Jer 33 | Ndebele | STEP | Ilizwi leN kosi laselifika kuJeremiya ngokwesibili, esavalelwe egumeni lentolongo, lisithi:

1 Ilizwi leNkosi laselifika kuJeremiya ngokwesibili, esavalelwe egumeni lentolongo, ^a lisithi: 2 Itsho njalo iNkosi, ekwenzayo, ^b iNkosi, ekubumbayo, ukukumisa; ^c uJehova libizo lakhe: ^d 3 Ngibiza, ngikuphendule, ^e ngikwazise izinto ezinkulu lezifihlakeleyo elingazaziyo. ^f 4 Ngoba itsho njalo iNkosi, uNkulunkulu wakoIsrayeli, ngezindlu zalumuzi langezindlu zamakhosi akoJuda, ezidilizelwe phansi ukuba ngamadundulu langenxa yenkemba: ^g 5 Beza ukulwa lamaKhaladiya, ^h kodwa bayazigcwalisa ngezidumbu zabantu engibatshayileyo ekuthukutheleni kwami lekufuthekeni kwami, ⁱ njalo engifihle ubuso bami kulumuzi ngenxa yobubi babo bonke. ^j 6 Khangela, ngizawandisela impilo enhle lokusiliswa; ^k ngibelaphe, ^l ngibembulele ukwanda kokuthula leqiniso. 7 Ngizabuyisa ukuthunjwa kukaJuda lokuthunjwa kukaIsrayeli, ^m ngibakhe ⁿ njengakuqala. ^o 8 Ngibahlambulule kubo bonke ububi babo abona ngabo kimi, ^p ngithethelele zonke iziphambeko zabo ^q abona ngazo kimi labaphambeka ngazo kimi.

9 Njalo kuzakuba kimi libizo lenjabulo, ^r kube ludumo, njalo kube yibuhle, kuzo zonke izizwe zomhlaba ezizakuzwa konke okuhle engibenzela khona; zesabe ^s zithuthumele ngakho konke okuhle langakho konke ukuthula engibenzela khona. ^t 10 Itsho njalo iNkosi: Kuzabuya kuzwakale kulindawo, elithi ngayo, ilunxiwa, engelamuntu lengelanyamazana, ^u emizini yakoJuda ^v lezitaladeni zeJerusalema, ^w ezilunxiwa okungelamuntu lokungelamhlali lokungelanyamazana, ^x 11 ilizwi lokuthaba, lelizwi lentokozo, ^y ilizwi lomyeni, lelizwi likamakoti, ilizwi labathi: Dumisani iNkosi yamabandla, ngoba iNkosi ilungile, ngoba isihawu sayo simi kuze kube nininini; ^z ilizwi lalabo abaletha indumiso endlini yeNkosi. ^aa Ngoba ngizabuyisa ukuthunjwa kwelizwe ^ab njengakuqala, ^ac itsho iNkosi. 12 Itsho njalo iNkosi yamabandla: Kule indawo elunxiwa engelamuntu kuze kube senyamazaneni, ^ad lemizini yonke yayo, kuzabuya kube khona imizi yabelusi ^ae abazakwenza imihlambi ilale kuyo. ^af 13 Emizini yentabeni, ^ag emizini yesihotsha, ^ah lemizini yeningizimu, ^ai lelizweni lakoBhenjamini, ^aj lemaphandleni eJerusalema, ^ak lemizini yakoJuda, ^al izimvu zizabuya zedlule ^am ngaphansi kwezandla ^an zalowo obalayo, ^ao itsho iNkosi. 14 Khangela, insuku ziyeza, ^ap itsho iNkosi, lapho ngizamisa ilizwi elihle engilikhulume endlini kaIsrayeli lendlini kaJuda. ^aq

15 Ngalezonsuku langalesosikhathi ngizahlumisela uDavida iHlumela elilungileyo; njalo uzakwenza isahlulelo lokulunga elizweni. 16 Ngalezonsuku uJuda uzasindiswa, leJerusalema ihlale ivikelekile. Njalo yileli ibizo elizabizwa ngalo: INkosi ukulunga kwethu.

17 Ngoba itsho njalo iNkosi: Kakuyikuqunywa muntu kuDavida ^ar ohlala esihlalweni sobukhosi sendlu kaIsrayeli. ^as 18 Njalo kakuyikuqunywa muntu kubapristi, amaLevi, ebusweni bami, ^at onikela umnikelo wokutshiswa, ^au atshise umnikelo wokudla, ^av enze umhlatshelo insuku zonke.

19 Ilizwi leNkosi laselifika kuJeremiya lisithi: 20 Itsho njalo iNkosi: Uba lingasephula isivumelwano sami semini lesivumelwano sami sobusuku, ^aw ukuze kungabi khona imini lobusuku ngesikhathi sakho, 21 khona sizakwephulwa isivumelwano sami loDavida inceku yami, ^ax ukuze angabi landodana yokubusa esihlalweni sakhe sobukhosi, ^ay lesivumelwano lamaLevi, abapristi, izikhonzi zami. ^az 22 Njengoba ibutho lamazulu lingebalwe, ^{ba
,} ^bb letshebetshebe lolwandle lingelinganiswe, ^bc ngokunjalo ngizakwandisa inzalo kaDavida inceku yami lamaLevi angikhonzayo.

23 Ilizwi leNkosi laselifika kuJeremiya lisithi: 24 Kawubonanga yini abakutshoyo lababantu besithi: Izinsapho ezimbili iNkosi ebizikhethile izilahlile ^bd? Yebo badelela abantu bami, ukuthi bangabe besaba yisizwe phambi kwabo ^be. 25 Itsho njalo iNkosi: Uba isivumelwano sami singeyisiso esemini lesebusuku, ^bf uba ngingamisanga ^bg izimiso zamazulu lezomhlaba, ^bh 26 khona ngizayala inzalo kaJakobe lekaDavida inceku yami, ^bi ukuthi kangiyikuthatha enzalweni yakhe ukuze abuse phezu kwenzalo kaAbrahama, uIsaka, loJakobe; ngoba ngizabuyisa ukuthunjwa kwabo, ^bj ngibe lesihawu kibo. ^bk