Job 31

1 Ngenza isivumelwano ^a lamehlo ami ^b; pho ngingananzelela njani ^c intombi ^d? 2 Ngoba siyini isabelo sikaNkulunkulu esivela phezulu ^e, lelifa likaSomandla ^f elivela endaweni eziphezulu ^g? 3 Incithakalo kayisiyomubi yini, lengozi yabenzi bobubi ^h? 4 Yena kaziboni yini indlela zami ⁱ, abale zonke izinyathelo zami ^j? 5 Uba ngihambe ngokuyize, kumbe unyawo lwami luphuthumele enkohlisweni, 6 kangilinganise ngesilinganiso esilungileyo, ukuze uNkulunkulu azi ubuqotho bami. 7 Uba inyathelo lami liphambukile endleleni, lenhliziyo yami yalandela amehlo ami ^k, kumbe kunamathele isici ezandleni zami ^l; 8 kangihlanyele, kodwa kudle omunye ^m, lezilimo zami zisitshulwe ⁿ. 9 Uba inhliziyo yami iyengwe ngowesifazana ^o, kumbe ngacathama emnyango kamakhelwane wami ^p, 10 umkami kacholele omunye ^q, labanye kabaguqe phezu kwakhe ^r. 11 Ngoba lokho kuyinkohlakalo ^s, njalo kuyisono ^t ngabahluleli ^u. 12 Ngoba ngumlilo odla ^v kuze kube yincithakalo, usiphule sonke isivuno sami ^w.

13 Uba ngalile udaba lwenceku yami loba olwencekukazi yami, lapho ziphikisana lami, 14 pho ngizakwenzani lapho uNkulunkulu esukuma ^x? Lalapho esethekela ^y, ngizaphendulani kuye ^z? 15 Lowo owangenza esiswini kamenzanga yena yini, lowasibumba esiswini munye ^aa?

16 Uba ngigodlele umyanga isifiso ^ab, kumbe ngifiphaze amehlo omfelokazi ^ac, 17 kumbe ngadla ucezu lwami ngedwa, ukuze intandane ingadli kulo ^ad 18 (ngoba kwasebutsheni bami yakhula lami nginjengoyise, ngamqondisa kusukela esizalweni sikamama) ^ae, 19 uba ngabona obhubha ^af ngenxa yokuswela isigqoko ^ag, loba umyanga engelasembatho ^ah, 20 uba inkalo zakhe zingangibusisanga, ngoba ekhudunyezwe yiboya bezimvu zami ^ai, 21 uba ngaphakamisa isandla sami ^aj ngimelene lentandane ^ak, lapho ngabona usizo lwami esangweni ^al, 22 kaliwe ihlombe lami esiphangeni sami, lengalo yami iqamuke ethanjeni layo. 23 Ngoba incithakalo kaNkulunkulu ^am yayiyisesabiso kimi ^an, ngingenelisi ngenxa yobukhulu bakhe ^ao.

24 Uba ngenzile igolide ^ap laba lithemba lami ^aq, ngathi kugolide elihle: Themba lami ^ar. 25 Uba ngithokozile ngoba inotho yami inengi ^as, langoba isandla sami sithole okunengi ^at; 26 uba ngikhangele ^{au
,} ^av ilanga lapho libenyezela ^aw, loba inyanga ehamba enkazimulweni, 27 lenhliziyo yami yayengwa ensitha ^ax, kumbe isandla sami sange umlomo wami, 28 lalokho yisiphambeko ^ay phambi kwabehluleli ^az, ngoba ngabe ngimphikile uNkulunkulu waphezulu ^ba.

29 Uba ngithokozile ^bb ngokuchitheka kongizondayo ^bc, kumbe ngajabula ^bd lapho ububi bumthola ^be; 30 njalo ngingavumelanga umlomo wami ukuthi wone, ngokucela umphefumulo wakhe ngesiqalekiso ^bf; 31 uba abantu bethente lami bebengatshongo ukuthi ^bg: Hawu, aluba besilokwenyama yakhe, ngabe kasisuthanga ^bh. 32 Owemzini kazanga alale esitaladeni; iminyango yami ngayivulela isihambi ^bi. 33 Uba ngasibekela iziphambeko zami ^bj njengoAdamu, ngokufihla isono sami esifubeni sami ^bk. 34 Ngoba ngethuswa lixuku elikhulu, lokudelelwa ngabensendo kwangesabisa, ngakho ngathula, kangaze ngaphuma emnyango.

35 Kungathi ngabe ngilongangizwa ^bl! Khangelani uphawu lwami. Kungathi uSomandla angangiphendula ^bm, lokuthi ophikisana lami ngabe ubhale ugwalo ^bn! 36 Isibili, bengingaluthwala ehlombe lami ^bo, ngilubophe ^bp lube ngumqhele kimi ^bq. 37 Ngimtshele inani lezinyathelo zami, ngisondele kuye njengesiphathamandla. 38 Uba umhlaba wami ukhalile ngami, lemifolo yawo ililile ndawonye, 39 uba ngidlile amandla awo kungelamali, kumbe ngenza umphefumulo wabaniniwo uphele ^br, 40 kakuhlume ukhula oluhlabayo endaweni yengqoloyi, lokhula olunukayo endaweni yebhali ^bs. Amazwi kaJobe asephelile ^bt.