Job 27

UJobe uthi kalacala

1 UJobe wasebuya ephakamisa isaga sakhe wathi:

2 Kuphila kukaNkulunkulu ^a osuse ilungelo lami ^b, loSomandla owenze umphefumulo wami wababa. 3 Isibili ngaso sonke isikhathi umphefumulo usekimi, lomoya kaNkulunkulu usemakhaleni ami ^c, 4 oqotho indebe zami kaziyikukhuluma okubi ^d, lolimi lwami sibili lungakhulumi inkohliso ^e. 5 Kakube khatshana lami ukuthi ngithi lilungile ^f; ngize ngiphele kangiyikususa ubuqotho bami kimi ^g. 6 Ngizabambelela ekulungeni kwami ^{h
,} ⁱ ngingakuyekeli ^j; inhliziyo yami kayiyikusola ensukwini zami ^k.

7 Isitha sami kasibe njengomubi, longivukelayo njengongalunganga ^l. 8 Ngoba liyini ithemba longamesabiyo uNkulunkulu ^m, esequnyiwe, uNkulunkulu esekhuphile umphefumulo wakhe ⁿ? 9 UNkulunkulu uzakuzwa yini ukukhala kwakhe, ukuhlupheka sekwehlele phezu kwakhe ^o? 10 Uzazithokozisa yini ngoSomandla? Uzabiza uNkulunkulu yini sonke isikhathi ^p? 11 Ngizalifundisa ngesandla sikaNkulunkulu; okukuSomandla kangiyikukufihla ^q. 12 Khangela, lina lonke likubonile. Pho, kungani selibe yize lokuba yize ngokunjalo? 13 Lesi yisabelo somuntu omubi kuNkulunkulu ^r, lelifa labalesihluku abalemukela kuSomandla ^s. 14 Uba abantwana bakhe besanda ^t, kungokwenkemba ^u, lenzalo yakhe ^v kayiyikusutha isinkwa ^w. 15 Insali zakhe zizangcwatshwa ekufeni ^x, labafelokazi bakhe kabayikukhala inyembezi ^y. 16 Lanxa ebuthelela isiliva njengothuli, elungisa isigqoko njengodaka ^z; 17 angalungisa, kodwa olungileyo uzasigqoka, longelacala uzakwaba isiliva ^aa. 18 Wakha indlu yakhe ^ab njengenundu ^ac, lanjengedumba ^ad umlindi alenzayo. 19 Ulala enothile ^ae, kodwa kabuthwa ^af; uvula amehlo akhe, kasekho ^ag. 20 Izesabiso zizambamba ^ah njengamanzi ^ai; ebusuku ^{aj
,} ^ak isiphepho sizameba ^al. 21 Umoya wempumalanga uzamthatha, ahambe ^am, umphephule ^an asuke endaweni yakhe ^ao. 22 Abesephosela phezu kwakhe angayekeli; phambi kwesandla sakhe ^ap uzabaleka isibili. 23 Abantu bazatshaya izandla zabo ngaye ^aq, bamncifele ^ar endaweni yakhe ^as.