Job 34

2 Zwanini amazwi ami, zihlakaniphi, lani zazi, libeke indlebe kimi. 3 Ngoba indlebe ihlola amazwi, njengolwanga lunambitha ukudla ^b. 4 Asizikhetheleni isahlulelo; sazi phakathi kwethu okuhle ^c. 5 Ngoba uJobe uthe: Ngilungile ^d, kodwa uNkulunkulu ususe isahlulelo sami ^e; 6 ngiqamba amanga ngimelene lelungelo lami ^f; umtshoko wami kawelapheki, ngaphandle kwesiphambeko ^g. 7 Nguwuphi umuntu onjengoJobe? Unatha ukuklolodelwa njengamanzi ^h, 8 ahambahambe exukwini labenzi bobubi, ahambe labantu benkohlakalo. 9 Ngoba uthe ⁱ: Kakumsizi umuntu nxa ethokoza ngoNkulunkulu ^j. 10 Ngakho, bantu bengqondo, ngilalelani: Kakube khatshana loNkulunkulu ^k ukwenza inkohlakalo ^l, loSomandla ukwenza isiphambeko ^m. 11 Ngoba umsebenzi womuntu uzawubuyisela kuye ⁿ, amenze athole njengendlela yalowo lalowo ^o. 12 Yebo, isibili uNkulunkulu kenzi okubi, njalo uSomandla kagobisi isehlulelo ^p. 13 Ngubani owambeka phezu komhlaba ^q? Kumbe ngubani owamisa umhlaba wonke ^r? 14 Uba ebeka inhliziyo yakhe phezu kwakhe ^s, uzabuthela ^t umoya wakhe lomphefumulo wakhe kuye ^u. 15 Inyama yonke ibizaphela kanyekanye ^v, lomuntu abuyele ethulini ^{w
,} ^x. 16 Uba kulokuqedisisa-ke, zwana lokhu, ubeke indlebe elizwini lamazwi ami ^y. 17 Kambe, ozonda isehlulelo ubengabusa yini? Kambe uzamlahla yini olungileyo kakhulu ^z? 18 Angatsho yini enkosini ^aa: Mkhohlisi; kuziphathamandla: Lina abangelaNkulunkulu ^ab? 19 Kuye ongemukeli ubuso beziphathamandla ^ac, engananzi isinothi phambi komyanga ^ad? Ngoba bonke bangumsebenzi wezandla zakhe ^ae. 20 Bayafa ngesikhatshana ^af; laphakathi kobusuku abantu bayaqhuqhiswa, bedlule ^ag; kuzasuswa olamandla kungelasandla ^ah. 21 Ngoba amehlo akhe aphezu kwendlela zomuntu ^ai, uyabona zonke izinyathelo zakhe ^aj. 22 Kakulamnyama ^ak njalo kakulathunzi lokufa lapho abenzi bobubi abangacatsha khona ^al. 23 Ngoba kabi lokhu enaka umuntu, ukuthi aye kuNkulunkulu esahlulelweni. 24 Uyaphahlaza abalamandla kungahlolwanga, amise abanye endaweni zabo ^am. 25 Ngakho uyayazi imisebenzi yabo, uyabagenqula ^an ebusuku, bachotshozwe ^ao. 26 Uyabatshaya njengababi endaweni yababukelayo ^ap. 27 Ngenxa yokuthi bephambukile ekumlandeleni, bengananzanga leyodwa yezindlela zakhe ^aq, 28 baze benza ukukhala komyanga kufike kuye ^ar, njalo wakuzwa ukukhala kwabahluphekayo ^as. 29 Lapho yena ethulisa, ngubani-ke ongaziphatha ngenkohliso ^at? Lapho efihla ubuso, ngubani-ke ongambona ^au? Loba esizweni loba emuntwini eyedwa. 30 Ukuze abantu abangabazenzisi bangabusi, ukuze bangabi yimijibila ebantwini ^av. 31 Isibili uthe kuNkulunkulu: Ngithwele isijeziso ^aw, kangiyikona ^ax. 32 Lokhu engingakuboniyo ngifundise wena; uba ngenze okubi kangisayikukwenza futhi ^ay. 33 Uzaphindisela yini njengokuthanda kwakho, loba uyala, loba wena ukhetha, njalo kungesimi? Wazini-ke? Khuluma ^az. 34 Abantu abalokuqedisisa bazakhuluma kimi, lomuntu ohlakaniphileyo uzangizwa. 35 UJobe ukhulume engelalwazi, lamazwi akhe kawalanhlakanipho ^ba. 36 Kungathi ngabe uJobe uyahlolwa kuze kube sekupheleni, ngenxa yempendulo zakhe njengabantu ababi. 37 Ngoba esonweni sakhe wengezelela ububi, etshaya izandla phakathi kwethu, esandisa amazwi akhe emelene loNkulunkulu ^bb.