Joe 2 | Ndebele | STEP | Vuthelani uphondo eZiyoni , lihlabe umkhosi entabeni yami engcwele ; kabathuthumele bonke abahlali belizwe, ngoba usuku lweN kosi luyeza, ngoba luseduze .

Joel 2

Usuku lweNkosi

1 Vuthelani uphondo ^a eZiyoni ^b, lihlabe umkhosi ^c entabeni yami engcwele ^d; kabathuthumele bonke abahlali belizwe, ngoba usuku lweNkosi luyeza, ngoba luseduze ^e. 2 Usuku lomnyama ^{f
,} ^{g
,} ^h lobumnyama ^{i
,} ^j, usuku lwamayezi ^{k
,} ^l lomnyama onzima ^{m
,} ⁿ, njengemadabukakusa lembese phezu kwezintaba ^o; isizwe esikhulu lesilamandla ^p, kakuzanga kube khona esinjengaso kusukela endulo, futhi kakusayikuba khona emva kwaso kuze kube yiminyaka yezizukulwana lezizukulwana ^q. 3 Umlilo uyaqeda phambi kwaso ^r, langemva kwaso kuvutha ilangabi ^s. Phambi kwaso ilizwe lifanana lesivande seEdeni ^t, kodwa ngemva kwaso ^u liyinkangala yencithakalo ^v; yebo kakulakuphunyuka kuso. 4 Isimo saso sinjengesimo samabhiza, lanjengabagadi bamabhiza ngokunjalo bazagijima ^w. 5 Bazakweqa ^x njengomsindo wezinqola ezingqongeni zezintaba ^y, njengomsindo welangabi lomlilo oqeda izidindi ^z, njengabantu abalamandla abahlelelwe impi ^aa. 6 Phambi kobuso babo abantu bazakuba lobuhlungu; bonke ubuso ^ab buzanyukumala ^ac. 7 Bazagijima njengamaqhawe, bakhwele imiduli njengamadoda empi, bahambe ngulowo lalowo ngezindlela zakhe, kabayikuphambuka emikhondweni yabo. 8 Kabasunduzani omunye lomunye ^ad; bazahamba ngulowo lalowo ngomgwaqo wakhe omkhulu; lapho bewela phezu kwesikhali, kabayikulimala ^ae. 9 Bazahaluzela bedabula umuzi ^{af
,} ^ag, bagijime phezu komduli ^ah, bakhwele bangene ezindlini, bangene ngamawindi ^ai njengesela. 10 Umhlaba uzanyikinyeka phambi kwabo ^aj, amazulu athuthumele ^ak; ilanga lenyanga kube mnyama ^al, lezinkanyezi zigodle ukukhanya kwazo ^am. 11 Njalo iNkosi izakhupha ilizwi layo ^an phambi kwebutho layo ^ao, ngoba inkamba yayo ^ap inkulu kakhulu ^aq; ngoba ilamandla eyenza ilizwi layo ^ar; ngoba usuku lweNkosi lukhulu, luyesabeka kakhulu; ngubani-ke ongalumela ^as?

Abantu bacelwa ukuphenduka

12 Ngakho lakhathesi, itsho iNkosi, phendukelani kimi ngenhliziyo yenu yonke ^at, langokuzila ukudla, langokukhala inyembezi, langokulila ^au. 13 Lidabule inhliziyo yenu ^av, hatshi izembatho zenu ^aw, liphendukele eNkosini, uNkulunkulu wenu ^ax, ngoba ilesisa ^{ay
,} ^az lesihawu ^{ba
,} ^bb, iphuza ukuthukuthela ^{bc
,} ^bd, njalo inkulu ngomusa ^{be
,} ^{bf
,} ^bg, iyazisola ngobubi ^bh. 14 Ngubani owaziyo, ingaphenduka izisole ^bi, itshiye isibusiso ngemva kwayo ^bj, umnikelo wokudla lomnikelo wokunathwayo eNkosini, uNkulunkulu wenu ^bk.

