John 6

UJesu usuthisa amadoda azinkulungwane ezinhlanu

1Emva kwalezizinto uJesu wasuka waya ^a ngaphetsheya kolwandle lweGalili ^b, lweTiberiyasi ^c. 2Laselimlandela ixuku elikhulu, ngoba babebone izibonakaliso zakhe azenza kulabo abagulayo ^d. 3UJesu wasesenyukela entabeni ^e, wahlala phansi khona labafundi bakhe ^f. 4Iphasika, umkhosi wamaJuda, laselisondele ^g.

5Kwathi uJesu ephakamisa amehlo, wasebona ixuku elikhulu lisiza kuye ^h, wathi kuFiliphu ⁱ: Sizathenga ngaphi izinkwa, ukuze laba badle? 6Njalo watsho lokhu emhlola, ngoba yena wayekwazi azakwenza ^j. 7UFiliphu wamphendula wathi: Izinkwa zabodenariyo* abangamakhulu amabili zingebanele, ukuthi wonke ngamunye wabo azuze ingcosana ^k. 8Omunye wabafundi bakhe, uAndreya umfowabo kaSimoni Petro ^l, wathi kuye: 9Kukhona umfanyana lapha, olezinkwa ezinhlanu zebhali* lenhlanzana ezimbili ^m; kodwa ziyini kwabanengi kangaka? 10Kodwa uJesu wathi: Hlalisani abantu phansi. Kwakukhona utshani obunengi kuleyondawo ⁿ. Ngakho amadoda ahlala phansi inani lawo lalingaba zinkulungwane ezinhlanu ^o. 11UJesu wasezithatha izinkwa, esebongile wazinika abafundi ^p, labafundi kulabo ababehlezi phansi; ngokunjalo lenhlanzana ngangokufuna kwabo ^q. 12Bathi sebesuthi, wathi kubafundi bakhe: Buthani imvuthu eziseleyo, ukuze kungachitheki lutho. 13Basebebutha, bagcwalisa izitsha ezilitshumi lambili ngemvuthu zezinkwa ezinhlanu zebhali, ezasalayo kulabo abadlayo ^r. 14Kwathi lababantu bebona isimangaliso asenzileyo uJesu, bathi: Ngeqiniso lo nguye umProfethi ^s omele ukuza emhlabeni ^t. 15Kwathi uJesu esazi ukuthi bazakuza bambambe ngamandla ^u, ukumbeka abe yinkosi ^v, wabuyela futhi entabeni yena eyedwa ^w.

UJesu uhamba phezu kolwandle

16Sekuhlwile, abafundi bakhe behlela elwandle, 17sebengenile emkhunjini ^x, beza ngaphetsheya kolwandle ukuya eKapenawume ^y. Kwasekumnyama, uJesu wayengafikanga kubo. 18Lwaseluvuka ulwandle ngoba umoya olamandla wawuvunguza. 19Sebegwedlile amastadiyu* angaba ngamatshumi amabili lanhlanu ^z kumbe amatshumi amathathu ^aa, babona uJesu ehamba phezu kolwandle, esondela emkhunjini; basebesethuka. 20Kodwa wathi kubo: Yimi, lingesabi. 21Basebevuma ukumemukela emkhunjini; njalo wahle wafika umkhumbi elizweni ababesiya kilo ^ab.

Abantu bacela isibonakaliso kuJesu. Isinkwa sempilo

22Kusisa ixuku elalimi ngaphetsheya kolwandle ^ac, libona ukuthi kwakungela lamunye umkolo lapho ^ad ngaphandle kwalowo ababengene kuwo abafundi bakhe, lokuthi uJesu wayengangenanga emkolweni labafundi bakhe ^ae, kodwa abafundi bakhe babehambe bodwa, 23kodwa eminye imikolo evela eTiberiyasi ^af yafika eduze lendawo lapho ababedle khona isinkwa, emva kokuthi iNkosi isibongile ^ag; 24ngakho ixuku selibonile ukuthi uJesu wayengekho lapho loba abafundi bakhe, bangena labo emikhunjini, bafika eKapenawume ^ah, bedinga uJesu. 25Bathi sebemtholile ngaphetsheya kolwandle ^ai, bathi kuye: Rabi* ^aj, ufike nini lapha?

