Jeremiah 32

UJeremiya uthenga insimu

1Ilizwi elafika kuJeremiya livela eNkosini emnyakeni wetshumi kaZedekhiya, inkosi yakoJuda, ^a owawungumnyaka wetshumi lesificaminwembili kaNebhukadirezari. ^b 2Ngoba ngalesosikhathi ibutho lenkosi yeBhabhiloni layivimbezela iJerusalema; uJeremiya umprofethi wayevalelwe-ke ^{c , d} egumeni lentolongo, ^e elalisendlini yenkosi yakoJuda. 3Ngoba uZedekhiya inkosi yakoJuda wayemvalele esithi: Kungani wena uprofetha usithi: Itsho njalo iNkosi: Khangela, ngiwunikela lumuzi esandleni senkosi yeBhabhiloni, ^f njalo izawuthumba; ^g 4loZedekhiya inkosi yakoJuda ^h kayiyikuphunyuka esandleni samaKhaladiya, ⁱ kodwa uzanikelwa isibili esandleni senkosi yeBhabhiloni, lomlomo wakhe uzakhuluma lomlomo wayo, ^j lamehlo akhe abone amehlo ayo; ^k 5izakhokhela-ke uZedekhiya imuse eBhabhiloni, ^{l , m , n} abe khona ngize ngimhambele, ^o itsho iNkosi; lanxa lisilwa lamaKhaladiya, ^p kaliyikuphumelela.

6UJeremiya wasesithi: Ilizwi leNkosi lafika kimi lisithi: 7Khangela, uHanameli indodana kaShaluma ^q umalumakho uzafika kuwe esithi: Zithengele insimu yami eseAnathothi, ^r ngoba nguwe olelungelo lokuhlenga ukuthi uthenge. ^s 8Kwasekufika kimi uHanameli indodana kamalumami, njengokutsho kweNkosi, egumeni lentolongo, ^t wasesithi kimi: Ake uthenge insimu yami eseAnathothi ^u eselizweni lakoBhenjamini, ngoba ulelungelo lelifa, ulohlengo; zithengele yona. Ngasengisazi ukuthi yilizwi leNkosi. 9Ngasengiyithenga insimu kuHanameli indodana kamalumami, eseAnathothi, ^v ngamlinganisela imali ^w engamashekeli* ayisikhombisa lenhlamvu ezilitshumi zesiliva. 10Ngasengibhala incwadi, ngayiphawula, ^x ngenza abafakazi bafakaze, ^y ngalinganisa imali ngesikali. ^z 11Ngasengithatha incwadi yokuthenga enanyekiweyo njengokomthetho ^aa lezimiso, ^ab levulekileyo, ^ac 12nganika incwadi yokuthenga kuBharukhi ^ad indodana kaNeriya, ^ae indodana kaMahaseya, phambi kwamehlo kaHanameli indodana kamalumami, laphambi kwamehlo abafakazi ababephawule incwadi yokuthenga, ^af phambi kwamehlo awo wonke amaJuda ayehlezi egumeni lentolongo. ^ag

13Ngasengilaya uBharukhi ^ah phambi kwamehlo abo ngisithi: 14Itsho njalo iNkosi yamabandla, uNkulunkulu kaIsrayeli: Thatha lezizincwadi, le incwadi yokuthenga, zombili enanyekiweyo ^ai lale incwadi evulekileyo, ^aj uzifake embizeni yebumba, ukuze zihlale insuku ezinengi. 15Ngoba itsho njalo iNkosi yamabandla, uNkulunkulu kaIsrayeli: Kuzabuya kuthengwe izindlu lamasimu lezivini ^ak kulelilizwe. ^al

16Ngasengikhuleka eNkosini, senginike uBharukhi indodana kaNeriya ^am incwadi yokuthenga, ^an ngisithi: 17Hawu Nkosi Jehova! Khangela, nguwe owenze amazulu lomhlaba ^ao ngamandla akho amakhulu ^ap langengalo yakho eyeluliweyo; ^aq kakuladaba olunzima kakhulu kuwe; ^ar 18owenza uthandolomusa kwabayizinkulungwane, ^as uphindisela isiphambeko saboyise ^{at , au} kusifuba sabantwana babo emva kwabo; ^{av , aw} uNkulunkulu omkhulu, olamandla, ^ax iNkosi yamabandla libizo layo; ^ay 19omkhulu ngeseluleko, ^az lolamandla ngokwenza; ngoba amehlo akho avulekele zonke indlela zamadodana abantu, ^ba ukunika ngulowo lalowo ngokwendlela zakhe, ^bb lanjengesithelo sezenzo zakhe; 20owamisa izibonakaliso lezimangaliso elizweni leGibhithe, ^{bc , bd} kuze kube lamuhla, lakoIsrayeli laphakathi kwabantu; wasuzenzela ^be ibizo ^bf njengalamuhla. 21Wabakhupha abantu bakho uIsrayeli elizweni leGibhithe ngezibonakaliso, ^bg langezimangaliso, langesandla esilamandla, ^bh langengalo eyeluliweyo, ^{bi , bj} langokwesabeka okukhulu; ^bk 22wabanika lelilizwe, owafunga kuboyise ukubanika lona, ^bl ilizwe eligeleza uchago loluju. ^{bm , bn} 23Basebengena badla ilifa lalo, kodwa kabalilalelanga ilizwi lakho, ^bo kabahambanga ngomlayo wakho, kabakwenzanga konke owabalaya khona ukuthi bakwenze; ngakho ubehlisele bonke lobububi. 24Khangela amadundulu; afikile emzini ukuwuthumba, lomuzi unikelwe esandleni samaKhaladiya ^bp alwa emelene lawo; ngenxa yenkemba ^bq lendlala ^br lomatshayabhuqe wesifo; ^bs lalokho owakukhulumayo kwenzakele; khangela-ke, uyakubona. 25Kanti, wena Nkosi Jehova, uthe kimi: Zithengele insimu ngemali, ^bt wenze abafakazi bafakaze; ^bu ngoba umuzi unikelwe esandleni samaKhaladiya. ^bv

