aNani 27:21
b20:18
c1:17
d1 Sam 11:8
eLevi 24:19; 1 Sam 15:33; Jak 2:13; Hlu 1:21
fJosh 15:63
gJosh 10:36, 11:21, 14:13,15, 15:13,14; Josh 21:11
hNani 13:22
iJosh 10:38
j1:15, Josh 15:16-19
k3:9
l4:11,17, 5:24; 1 Sam 15:6; 1 Lan 2:55
mDute 34:3
nNani 21:1, 33:40; Josh 12:14
oNani 10:29,30,31,32
p1:3
q2 Lan 14:10
rJosh 19:4; Nani 14:45, 21:3
sJosh 11:22; Hlu 3:3; Josh 15:47
t14:19; 1 Sam 6:17; 2 Sam 1:20; Jer 25:20, 47:5,7; Amos 1:8; Zef 2:4,7; Zek 9:5
uJosh 15:11
v1:2,22
wJosh 11:6
xNani 14:24; Dute 1:36; Hlu 1:10
yJosh 18:28; Hlu 1:8
z2 Sam 5:6
aaNani 13:2,21,32, 14:6,34; Josh 2:1, 7:2; Hlu 18:2
abGen 28:19, 35:1,6, 48:3; Josh 7:2, 18:13,22
acJosh 2:12,14, 8:35
adJosh 1:4; 1 Kho 10:29; 2 Kho 7:6; 2 Lan 1:17
ae1:27,28, Josh 17:11-13
afJosh 16:10; Josh 10:33
ag1:30,32; Hlab 106:34,35
ahJosh 19:15, 21:35
aiJosh 19:28-30; Josh 12:18
ajJosh 19:28-30; Josh 12:18
akJosh 19:28-30; Josh 12:18
alJosh 19:28-30; Josh 12:18
am1:29
anJosh 19:38
aoJosh 19:38
ap1:29
aq1:28,30,35
arJosh 19:47; Hlu 18:1
asJosh 19:41; Hlu 2:9
atJosh 19:42
auJosh 19:42

Judges 1

Ukulwa kwabantwana bakoIsrayeli lamaKhanani

1Kwasekusithi emva kokufa kukaJoshuwa abantwana bakoIsrayeli babuza iNkosi a besithi: Ngubani ozasenyukelela ukuyamelana lamaKhanani kuqala b ukulwa emelene labo? 2INkosi yasisithi: UJuda uzakwenyuka; khangelani, ngilinikele ilizwe esandleni sakhe. 3UJuda wasesithi kuSimeyoni umfowabo: Yenyuka lami enkathweni yami ukuze silwe simelene lamaKhanani; lami-ke ngizahamba lawe enkathweni yakho c. USimeyoni wasehamba laye. 4UJuda wasesenyuka, njalo iNkosi yanikela amaKhanani lamaPerizi esandleni sabo; bawatshaya eBezeki d, amadoda azinkulungwane ezilitshumi. 5Basebefica uAdoni-Bezeki eBezeki, balwa bemelene laye, bawatshaya amaKhanani lamaPerizi. 6Kodwa uAdoni-Bezeki wabaleka, baxotshana laye, bambamba, baquma izithupha zezandla zakhe lamazwane akhe amakhulu. 7UAdoni-Bezeki wasesithi: Amakhosi angamatshumi ayisikhombisa aqunywe izithupha zezandla zawo lezenyawo zawo ayedobha ngaphansi kwetafula lami. Njengokwenza kwami e, ngokunjalo uNkulunkulu ungiphindisele. Basebemusa eJerusalema, wafela khona. 8Abantwana bakoJuda balwa-ke bemelene leJerusalema f, bayithumba, bayitshaya ngobukhali benkemba, lomuzi bawuthungela ngomlilo.

9Emva kwalokho-ke abantwana bakoJuda behla ukuyakulwa bemelene lamaKhanani ayehlala entabeni leningizimu lesihotsheni. 10UJuda wasehamba wamelana lamaKhanani ayehlala eHebroni g; lebizo leHebroni kuqala kwakuyiKiriyathi-Arba; batshaya uSheshayi h loAhimani loTalimayi. 11Basuka lapho baya bamelana labahlali beDebiri i. Lebizo leDebiri kuqala kwakuyiKiriyathi-Seferi. 12UKalebi j wasesithi: Ozatshaya iKiriyathi-Seferi, ayithumbe, ngizamnika uAkisa indodakazi yami ibe ngumkakhe. 13UOthiniyeli indodana kaKenazi umfowabo kaKalebi, owayemncane kulaye k, waseyithumba; wasemnika uAkisa indodakazi yakhe ukuba ngumkakhe. 14Kwasekusithi ekufikeni kwakhe wamkhuthaza ukuthi acele kuyise insimu; wasesehla kubabhemi, uKalebi wasesithi kuye: Ulani? 15Wasesithi kuye: Ngipha isibusiso. Njengoba ungiphe ilizwe leningizimu, ngipha njalo imithombo yamanzi. UKalebi wasemnika imithombo engaphezulu lemithombo engaphansi.

