Job 21

Impendulo kaJobe. Ubonile ukuthi ababi bayaphumelela

1Wasephendula uJobe wathi:

2Zwanini lilalele ilizwi lami, lalokho kube zinduduzo zenu ^a. 3Ngibekezelelani, ukuthi mina ngikhulume; lemva kokukhuluma kwami lingakloloda ^b. 4Mina-ke ukusola kwami kusemuntwini yini ^c? Kodwa uba kunjalo, kungani umoya wami ungekhathazeke ^{d ,} ▼

▼ ungayekela ukucunuka: Heb  ungabi mfitshane.

? 5Ngikhangelani, likhakhamale, libeke isandla phezu komlomo ^f. 6Yebo, lapho ngikhumbula, ngitshaywa luvalo, lokuthuthumela kubamba inyama yami ^g.

7Ababi baphilelani, babe badala, yebo, bakhule emandleni? 8Inzalo yabo izinze phambi kwabo kanye labo, lembewu yabo emehlweni abo. 9Izindlu zabo zilokuthula kungelakwesaba, loswazi lukaNkulunkulu kaluphezu kwabo. 10Inkunzi yakhe iyakhwela ingaphuthi; inkomokazi yakhe iyazala, ingaphunzi. 11Bakhupha abantwanyana babo njengomhlambi, labantwana babo bayagida. 12Baphakamisa ilizwi ngesigujana lechacho, bathokoze ngelizwi lomhlanga. 13Bachitha insuku zabo ngokuhle, behlele engcwabeni ngokucwayiza kwelihlo. 14Babesebesithi kuNkulunkulu: Suka kithi; ngoba kasifisi ulwazi lwendlela zakho. 15Uyini uSomandla ukuthi simkhonze? Sizazuzani uba simncenga? 16Khangela, okuhle kwabo kakukho esandleni sabo; icebo lababi likhatshana lami.

17Kukangaki isibane sababi sicitshwa ^h, kusiza ukuchitheka kwabo phezu kwabo! UNkulunkulu ubabela ubuhlungu elakeni lwakhe ⁱ. 18Banjengamahlanga phambi komoya, lanjengomule isiphepho esiwuphephulayo ^j. 19UNkulunkulu ubekela ^k abantwana bakhe usizi lwakhe ^l. Uyamvuza, njalo uzakwazi ^m. 20Amehlo akhe azabona ukuchitheka kwakhe, anathe okolaka lukaSomandla ⁿ. 21Ngoba iyini intokozo yakhe endlini yakhe emva kwakhe ^o, lapho inani lenyanga zakhe liqunywa ^p?

22Kukhona ongafundisa uNkulunkulu ulwazi yini ^q? Ngoba yena wehlulela abaphezulu ^r. 23Lo uyafa esemandleni akhe apheleleyo, yena wonke onwabile, elokuthula. 24Iziphathelo zakhe zigcwele uchago, lomnkantsho wamathambo akhe umanzi ^s. 25Lomunye ufa elomphefumulo obabayo ^t, engadlanga kokuhle ^u. 26Balala ndawonye ^v ethulini ^w, lempethu zibasibekele.

27Khangelani, ngiyayazi imicabango yenu, lamacebo eliwaceba limelene lami. 28Ngoba lithi: Ingaphi ^x indlu yesiphathamandla ^y? Njalo lingaphi ithente lendawo zababi zokuhlala ^z? 29Kalibabuzanga yini abadlula ngendlela, njalo kalinanzeleli iziboniso zabo? 30Ukuthi omubi uyekelwa osukwini lokubhujiswa ^aa; bazalethwa osukwini lwezintukuthelo. 31Ngubani ozamtshela indlela yakhe ebusweni ^ab? Ngubani ozamphindisela ngakwenzileyo ^ac? 32Kanti yena uzasiwa engcwabeni, lilindwe idundulu ^ad. 33Amagade esihotsha amnandi kuye ^ae, njalo udonsa wonke umuntu emva kwakhe, njengoba bengelakubalwa abaphambi kwakhe ^af. 34Pho lizangiduduza njani ngeze, ngoba empendulweni zenu kusele inkohliso?