Job 8

2 Koze kube nini ukhuluma lezizinto, lamazwi omlomo wakho abe ngumoya olamandla ^b? 3 UNkulunkulu uyahlanekela isahlulelo yini ^c? Kumbe uSomandla uyahlanekela ukulunga yini ^d? 4 Uba abantwana bakho bonile kuye, yena usebalahlile emandleni esiphambeko sabo ^e; 5 uba wena ^f umdinga uNkulunkulu ngovivi, uncenge kuSomandla ^g; 6 uba uhlambulukile, uqotho; isibili khathesi ubezavuka ngenxa yakho, aphumelelise indawo yokuhlala yokulunga kwakho. 7 Lanxa ukuqala kwakho bekukuncinyane, kube kanti isiphetho sakho sizakwanda kakhulu. 8 Ngoba ake ubuze esizukulwaneni sakuqala, uzilungisele isidingo saboyise ^h. 9 Ngoba singabezolo, njalo kasazi ⁱ, ngoba insuku zethu emhlabeni ziyisithunzi ^j. 10 Kabayikukufundisa yini, bakutshele, bakhuphe amazwi enhliziyweni yabo? 11 Imihlanga ingakhula lapho okungelaxhaphozi khona yini ^k? Ibhuma likhule lapho okungelamanzi khona ^l? 12 Nxa lisebuluhlazeni balo lingakakhiwa, kube kanti libuna kuqala kwazo zonke izihlahlakazana ^m. 13 Zinjalo indlela zabo bonke abamkhohlwayo uNkulunkulu, lethemba lomzenzisi lizabhubha ⁿ. 14 Othemba lakhe lizaqunywa, lokuthemba kwakhe kuyibulembu ^{▼▼ ubulembu: Heb indlu.} besayobe. 15 Uyeyama endlini yakhe, kodwa kayimi; ubambelela kiyo, kodwa kayihlali ^p. 16 Uluhlaza phambi kwelanga ^q, lamahlumela akhe aphuma esivandeni sakhe ^r. 17 Impande zakhe zithandele enqunjini; ubona indawo yamatshe ^s. 18 Uba emchitha endaweni yakhe ^t, izamphika ithi: Kangizange ngikubone ^u. 19 Khangela, le yintokozo yendlela yakhe; njalo kuzakhula abanye emhlabathini ^v. 20 Khangela, uNkulunkulu kayikumlahla opheleleyo, kabambi isandla sabenzi bobubi. 21 Aze agcwalise umlomo wakho ngohleko, lezindebe zakho ngokumemeza kwentokozo ^w. 22 Abakuzondayo bazakwembeswa ngenhloni ^x, lethente lababi lingabi khona ^y.