a2:5
bDute 31:16
cDute 7:2
dDute 12:3
e2:20, 1:29,32,33
fNani 33:55; Josh 23:13
g3:6
hEks 23:33
i2:9, Josh 24:28,29,30,31
jJosh 24:30; Josh 24:33
kEks 5:2; 1 Sam 2:12; 1 Lan 28:9; Jer 9:3,24, 22:16; Gal 4:8; 1 Thes 4:5; 2 Thes 1:8; Tit 1:16
lDute 31:16
mDute 6:14
n2:17,19; Eks 20:3,5
oDute 31:29
p2:11, 3:7, 10:6; 1 Sam 7:4; Hlab 106:36
q2:20, 3:8; Hlab 106:40,41
r2:20, 3:8; Hlab 106:40,41
sDute 32:30
tLevi 26:37; Josh 7:12,13
uLevi 26; Dute 28
v3:9,15; 1 Sam 12:11; Seb 13:20
wEks 34:15; Hlu 8:33
xDute 9:12
yJosh 1:5
zHlab 106:45; Jona 3:10; Gen 6:6; Dute 32:36; 2 Lan 7:14; Jer 18:8, 26:3; Hlu 10:16
aaEks 2:24, 6:5
ab3:12, 4:1, 8:33
ac2:14
adDute 17:2
aeJosh 23:13; Hlu 2:3; Josh 13:6
af3:1,4
agEks 15:25

Judges 2

Ingilosi yeNkosi eBokimi

1Ingilosi yeNkosi yasisenyuka isuka eGiligali isiya eBokimi a, yathi: Ngalenyusa lisuka eGibhithe, ngaliletha elizweni engalifungela oyihlo, njalo ngathi: Kangiyikwephula isivumelwano sami b lani kuze kube sephakadeni. 2Lani-ke kaliyikwenza isivumelwano labahlali balelilizwe c, lizadiliza amalathi abo d. Kodwa kalililalelanga ilizwi lami e. Kuyini lokhu elikwenzileyo? 3Ngakho lami ngathi: Kangiyikuzixotsha elifeni phambi kwenu, kodwa zizakuba njengameva enhlangothini f zenu, labonkulunkulu bazo g babe ngumjibila kini h. 4Kwasekusithi lapho ingilosi yeNkosi isikhulume lamazwi kubo bonke abantwana bakoIsrayeli, abantu baphakamisa ilizwi labo bakhala inyembezi. 5Basebebiza ibizo laleyondawo ngokuthi yiBokimi, bayihlabela iNkosi lapho.

Ukufa kukaJoshuwa

6Kwathi uJoshuwa esebayekele abantu bahamba i, abantwana bakoIsrayeli bahamba, ngulowo lalowo waya elifeni lakhe ukudla ilifa lelizwe. 7Abantu basebeyikhonza iNkosi kuzo zonke izinsuku zikaJoshuwa, lazo zonke izinsuku zabadala abasala bephila emva kukaJoshuwa, ababewubonile wonke umsebenzi omkhulu weNkosi eyayiwenzele uIsrayeli. 8UJoshuwa indodana kaNuni, inceku yeNkosi, wafa-ke, eleminyaka elikhulu letshumi. 9Basebemngcwabela emngceleni welifa lakhe eThiminathi-Heresi entabeni yakoEfrayimi j, enyakatho kwentaba iGahashi. 10Njalo lalesosizukulwana sabuthelwa kuboyise. Kwasekusukuma esinye isizukulwana emva kwabo esasingayazi iNkosi k njalo lomsebenzi eyayiwenzele uIsrayeli.

Okubi kukaIsrayeli

11Abantwana bakoIsrayeli basebesenza okubi emehlweni eNkosi, bakhonza oBhali. 12Batshiya iNkosi l, uNkulunkulu waboyise, eyabakhupha elizweni leGibhithe, balandela abanye onkulunkulu m, kubonkulunkulu bezizwe ezazibazingelezele, bakhothama n kibo, bayithukuthelisa o iNkosi. 13Bayidela iNkosi, bakhonza uBhali laboAshitarothi* p. 14Ngakho ulaka lweNkosi lwavutha kuIsrayeli q, yabanikela esandleni sabaphangi ababaphangayo r; yabathengisa esandleni sezitha zabo inhlangothi zonke s, ukuze bangabe besaba lakho ukuma phambi kwazo t. 15Loba bephuma besiya ngaphi, isandla seNkosi samelana labo ngokubi, njengokutsho kweNkosi lanjengokufunga kweNkosi kibo u, njalo bacindezeleka kakhulu.

Ukumiswa kwabahluleli

16INkosi yasimisa abahluleli v ababophula esandleni salabo ababaphangayo. 17Kanti kababalalelanga labahluleli babo, kodwa baphinga ngokulandela abanye onkulunkulu w, bakhothama kibo; baphambuka masinyane endleleni oyise ababehamba kuyo x, belalela imilayo yeNkosi. Bona kabenzanga njalo. 18Lalapho iNkosi ibamisela abahluleli, iNkosi yayilomahluleli y, yabophula esandleni sezitha zabo zonke izinsuku zikamahluleli; ngoba iNkosi yazisola z ngenxa yokububula kwabo ngenxa yalabo ababacindezelayo lababahlukuluzayo aa. 19Kwasekusithi ekufeni kukamahluleli ab, babuyela emuva baxhwala okwedlula oyise, ngokulandela abanye onkulunkulu, ngokubakhonza langokubakhothamela; kabalahlanga okwemisebenzi yabo lokwendlela yabo yenkani.

20Ngakho ulaka lweNkosi lwavutha kuIsrayeli ac, yathi: Ngoba lesisizwe seqe isivumelwano sami engasilaya oyise ad, kasilalelanga ilizwi lami, 21lami kangisayikuxotsha loba ngubani elifeni phambi kwabo ezizweni uJoshuwa azitshiya ekufeni kwakhe ae, 22ukuze ngihlole ngazo uIsrayeli af , ag ukuthi bazagcina yini indlela yeNkosi ukuhamba kuyo njengaboyise bayigcina, kumbe hatshi. 23Ngakho iNkosi yaziyekela lezozizwe, ukuze ingazixotshi elifeni masinyane, njalo kayizinikelanga esandleni sikaJoshuwa.

Copyright information for Ndebele