26Laselifika ilizwi leNkosi kuJeremiya lisithi: 27Khangela, ngiyiNkosi, uNkulunkulu wayo yonke inyama; ^bw kambe, kukhona loba yini okunzima kakhulu kimi? ^bx 28Ngakho itsho njalo iNkosi: Khangela, ^by ngiwunikela lumuzi esandleni samaKhaladiya, lesandleni sikaNebhukadirezari inkosi yeBhabhiloni, ozawuthumba. 29LamaKhaladiya alwa emelene lalumuzi azangena, awuthungele lumuzi ngomlilo, awutshise kanye lezindlu ^bz obekunikelelwa phezu kwazo impepha kuBhali, ^ca lobekuthululelwa phezu kwazo iminikelo yokunathwayo kwabanye onkulunkulu, ^cb ukuze bangithukuthelise. ^cc 30Ngoba abantwana bakoIsrayeli labantwana bakoJuda bebesenza okubi kuphela emehlweni ami, kusukela ebutsheni babo; ^cd ngoba abantwana bakoIsrayeli bangizondisile ^ce kuphela ngesenzo sezandla zabo, ^cf itsho iNkosi. 31Ngoba lumuzi ubukimi ngokolaka lwami langokwentukuthelo yami, kusukela ngosuku abawakha ngalo kuze kube lamuhla, ukuze ngiwususe ebusweni bami; ^cg 32ngenxa yabo bonke ububi babantwana bakoIsrayeli lobabantwana bakoJuda abakwenzayo ukungithukuthelisa, ^ch bona, ^ci amakhosi abo, iziphathamandla zabo, abapristi babo, labaprofethi babo, labantu bakoJuda, labahlali beJerusalema. 33Basebengiphendulela umhlana, ^cj hatshi-ke ubuso; lanxa ngibafundisile ngivuka ngovivi ngibafundisa; ^ck kanti kabalalelanga ukwemukela ukulaywa. ^cl 34Kodwa bamisa izinengiso zabo endlini, ^cm obizo lami libizwa kuyo, ^cn ukuze bayingcolise. ^co 35Basebesakha indawo eziphakemeyo zikaBhali ^cp ezisesihotsheni sendodana kaHinomu, ^cq ukuthi badabulise amadodana abo lamadodakazi abo emlilweni aye kuMoleki, ^cr engingabalayanga khona ^cs lokungafikanga enhliziyweni yami, ukuthi benze lesisinengiso, ukuze benze uJuda one. ^ct

36Khathesi-ke, ngakho itsho njalo iNkosi, uNkulunkulu kaIsrayeli, mayelana lomuzi lo elithi ngawo: Unikelwe esandleni senkosi yeBhabhiloni ^cu ngenkemba langendlala langomatshayabhuqe wesifo: ^cv 37Khangelani, ngizabaqoqa bevela emazweni wonke ^cw lapho engibaxotshele khona ^cx ekuthukutheleni kwami langokufutheka kwami langolaka olukhulu; ^cy njalo ngizababuyisa kulindawo, ngibenze bahlale bevikelekile. ^cz 38Yebo, bazakuba ngabantu bami, lami ngibe nguNkulunkulu wabo. ^da 39Ngizabanika inhliziyonye ^{db , dc} lendlelanye, ukuze bangesabe zonke insuku, ^dd kube kuhle kubo ^de lakubantwana babo emva kwabo. 40Njalo ngizakwenza labo isivumelwano esilaphakade, ^{df , dg} ukuze ngingaphenduki ekubalandeleni, ukuthi ngibenzele okuhle, ngifake ukungesaba enhliziyweni yabo, ^dh ukuze bangaphenduki basuke kimi. 41Yebo, ngizathokoza ngabo ukubenzela okuhle, ^di ngibahlanyele ngobuqotho kulelilizwe, ngenhliziyo yami yonke langomphefumulo wami wonke. ^dj 42Ngoba itsho njalo iNkosi: Njengoba ngehlisele phezu kwalababantu bonke lobububi obukhulu, ^dk ngokunjalo ngizabehlisela konke okuhle engikukhulumileyo ngabo. ^dl 43Amasimu azathengwa-ke kulelilizwe ^dm elithi ngalo: Liyinkangala engelamuntu lenyamazana, ^dn linikelwe esandleni samaKhaladiya. ^do 44Bazathenga amasimu ngemali, babhale izincwadi, ^dp baphawule, ^dq benze abafakazi bafakaze, ^dr elizweni lakoBhenjamini ^ds lemaphandleni eJerusalema ^dt lemizini yakoJuda ^du lemizini yezintaba ^dv lemizini yesihotsha ^dw lemizini yeningizimu; ^dx ngoba ngizabuyisa ukuthunjwa kwabo, ^dy itsho iNkosi.