26UJesu wabaphendula wathi: Ngiqinisile, ngiqinisile, ngithi kini: Liyangidinga, kungeyisikho ukuthi labona izibonakaliso, kodwa ngoba ladla izinkwa lasutha. 27Lingasebenzeli ukudla okuphelayo ^ak, kodwa ukudla okuhlala kuze kube yimpilo elaphakade ^al, ezalinika khona iNdodana yomuntu ^am; ngoba yena uNkulunkulu uYise ^an umphawulile ^ao. 28Basebesithi kuye: Sizakwenzani, ukuze senze imisebenzi kaNkulunkulu ^ap? 29UJesu waphendula wathi kubo: Lo ngumsebenzi kaNkulunkulu ^aq, ukuze likholwe kulowo yena amthumileyo ^ar.

30Ngakho bathi kuye: Pho wena wenza isibonakaliso bani, ukuze sibone sikholwe kuwe? Usebenzani ^as? 31Obaba bethu badla imana enkangala ^at, njengokulotshiweyo ukuthi: Wabanika isinkwa esivela ezulwini ukuthi badle ^au. 32UJesu wasesithi kubo: Ngiqinisile, ngiqinisile, ngithi kini: UMozisi kalinikanga isinkwa esivela ezulwini; kodwa uBaba ulinika isinkwa soqobo esivela ezulwini. 33Ngoba isinkwa sikaNkulunkulu singuye owehla evela ezulwini esinika impilo emhlabeni ^av. 34Basebesithi kuye: Nkosi, sinike lesosinkwa njalonjalo ^aw. 35UJesu wasesithi kubo: Mina ^ax ngiyisinkwa sempilo ^ay; lowo oza kimi, kasoze alambe; lalowo okholwa kimi, kasoze ome lakanye ^az.

36Kodwa ngithe kini: Lani lingibonile, kodwa kalikholwa ^ba. 37Bonke uBaba anginika bona bazakuza kimi ^bb; lozayo kimi angisoze ngimxotshele phandle ^bc. 38Ngoba ngehlile ezulwini ^bd, hatshi ukuthi ngenze intando yami ^be, kodwa intando yalowo ongithumileyo ^bf. 39Lalokhu kuyintando kaBaba ongithumileyo, ukuze konke anginike khona ^bg, ngingalahlekelwa lutho kikho ^bh, kodwa ngikuvuse ngosuku lokucina ^bi. 40Lalokhu kuyintando yongithumileyo, ukuthi wonke obona iNdodana ^bj njalo akholwe kuyo ^bk, abe lempilo elaphakade, njalo mina ngizamvusa ngosuku lokucina ^bl.

41Ngalokho amaJuda akhonona ngaye ^bm, ngoba wathi: Mina ngiyisinkwa esehla sivela ezulwini ^bn. 42Athi-ke: Lo kayisuye yini uJesu indodana kaJosefa ^bo, uyise lonina thina esibaziyo? Pho yena utsho njani, ukuthi: Ngehle ngivela ezulwini ^bp? 43UJesu wasephendula wathi kuwo: Lingakhononi phakathi kwenu. 44Kakho ongeza kimi, ngaphandle kokuthi uBaba ongithumileyo amdonse ^bq, njalo mina ngizamvusa ngosuku lokucina ^br. 45Kulotshiwe kubaprofethi ^bsukuthi: Njalo bonke bazafundiswa nguNkulunkulu ^bt. Ngakho wonke ozwileyo ngoBaba wafunda, uyeza kimi ^bu. 46Kayisikho ukuthi ukhona obone uBaba ^bv, ngaphandle kwakhe ^bw ovela kuNkulunkulu ^bx, yena umbonile uBaba. 47Ngiqinisile, ngiqinisile, ngithi kini: Okholwayo kimi, ulempilo elaphakade ^by. 48Mina ngiyisinkwa sempilo ^bz. 49Oyihlo badla imana enkangala, futhi bafa ^ca; 50lesi yisinkwa esehla sivela ezulwini ^cb, ukuze umuntu adle okwaso angafi ^cc. 51Mina ngiyisinkwa esiphilayo ^cd, esehla sivela ezulwini ^ce; uba umuntu esidla lesisinkwa, uzaphila ephakadeni ^cf. Njalo lesinkwa mina engizasinika, siyinyama yami ^cg, mina engizayinikela impilo yomhlaba ^ch.

