John 13

UJesu ugezisa inyawo zabafundi

1Kwathi ungakafiki umkhosi wephasika ^a, uJesu esazi ukuthi ihola lakhe laselifikile ^b ukuthi asuke kulumhlaba aye kuYise ^c, esebathandile abakhe ^d abasemhlabeni, wabathanda kwaze kwaba sekupheleni ^e. 2Ukudla kwantambama sekwenziwe, udiyabhola esekufakile enhliziyweni kaJudasi Iskariyothi ^f, kaSimoni, ukuthi amnikele ^g, 3uJesu ekwazi ukuthi uYise unikele izinto zonke ezandleni zakhe ^h, lokuthi wavela kuNkulunkulu ⁱ njalo uya kuNkulunkulu ^j, 4wasukuma ekudleni kwantambama ^k, wakhupha izembatho zakhe, wathatha ilembu wazithandela ngalo ^l. 5Emva kwalokhu wathela amanzi emganwini, waqala ukugezisa inyawo zabafundi, lokuzesula ngelembu ayezithandele ngalo ^m. 6Wasefika kuSimoni Petro; yena wasesithi kuye: Nkosi, wena ugezisa inyawo zami yini ⁿ? 7UJesu waphendula wathi kuye: Engikwenzayo mina, kawukwazi khathesi, kodwa uzakwazi emva kwalezizinto ^o. 8UPetro wathi kuye: Kawusoze ugezise inyawo zami kuze kube laphakade. UJesu wamphendula wathi: Uba ngingakugezisi, kawulasabelo lami ^p. 9USimoni Petro wathi kuye: Nkosi, kakungabi zinyawo zami zodwa, kodwa lezandla lekhanda ^q. 10UJesu wathi kuye: Ogezisiweyo kasweli lutho ngaphandle kokugeziswa inyawo, kodwa uhlambulukile ^r ngokupheleleyo ^s; lina-ke lihlambulukile, kodwa-ke kakusini lonke ^t. 11Ngoba wayemazi lowo owayezamnikela; ngenxa yalokhu wathi: Kalihlambulukanga lonke ^u.

12Esegezisile inyawo zabo, wathatha izembatho zakhe, wabuya wahlala phansi ^v, wathi kubo: Liyakwazi yini engikwenze kini ^w? 13Lina lingibiza lithi: Mfundisi ^x, lokuthi Nkosi; likutsho kuhle, ngoba ngiyikho ^y. 14Ngakho uba mina, iNkosi loMfundisi, ngigezise inyawo zenu ^z, lani-ke lifanele ukugezisana inyawo ^aa. 15Ngoba ngilinikile isibonelo, ukuze lenze lani njengoba mina ngenzile kini ^ab. 16Ngiqinisile, ngiqinisile, ngithi kini: Inceku kayinkulu kulenkosi yayo ^ac, lothunyiweyo kamkhulu kulomthumileyo ^ad. 17Uba lisazi lezizinto, libusisiwe uba lizenza ^ae.

18Kangikhulumi ngani lonke ^af; mina ngiyabazi engibakhethileyo ^ag; kodwa ukuze kugcwaliseke umbhalo othi: Odla lami isinkwa ungiphakamisele isithende sakhe ^ah. 19Sengilitshela kusukela khathesi kungakenzeki ^ai, ukuze, nxa sekusenzeka, likholwe ukuthi nginguye ^aj. 20Ngiqinisile, ngiqinisile, ngithi kini: Owemukela loba ngubani engimthumileyo, wemukela mina; lowemukela mina, wemukela ongithumileyo ^ak.

UJesu ukhuluma ngokunikelwa kwakhe

21UJesu esetshilo ^al lezizinto wakhathazeka emoyeni ^am, wafakaza wathi ^an: Ngiqinisile, ngiqinisile, ngithi kini ^ao, omunye wenu uzanginikela ^ap. 22Ngakho abafundi bakhangelana, bengaqondi ukuthi ukhuluma ngobani ^aq. 23Kwakweyeme esifubeni sikaJesu omunye wabafundi bakhe ^ar, uJesu ayemthanda ^as; 24ngakho uSimoni Petro wamqhweba ukubuza ukuthi ngubani akhuluma ngaye. 25Yena-ke eqamela esifubeni sikaJesu ^at, wathi kuye: Nkosi, ngubani? 26UJesu waphendula wathi: Ngulowo mina engizamnika ucezu sengilutshebile ^au. Kwathi eselutshebile ucezu, walunika uJudasi Iskariyothi kaSimoni ^av. 27Futhi emva kocezu, uSathane wasengena kuye ^aw. UJesu wasesithi kuye: Okwenzayo, kwenze masinyane ^ax. 28Kodwa kakho kwababehlezi ekudleni owayekwazi ukuthi ukutsholoni kuye. 29Ngoba abanye bacabanga ukuthi, njengoba uJudasi wayelesikhwama ^ay, uJesu wathi kuye: Thenga esikuswelayo emkhosini ^az; loba ukuthi kanike abayanga okunye. 30Lowo wathi eselwemukele ucezu, wahle waphuma; kwakusebusuku.

UJesu unikwa udumo. Umlayo wokuthandana

31Ngakho kwathi esephumile, uJesu wathi: Khathesi iNdodana yomuntu idunyisiwe ^ba, loNkulunkulu udunyisiwe kuyo ^bb. 32Uba uNkulunkulu edunyiswe kuyo ^bc, loNkulunkulu uzayidumisa kuye ngokwakhe ^bd, njalo uzahle ayidumise ^be. 33Bantwanyana, ngiselani isikhatshana. Lizangidinga ^bf, futhi njengalokhu ngatsho kumaJuda ukuthi ^bg: Lapho mina engiya khona, lingeze leza lina; ngitsho lakini khathesi. 34Ngilinika ^bh umlayo omutsha ^bi, ukuthi lithandane; njengalokhu ngilithandile, lani-ke lithandane ^bj. 35Ngalokhu bonke bazakwazi ukuthi lingabafundi bami, uba lilothando omunye komunye ^bk.

Ukuxwayiswa kukaPetro

36USimoni Petro wathi kuye: Nkosi, uya ngaphi ^bl? UJesu wamphendula wathi: Lapho engiya khona, ungengilandele khathesi ^bm, kodwa uzangilandela emva kwalokhu ^bn. 37UPetro wathi kuye: Nkosi, ngingekulandele khathesi ngani? Impilo yami ngizayibekela wena phansi ^bo. 38UJesu wamphendula wathi: Impilo yakho uzayibekela mina phansi yini ^bp? Ngiqinisile, ngiqinisile, ngithi kuwe: Iqhude kalisoze likhale ^bq uze ungiphike kathathu ^br.