Jer 20 | Ndebele | STEP | Kwathi uPashuri umpristi, indodana kaImeri, umpristi, owayengumbonisi oyinduna endlini yeN kosi , wamuzwa uJeremiya eprofetha lezizinto,

1 Kwathi uPashuri ^a umpristi, indodana kaImeri, umpristi, ^{b
,} ^c owayengumbonisi oyinduna endlini yeNkosi, ^d wamuzwa uJeremiya eprofetha lezizinto, 2 uPashuri wasemtshaya uJeremiya umprofethi, wamfaka esitokisini ^e esisesangweni lakoBhenjamini elingaphezulu, ^f elalingasendlini yeNkosi. 3 Kwasekusithi ngosuku olulandelayo, uPashuri wamkhupha uJeremiya esitokisini. UJeremiya wasesithi kuye: INkosi kayibizanga ibizo lakho ngokuthi uPashuri, kodwa uMagori-Misabibi ^{▼▼ Magori-Misabibi, okuyikuthi, Ukwesaba inhlangothi zonke.}. 4 Ngoba itsho njalo iNkosi: Khangela, ngizakwenza ube yinto eyesabekayo kuwe uqobo, ^h lakubo bonke abangane bakho; njalo bazakuwa ngenkemba yezitha zabo, lamehlo enu azakubona. Njalo ngizanikela wonke uJuda esandleni senkosi yeBhabhiloni, ezabathumba ibase eBhabhiloni, ibatshaye ngenkemba. 5 Futhi ngizanikela yonke ⁱ inotho yalumuzi, ^j lawo wonke umsebenzi wawo, ^k lakho konke okuligugu kwawo, ^l lazo zonke iziphala zamakhosi akoJuda, ngikunikele esandleni sezitha zabo, ezizakuphanga, zikuthathe, zikulethe eBhabhiloni. ^m 6 Lawe Pashuri, lani lonke bahlali bendlu yakho, lizakuya ekuthunjweni; njalo uzakuya eBhabhiloni, ufele khona, ungcwatshelwe khona, wena labangane bakho bonke, oprofethe kibo amanga. ⁿ

Ukusola kukaJeremiya

7 Nkosi, wangiyenga, ^o ngayengeka; ^p ulamandla kulami, ^q unqobile; ^r ngaba yinhlekisa lonke usuku, ^s bonke bayangiklolodela. 8 Ngoba loba nini ngikhuluma, ngiyakhala, ngimemeze udlakela lencithakalo; ^t ngoba ilizwi leNkosi ^u selibe lihlazo ^v lenhlekisa kimi usuku lonke. ^w 9 Ngasengisithi: Kangiyikuyikhumbula, kangisayikukhuluma ngebizo layo; kodwa enhliziyweni yami kunjengomlilo ovuthayo ovalelwe emathanjeni ami; ^x sengikhathele yikugodla, ^y ngingeke ngenelise. 10 Ngoba ngizwile ukuhleba kwabanengi, ^z ukwesaba inhlangothi zonke, ^aa besithi: Bikani, ^ab lathi sizakubika! ^ac Bonke abalokuthula lami ^ad balindele ^ae ukukhubeka kwami, ^af besithi: Mhlawumbe angakhohliseka, ^ag khona sizamehlula, ^ah siphindisele impindiselo yethu kuye. 11 Kodwa iNkosi ilami njengeqhawe elesabekayo; ^ai ngakho-ke abangizingelayo bazakhubeka, kabayikunqoba; ^aj bazayangeka kakhulu, ^ak ngoba bengayikuphumelela; ihlazo labo elilaphakade kaliyikukhohlakala. ^al 12 Kodwa, Nkosi yamabandla, ohlolayo olungileyo, ^am obona izinso lenhliziyo, ^an ngibone impindiselo yakho kibo, ^{ao
,} ^ap ngoba kuwe ngambulile udaba lwami. ^aq 13 Hlabelelani eNkosini, ^ar dumisani iNkosi; ngoba yophule umphefumulo woswelayo esandleni sabenzi bobubi ^as.

14 Kaluqalekiswe usuku engazalwa ngalo; ^at usuku umama angizala ngalo kalungabusiswa. 15 Kaqalekiswe umuntu owaletha izindaba kubaba, esithi: Uzalelwe umntwana wesilisa; emenza athokoze kakhulu. 16 Njalo lowomuntu kabe njengemizi iNkosi eyayigenqulayo, ^au ingazisoli; njalo kezwe ukukhala ekuseni, ^av lokuhlaba umkhosi ngesikhathi semini enkulu. ^aw 17 Ngoba ingangibulalanga kwasesiswini; ^ax kumbe umama waba lingcwaba lami, lesisu sakhe sakhulelwa kokuphela. 18 Ngaphumelani esiswini ^{ay
,} ^{az
,} ^ba ukuthi ngibone uhlupho losizi, ^bb ukuthi insuku zami ziphele ehlazweni?