52AmaJuda ^ci asephikisana esithi ^cj: Lo angasinika njani inyama yakhe siyidle ^ck? 53Ngakho uJesu wathi kuwo: Ngiqinisile, ngiqinisile, ngithi kini: Ngaphandle kokuthi lidle inyama yeNdodana yomuntu ^cl linathe igazi layo, kalilampilo phakathi kwenu ^{cm , cn}. 54Odla inyama yami anathe igazi lami, ulempilo elaphakade ^co, njalo mina ngizamvusa ngosuku lokucina ^cp. 55Ngoba inyama yami iyikudla oqotho, legazi lami lingokunathwayo oqotho. 56Odla inyama yami anathe igazi lami, uhlala kimi, lami kuye ^cq. 57Njengalokhu uBaba ophilayo engithumile, lami ngiphila ngoBaba ^cr; ngakho ongidlayo, laye uzaphila ngami ^cs. 58Lesi yisinkwa ^ct esehla sivela ezulwini ^cu; akunjengaboyihlo abadla imana, sebafa ^cv; odla lesisinkwa, uzaphila okulaphakade ^cw.

59Watsho lezizinto esinagogeni efundisa eKapenawume ^cx.

Abafundi abathandabuzayo

60Kwathi abanengi kubafundi bakhe besizwa bathi ^cy: Lilukhuni lelilizwi ^cz; ngubani ongalizwa ^da? 61Kodwa uJesu esazi phakathi kwakhe ukuthi abafundi bakhe bayasola ngalokhu ^db, wathi kubo: Lokhu kuyalikhuba yini ^dc? 62Pho, lizathini uba libona iNdodana yomuntu ^dd isenyukela lapho ^de eyayikhona kuqala ^df? 63KunguMoya ophilisayo, inyama kayisizi lutho ^dg; amazwi mina engiwakhuluma kini ^dh, angumoya njalo ayimpilo ^di. 64Kodwa bakhona abanye kini abangakholwayo ^dj. Ngoba uJesu wayekwazi kusukela ekuqaleni ^dk, ukuthi ngobani abangakholwayo ^dl, lokuthi ngubani ozamnikela ^dm. 65Wasesithi: Kungenxa yalokhu ngithe kini: Kakho ongeza kimi, ngaphandle kokuthi ekunikwe nguBaba ^dn.

Isivumo sokholo sikaPetro

66Kusukela lapho abanengi babafundi bakhe babuyela emuva, kababe besahamba laye ^do. 67UJesu wasesithi kwabalitshumi lambili: Lani lithanda ukuzihambela yini ^dp? 68USimoni Petro wasemphendula wathi: Nkosi, sizakuya kubani ^dq? Amazwi empilo elaphakade akuwe ^dr, 69njalo thina siyakholwa, sesisazi ukuthi wena unguKristu iNdodana ^ds kaNkulunkulu ophilayo ^dt. 70UJesu wabaphendula wathi: Mina kangilikhethanga yini ^du lina abalitshumi lambili ^dv, kodwa omunye wenu ungudiyabhola ^dw? 71Wayekhuluma ngoJudasi Iskariyothi kaSimoni ^dx; ngoba nguye owayezamnikela, engomunye wabalitshumi lambili ^dy.