Job 18

Inkulumo yesibili kaBilidadi. Uthi ababi bazachithwa

1 Wasephendula uBilidadi umShuhi wathi ^a:

2 Koze kube nini libekela amazwi imigibe? Nanzelelani, lemva kwalokho sikhulume ^b. 3 Kungani sithiwa sizinyamazana, singcolile emehlweni enu ^c? 4 Udwengula umphefumulo wakhe ngokuthukuthela kwakhe ^d. Umhlaba uzatshiywa ngenxa yakho yini, loba idwala lisuswe endaweni yalo ^e? 5 Yebo, ukukhanya kwabakhohlakeleyo kuzacitshwa, lenhlansi yomlilo wakhe kayiyikukhanya ^f. 6 Ukukhanya kuzafiphala ethenteni lakhe ^g, lesibane sakhe ^h ngaphezu kwakhe sizacitshwa ⁱ. 7 Izinyathelo zamandla akhe zizafinyezwa, lecebo lakhe lizamwisela phansi ^j. 8 Ngoba uzaphoselwa ^k embuleni zinyawo zakhe, ahambe phezu kwembule ^l.

9 Umjibila uzambamba isithende ^m, isihitshela sizamkhulela ⁿ. 10 Igoda lakhe lifihlwe emhlabathini, lomjibila wakhe endleleni ^o. 11 Izesabiso zizamethusa inhlangothi zonke ^p, zixotshane laye enyaweni zakhe ^q. 12 Amandla akhe azaqedwa yindlala, lengozi ilindele ^r ukukhubeka kwakhe ^s. 13 Kuzakudla ingxenye zesikhumba sakhe ^t; izibulo lokufa lidle ingxenye zakhe ^u. 14 Ithemba lakhe ^v lizahluthunwa ^w ethenteni lakhe ^x, njalo kumenze aye enkosini yezesabiso ^y. 15 Kuzahlala ethenteni lakhe elingeyisilo lakhe ^z; isolufa izavuvuzelwa phezu kwendawo yakhe yokuhlala ^aa. 16 Impande zakhe zizakoma ngaphansi ^ab, logatsha lwakhe lubune ngaphezulu ^ac. 17 Ukukhunjulwa kwakhe kuzabhubha emhlabeni ^ad, angabi labizo ezitaladeni ^ae. 18 Bazamfuqa bamsuse ekukhanyeni bamuse emnyameni, bamxotshe emhlabeni. 19 Kayikuba lenzalo ^af lasizukulwana ebantwini bakibo ^ag; kakuyikuba lansali ^ah endaweni zakhe zokuhlala ^ai.

20 Abalandelayo bazakwethuswa lusuku lwakhe ^aj, labokuqala bazabanjwa yisesabiso ^{▼▼ bazabanjwa yisesabiso: Heb bazabamba isesabiso.}. 21 Isibili zinjalo indawo zokuhlala zomubi, njalo yiyo le indawo yongamaziyo uNkulunkulu ^al.