Lev 26:16, 25-26, Deu 28:21-22, 27, 38, 42, 2Ch 20:9 | Ndebele | STEP | lami ngizakwenza lokhu kini: Ngizamisa phezu kwenu ukwesaba okukhulu , isifo esicakisayo, lomkhuhlane , okuqeda amehlo, okwenza impilo iphele . Njalo inhlanyelo yenu lizayihlanyelela ize, ngoba izitha zenu zizayidla .

Leviticus 26:16

16 lami ngizakwenza lokhu kini: Ngizamisa phezu kwenu ukwesaba okukhulu ^a, isifo esicakisayo, lomkhuhlane ^b, okuqeda amehlo, okwenza impilo iphele ^c. Njalo inhlanyelo yenu lizayihlanyelela ize, ngoba izitha zenu zizayidla ^d.

Leviticus 26:25-26

25 Ngizakwehlisela inkemba phezu kwenu ezaphindisela impindiselo yesivumelwano. Uba libuthana emizini yenu ^e, ngizathumela umatshayabhuqe wesifo phakathi kwenu, njalo linikelwe esandleni sesitha ^f. 26 Lapho ngilephulela udondolo lwesinkwa, abesifazana abalitshumi bazabhaka isinkwa senu eziko elilodwa, babuyise isinkwa senu ngesisindo ^g; njalo lizakudla, kodwa lingasuthi ^h.

Deuteronomy 28:21-22

21 INkosi izanamathelisa kuwe umatshayabhuqe wesifo, aze akuqede usuke elizweni oya kulo ukudla ilifa lalo ⁱ. 22 INkosi izakutshaya ngesifo esicakisayo ^j, langoqhuqho, langokuvuvuka komzimba, langokutshisa okukhulukazi, langenkemba ^k, langokuhanguka ^l, langengumane ^m; njalo kuzakuxotsha uze ubhubhe.

Deuteronomy 28:27

27 INkosi izakutshaya ngamathumba eGibhithe ⁿ, lamaqhubu ^o, loqweqwe, lenkomo, ongelakwelatshwa kukho ^p.

Deuteronomy 28:38

38 Uzaphuma lenhlanyelo enengi uye ensimini, kodwa ubuthelele okulutshwana ^q, ngoba isikhonyane sizakudla ^r.

Deuteronomy 28:42

42 Zonke izihlahla zakho lezithelo zomhlaba wakho zizakuba ngezesikhonyane.

2 Chronicles 20:9

9 Uba kusehlela phezu kwethu ububi, inkemba, isahlulelo, loba umatshayabhuqe wesifo, loba indlala ^s, sizakuma phambi kwalindlu laphambi kwakho ^t (ngoba ibizo lakho likulindlu ^u), sikhale kuwe ekubandezelekeni kwethu, uzakuzwa-ke usindise.