16Abantwana bomKeni l, uyisezala kaMozisi, basebesenyuka besuka emzini wamalala m, belabantwana bakoJuda, baya enkangala yakoJuda, eseningizimu kweAradi n; baya bahlala phakathi kwabantu o. 17UJuda wasehamba loSimeyoni umfowabo p, bawatshaya amaKhanani ayehlala eZefathi q, bayitshabalalisa. Ngakho ibizo lomuzi lathiwa yiHorma r. 18UJuda wasethumba iGaza s lomngcele wayo, leAshikeloni t lomngcele wayo, leEkhironi u lomngcele wayo. 19INkosi yasisiba loJuda v, wadla ilifa lezintaba, kodwa wayengelakubaxotsha elifeni abahlali besigodi, ngoba babelezinqola zensimbi w. 20Basebenika uKalebi x iHebroni, njengokutsho kukaMozisi; wasexotsha elifeni esuka lapho amadodana amathathu kaAnaki. 21Kodwa abantwana bakoBhenjamini kabawaxotshanga elifeni amaJebusi ayehlala eJerusalema y; ngakho amaJebusi ahlala labantwana bakoBhenjamini eJerusalema kuze kube lamuhla z.

22Lendlu kaJosefa, labo benyukela eBhetheli; njalo iNkosi yayilabo. 23Indlu kaJosefa yasithuma inhloli eBhetheli aa; lebizo lomuzi kuqala laliyiLuzi ab. 24Abalindi basebebona umuntu ephuma emzini, bathi kuye: Akusitshengise indlela yokungena emzini, besesikwenzela umusa ac. 25Esebatshengise indlela yokungena emzini, bawutshaya umuzi ngobukhali benkemba, kodwa lowomuntu losapho lwakhe lonke babayekela bahamba. 26Lowomuntu wasesiya elizweni lamaHethi ad, wakha umuzi, wabiza ibizo lawo ngokuthi yiLuzi; yilelo ibizo lawo kuze kube lamuhla.

27UManase kaxotshanga-ke iBeti-Sheyani lemizana yayo ae, leThahanakhi lemizana yayo, labahlali beDori lemizana yayo, labahlali beIbileyamu lemizana yayo, labahlali beMegido lemizana yayo; kodwa amaKhanani afuna ukuhlala kulelolizwe. 28Kwasekusithi uIsrayeli eselamandla wawamisa amaKhanani kusibhalo, kodwa kawaxotshanga lokuwaxotsha elifeni.

29UEfrayimi kawaxotshanga-ke elifeni amaKhanani ayehlala eGezeri af, kodwa amaKhanani ahlala eGezeri phakathi kwabo ag.

30UZebuluni kabaxotshanga elifeni abahlali beKitroni labahlali beNahaloli ah, kodwa amaKhanani ahlala phakathi kwabo, aba yizibhalwa.

31UAsheri kabaxotshanga elifeni abahlali beAko labahlali beSidoni ai leAhilabi leAkizibi aj leHeliba leAfiki ak leRehobi al; 32kodwa abakoAsheri bahlala phakathi kwamaKhanani am abahlali belizwe, ngoba kabawaxotshanga elifeni.

33UNafithali kabaxotshanga elifeni abahlali beBeti-Shemeshi an labahlali beBeti-Anathi ao, kodwa wahlala phakathi kwamaKhanani ap, abahlali belizwe; kodwa abahlali beBeti-Shemeshi labeBeti-Anathi baba yizibhalwa kubo aq.

34AmaAmori asebafuqela abantwana bakoDani entabeni ar, ngoba kawabavumelanga ukwehlela esigodini. 35Kodwa amaAmori ayefuna ukuhlala entabeni yeHeresi as eAjaloni at leShahalibimi au, kodwa isandla sendlu kaJosefa saba nzima, aba yizibhalwa. 36Umngcele wamaAmori wawusukela emqansweni weAkirabimi, uvela edwaleni usiya phezulu.

Copyright information for Ndebele