikelo wokudla, kangiyikuthokoza ngabo; kodwa ngizabaqeda ^p ngenkemba ^q langendlala langomatshayabhuqe wesifo ^r. 13 Ngasengisithi: Hawu, Nkosi Jehova! Khangela, abaprofethi bathi kubo: Kaliyikubona inkemba, kaliyikuba lendlala ^s, kodwa ngizalinika ukuthula okuqinisekileyo kulindawo ^t. 14 INkosi yasisithi kimi: Abaprofethi baprofetha amanga ngebizo lami ^u. Kangibathumanga, njalo kangibalayanga, njalo kangikhulumanga kibo; baprofetha kini umbono wamanga ^v, lokuhlahlula, lokuyize ^w, lenkohliso yenhliziyo yabo ^x. 15 Ngakho itsho njalo iNkosi mayelana labaprofethi abaprofetha ebizweni lami, ngoba mina ngingabathumanga ^y, kanti bathi ^z: Inkemba lendlala kakuyikuba khona kulelilizwe: Ngenkemba langendlala labobaprofethi bazaqedwa ^aa. 16 Labantu, abaprofetha kibo, bazakuba ngabaphoselwa ezitaladeni zeJerusalema ngenxa yendlala lenkemba; njalo kungekho obangcwabayo ^ab, bona, omkabo, lamadodana abo, lamadodakazi abo; ngoba ngizathululela ububi babo phezu kwabo.

17 Ngakho uzakutsho lelilizwi kibo elokuthi: Amehlo ami kawehlise inyembezi ebusuku lemini ^ac, zingakhawuli ^ad, ngoba intombi emsulwa yabantu bami yephukile ngokwephuka okukhulu ^ae, ukutshaywa okubuhlungu kakhulu ^af. 18 Uba ngiphumela emaphandleni, khangela-ke, ababulewe ngenkemba ^ag. Njalo uba ngingena emzini, khangela-ke, abagulayo ngendlala ^ah. Yebo, bobabili umprofethi lompristi ^ai babhodabhoda ^aj elizweni kodwa bengazi ^ak.

19 Usumalile isibili uJuda yini? Umphefumulo wakho unengwa yiZiyoni yini ^al? Usitshayeleni njalo singabi lokwelatshwa ^am? Salindela ukuthula, kodwa kakubanga lokuhle ^an; lesikhathi sokwelatshwa, kodwa khangela, uvalo ^ao. 20 Siyazi, Nkosi, ukukhohlakala kwethu lobubi babobaba, ngoba sonile kuwe ^ap. 21 Ungasideleli, ngenxa yebizo lakho ^aq, ungayangisi isihlalo sobukhosi sodumo lwakho; khumbula, ungasephuli isivumelwano sakho lathi ^ar. 22 Kukhona yini phakathi ^as kokuyize kwabezizwe okunganisa izulu ^at? Kumbe amazulu anganika izihlambo yini ^au? Akusuwe yini, Nkosi, Nkulunkulu wethu? Ngakho sizalindela kuwe ^av; ngoba nguwe owenze zonke lezizinto ^aw.