Jer 5 | Ndebele | STEP | Hambani liye le lale ezitaladeni zeJerusalema, libone khathesi, lazi, lidinge ezindaweni zayo ezingamagceke, uba lingathola umuntu, uba ekhona owenza isahlulelo, odinga iqiniso; khona ngizayithethelela.

1 Hambani liye le lale ezitaladeni zeJerusalema, ^a libone khathesi, lazi, lidinge ezindaweni zayo ezingamagceke, uba lingathola umuntu, ^b uba ekhona owenza isahlulelo, ^c odinga iqiniso; khona ngizayithethelela. ^d 2 Loba-ke besithi: ^e Kuphila kukaJehova; ^f kanti bafunga amanga. ^{g
,} ^h 3 Nkosi, amehlo akho kawakho eqinisweni yini? ⁱ Ubatshayile, ^{j
,} ^k kodwa kabezwanga buhlungu; ^l ubaqothule, kodwa bala ukwemukela ukulaywa. ^m Benzile ubuso babo bube lukhuni kuledwala, ⁿ bala ukuphenduka. ^o 4 Mina ngasengisithi: Qiniso, laba ngabayanga, bayizithutha; ^p ngoba kabayazi indlela yeNkosi, ^q isahlulelo sikaNkulunkulu wabo. ^r 5 Mina ngizakuya kwabakhulu, ngikhulume labo, ngoba bona bayayazi indlela yeNkosi, ^s isahlulelo sikaNkulunkulu wabo; ^t kodwa labo kanyekanye balephulile ijogwe, ^u baqamula izibopho. ^v 6 Ngakho-ke isilwane ^w esiphuma ehlathini sizababulala, ^x impisi yezinkangala ibachithe, ^y ingwe ilinde imelene lemizi yabo; ^z wonke ophuma kiyo uzadatshudatshulwa; ngoba iziphambeko zabo zinengi, ukuhlehlela nyovane ^aa kwabo kwandile. ^ab

7 Ngingakuthethelela njani ngalokhu? ^ac Abantwana bakho bangidelile, ^ad bafunga ^ae ngabangeyisibo onkulunkulu. ^af Sengibasuthisile, ^ag basebefeba, ^ah babuthana ngamaxuku endlini yezifebe. ^ai 8 Babenjengamabhiza asuthayo ekuseni, bakhonya, ^aj omunye lomunye kumfazi kamakhelwane wakhe. ^ak 9 Kangiyikujezisa yini ngenxa yalezizinto? ^al itsho iNkosi; kumbe umphefumulo wami kawuyikuphindisela yini esizweni esinjengalesi?

10 Yenyukelani emidulwini yayo, lichithe, ^am kodwa lingenzi isiphetho esipheleleyo; ^an susani ingatsha zayo, ^ao ngoba kazisizo zeNkosi. 11 Ngoba indlu kaIsrayeli lendlu kaJuda zenze ngenkohliso enkulu zimelene lami, ^ap itsho iNkosi. 12 Bayiphikile iNkosi, ^aq bathi: Kayisiyo; njalo ububi kabuyikusehlela, futhi kasiyikubona inkemba loba indlala. ^ar 13 Labaprofethi bazakuba ngumoya, ^as lelizwi kalikho kubo; kuzakwenziwa njalo kibo! 14 Ngalokho itsho njalo iNkosi uNkulunkulu wamabandla: Ngoba likhuluma lelilizwi, khangela, ngizakwenza amazwi ami emlonyeni wakho ^at abe ngumlilo, ^au lalababantu babe zinkuni, ^av njalo uzabaqothula. 15 Khangelani, ngizaletha phezu kwenu isizwe ^aw esivela khatshana, ^ax ndlu kaIsrayeli, itsho iNkosi; yisizwe esilamandla, ^ay yisizwe esidala, isizwe ongalwaziyo ulimi lwaso, ^az longayikuzwa esikukhulumayo. ^ba 16 Isamba saso semitshoko ^bb sinjengengcwaba elivulekileyo; ^bc bonke bangamaqhawe. 17 Njalo sizakudla isivuno sakho lokudla kwakho; ^bd sizakudla amadodana akho lamadodakazi akho; sizakudla izimvu zakho lenkomo zakho; sizakudla ivini lakho lomkhiwa wakho; lemizi yakho ebiyelweyo ^be othembela kiyo, sizayithelela ubuyanga ngenkemba.

18 Kodwa langalezonsuku, itsho iNkosi, kangiyikwenza isiphetho esipheleleyo kini. ^bf

19 Kuzakuthi-ke lapho lisithi: INkosi uNkulunkulu wethu yenzeleni zonke lezizinto kithi? ^bg Khona uzakutsho kubo uthi: Njengoba lingidelile, ^bh lakhonza onkulunkulu bemzini elizweni lakini, ngokunjalo lizakhonza abezizwe elizweni elingeyisilo lenu. ^bi

20 Memezelani lokhu endlini kaJakobe, likuzwakalise koJuda, lisithi: 21 Zwanini-ke lokhu, lina bantu abayizithutha ^{bj
,} ^bk labangelangqondo, ^bl elilamehlo, kodwa lingaboni, ^bm elilendlebe, kodwa lingezwa. 22 Kalingesabi yini? ^bn itsho iNkosi; kaliyikuthuthumela phambi kwami yini, engabeka itshebetshebe laba ngumngcele wolwandle ^bo ngesimiso saphakade ^bp olungeledlule? Lanxa amagagasi alo etshayana ^bq kube kanti angenqobe; lanxa ehlokoma ^br kube kanti kawayikudlula phezu kwawo. 23 Kodwa lababantu balenhliziyo evukelayo lephikayo; ^bs baphambukile, bahamba. 24 Futhi kabatsho enhliziyweni zabo ukuthi: Ake sesabe iNkosi uNkulunkulu wethu, enika izulu ^bt lakuqala ^bu lelamuva ^bv ngesikhathi salo, esigcinela ^bw amaviki amisiweyo esivuno. ^bx 25 Iziphambeko zenu ziphambule lezizinto, ^by lezono zenu zaligodlela okuhle. ^bz 26 Ngoba phakathi kwabantu bami kutholakala abakhohlakeleyo; bacatheme ^ca njengabathiya inyoni; babeka umgibe ochithayo, babambe abantu. 27 Njengezongo ligcwele inyoni, zinjalo izindlu zabo zigcwele inkohliso; ngakho-ke sebebakhulu, banothile. 28 Bazimukile, ^cb bancwaba, yebo, bedlula imisebenzi yomubi; kabameli udaba, ^cc udaba lwezintandane, ^cd kube kanti bayaphumelela; ^ce lelungelo labaswelayo kabalahluleli. 29 Kangiyikubajezisa ngalezizinto yini? ^cf kutsho iNkosi. Umphefumulo wami kawuyikuphindisela esizweni esinjengalesi yini?

30 Okwethusayo lokwesabekayo kwenzakele elizweni. ^cg 31 Abaprofethi baprofetha ^ch ngamanga, ^ci labapristi babusa ngezandla zabo; ^cj labantu bami bakuthanda kunjalo; ^ck kodwa lizakwenzani ekupheleni kwakho?