15 Vuthelani uphondo eZiyoni ^bl, yehlukanisani ukuzila ukudla ^bm, libize umhlangano onzulu, 16 libuthanise abantu, lingcwelise ibandla ^bn, lihlanganise abadala, libuthanise abantwana, labamunya amabele ^bo; umyeni kaphume ekamelweni lakhe ^bp, lomakoti ekamelweni lakhe ^bq. 17 Kakuthi abapristi, izikhonzi zeNkosi ^br, bakhale inyembezi phakathi ^bs kwekhulusi ^bt lelathi ^bu, bathi: Yekela abantu bakho, Nkosi; unganikeli ilifa lakho ehlazweni, ukuthi abahedeni bababuse. Bazatsholoni phakathi kwezizwe ukuthi: Ungaphi uNkulunkulu wabo ^bv?

Isihawu seNkosi

18 Khona iNkosi izatshisekela ilizwe layo ^bw, ihawukele abantu bayo ^bx. 19 Yebo iNkosi izaphendula ithi ebantwini bayo: Khangelani, ngizalithumela amabele ^{by
,} ^bz lewayini elitsha ^ca lamafutha ^cb, ukuthi lisuthe ngakho; kangisayikulenza inhlamba phakathi kwezizwe. 20 Kodwa ngizasusela khatshana lani ^cc okuvela enyakatho ^cd, ngikuxotshele elizweni elomileyo leliyinkangala, ubuso bakho buqonde ngaselwandle lwempumalanga ^ce, lokucina kwakho ngaselwandle olungemuva ^cf; njalo kwenyuke ivumba lakho, kwenyuke iphunga lakho elibi, ngoba kwenze izinto ezinkulu ^cg.

21 Ungesabi, lizwe, jabula uthokoze, ngoba iNkosi yenze izinto ezinkulu. 22 Lingesabi, zinyamazana zeganga ^ch, ngoba amadlelo enkangala asehlumile ^ci; ngoba isihlahla sithela isithelo saso ^cj, umkhiwa levini kunike amandla akho ^ck. 23 Lani bantwana beZiyoni, thabani ^cl lithokoze eNkosini ^cm, uNkulunkulu wenu; ngoba ilinikile izulu lensewula ngokulunga ^cn, yalinisela izulu ^co, izulu lensewula ^cp lezulu lamuva njengakuqala ^cq. 24 Lamabala okubhulela azagcwala amabele ^cr, lezikhamelo zewayini ziphuphume ^cs ngewayini elitsha ^ct lamafutha ^cu.

25 Njalo ngizabuyisela kini iminyaka eyadliwa yintothoviyane ^cv, yisikhonyane ^cw, leqhwagi ^cx, lenswabanda ^cy, ibutho lami elikhulu engalithumela phakathi kwenu ^cz. 26 Njalo lizakudla lokudla, lisuthe, lidumise ibizo leNkosi, uNkulunkulu wenu, oliphethe ngokumangalisayo ^{da
,} ^db. Njalo abantu bami kabayikuyangiswa lanininini ^dc. 27 Njalo lizakwazi ukuthi ngiphakathi ^dd kukaIsrayeli ^de, lokuthi ngiyiNkosi uNkulunkulu wenu, njalo kakho omunye ^df. Njalo abantu bami kabayikuyangiswa lanininini ^dg.

Ukuthelwa koMoya kaNkulunkulu

28 Kuzakuthi emva kwalokho ^dh ngithele uMoya wami phezu kwayo yonke inyama ^di; njalo amadodana enu ^{dj
,} ^dk lamadodakazi enu ^{dl
,} ^dm azaprofetha; abadala benu baphuphe ^dn amaphupho ^do, amajaha enu ^dp abone imibono ^dq. 29 Yebo, laphezu ^dr kwenceku laphezu kwencekukazi ^ds ngizathela uMoya wami ngalezonsuku. 30 Njalo ngizaveza izimangaliso emazulwini lemhlabeni ^dt, igazi, lomlilo, lezinsika zentuthu ^du.

31 Ilanga lizaphenduka libe ngumnyama ^dv, lenyanga ibe ligazi ^{dw
,} ^dx, lungakafiki ^dy usuku lweNkosi olukhulu ^dz lolwesabekayo ^{ea
,} ^eb. 32 Kuzakuthi-ke loba ngubani ozabiza ibizo leNkosi asindiswe ^ec; ngoba entabeni yeZiyoni leJerusalema ^{ed
,} ^ee kuzakuba khona ukukhululwa ^{ef
,} ^eg, njengokutsho kweNkosi, laphakathi kwabaseleyo iNkosi ezababiza ^eh.