Luk 13 | Ndebele | STEP | Njalo ngalesosikhathi kwaba khona abathile abamtshela ngamaGalili, igazi lawo uPilatu alixubanisa lemihlatshelo yawo .

1 Njalo ngalesosikhathi kwaba khona abathile abamtshela ngamaGalili, igazi lawo uPilatu alixubanisa lemihlatshelo yawo ^a. 2 UJesu wasephendula wathi kubo: Licabanga ukuthi amaGalili la ayeyizoni yini kulawo wonke amaGalili, ngoba ahlupheka izinto ezinje? 3 Hatshi bo, ngithi kini: Kodwa uba lingaphenduki, lizabhubha ngokunjalo lonke ^b. 4 Lalabo abalitshumi lesificaminwembili, owawela phezu kwabo umphotshongo eSilowama wababulala, licabanga ukuthi bona babebabi ^{▼▼ ababi: Gr. abalezikwelede.} yini kulabantu bonke ababehlala eJerusalema? 5 Hatshi bo, ngithi kini: Kodwa uba lingaphenduki, lizabhubha ngokunjalo lonke ^d.

Umfanekiso womkhiwa ongatheliyo

6 Wasekhuluma lumfanekiso wathi: Umuntu othile wayelomkhiwa owawuhlanyelwe esivinini sakhe; wafika edinga isithelo kuwo, kodwa kasitholanga ^e. 7 Wasesithi kuso isisebenzi sesivini: Khangela, sekuyiminyaka emithathu ngisiza ngidinga isithelo emkhiweni, kodwa ngingasitholi; ugamule; yini ukuthi wone ngitsho umhlabathi ^f? 8 Sasesiphendula sathi kuye: Nkosi, ake uwuyekele langalumnyaka, ngize ngigebhe ngiwugombolozele, ngithele umquba; 9 njalo uba uthela isithelo, kuhle ^g; kodwa uba kungenjalo, emva kwalokho uzawugamula ^h.

Ukusiliswa kowesifazana ngesabatha

10 Futhi wayefundisa kwelinye lamasinagoge ngesabatha; 11 njalo khangela, kwakukhona owesifazana owayelomoya wobuthakathaka iminyaka elitshumi leyisificaminwembili ⁱ, esegogekile, wayengezelulamise ngokupheleleyo ^j. 12 Kwathi uJesu embona wambizela kuye, wathi kuye: Mama, ukhululwe ebuthakathakeni bakho. 13 Wasebeka izandla phezu kwakhe ^k; njalo wahle welulanyiswa ^l, wadumisa uNkulunkulu ^m. 14 Kodwa umphathi wesinagoge ⁿ, ethukuthele ngoba uJesu esilise ngesabatha ^o, waphendula wathi exukwini: Zikhona insuku eziyisithupha okufanele ukusetshenzwa ngazo ^p; ngakho wozani ngazo lisiliswe, kodwa kungabi ngosuku lwesabatha ^q. 15 Ngakho iNkosi yamphendula, yathi: Mzenzisi ^r, ngulowo lalowo wenu kayikhululi yini inkabi yakhe kumbe ubabhemi ^s esibayeni ngesabatha, ayikhokhele ayeyinathisa ^t? 16 Lalo, oyindodakazi kaAbrahama ^u, uSathane obembophile, khangela, iminyaka elitshumi leyisificaminwembili, kakufanele yini ukuthi akhululwe kulesisibopho ngosuku lwesabatha ^v? 17 Kwathi esitsho lezizinto, bayangeka bonke ababephikisana laye; lexuku lonke lathokoza ngezinto zonke ezilodumo ezenziwe nguye ^w.

Umfanekiso wenhlanyelo yemasitedi, lowemvubelo

18 Wasesithi ^x: Umbuso kaNkulunkulu unjengani? Futhi ngizawufananisa lani? 19 Unjengohlamvu lwemasitedi, umuntu aluthatha waluphosa esivandeni sakhe; lwaselumila, lwaba yisihlahla esikhulu, lenyoni zezulu zakhele engatsheni zaso ^y.

20 Wasebuya wathi: Ngizawufananisa lani umbuso kaNkulunkulu? 21 Unjengemvubelo, ayithathayo owesifazana wayifaka ezilinganisweni ezintathu zempuphu, kwaze kwabila konke ^z.

UJesu ukhuluma ngendlela yempilo

22 Wasehamba edabula imizi lemizana efundisa ^aa, ejonge ukuya eJerusalema ^ab.

23 Omunye wasesithi kuye: Nkosi, balutshwana yini abasindiswayo ^ac? Wasesithi kubo: 24 Zamani kakhulu ukungena ngesango elincinyane; ngoba abanengi, ngithi kini, bazadinga ukungena, kodwa bazakwehluleka ^{ad
,} ^ae. 25 Emva kokuthi umninindlu ^af esesukume wavala umnyango ^ag, beseliqala ukuma ngaphandle liqoqode emnyango, lisithi: Nkosi, Nkosi, sivulele ^ah; yena-ke aphendule athi kini: Kangilazi, lapho elivela khona ^ai; 26 lapho lizaqala ukuthi: Sadla sanatha phambi kwakho ^aj, njalo wawufundisa emigwaqweni yakithi ^ak. 27 Kodwa uzakuthi: Ngithi kini: Kangilazi lapho elivela khona ^al; sukani kimi lina lonke benzi bokubi ^am. 28 Lapho kuzakuba khona ukukhala lokugedla amazinyo ^an, nxa selibona uAbrahama loIsaka loJakobe labaprofethi bonke embusweni kaNkulunkulu, kodwa lina lilahlelwe ngaphandle ^ao. 29 Futhi bazakuza ^ap bevela empumalanga lentshonalanga, njalo enyakatho leningizimu, bahlale embusweni kaNkulunkulu ^aq. 30 Njalo khangelani, bakhona abokucina abazakuba ngabokuqala, njalo bakhona abokuqala abazakuba ngabokucina ^ar.

Ukuzonda kukaHerodi

31 Ngelanga elifananayo kwafika abaFarisi abathile, bathi kuye: Phuma usuke lapha ^as, ngoba uHerodi ufuna ukukubulala ^at. 32 Wasesithi kubo: Hambani lilitshele lelokhanka: Khangela, ngiyakhupha amadimoni ngenza izelapho lamuhla lakusasa, langelesithathu ngipheleliswe ^au. 33 Kodwa kumele ukuthi ngihambe lamuhla lakusasa ^av langomhlomunye ^aw; ngoba kakwenzeki ^ax ukuthi umprofethi abulawelwe ngaphandle kweJerusalema ^ay.

UJesu ukhalela iJerusalema

34 Jerusalema, Jerusalema, wena obulala abaprofethi, lobakhanda ngamatshe labo abathunywe kuwe! Bengithanda kangakanani ukubuthela ndawonye abantwana bakho ^az, njengesikhukhukazi sibuthela amatsiyane aso ngaphansi kwempiko, kodwa kalivumanga ^ba. 35 Khangelani, indlu yenu itshiywe kini ilunxiwa ^bb; njalo ngiqinisile ngithi kini: Kalisoze langibona kuze kufike ukuthi lithi: Ubusisiwe ozayo ebizweni leNkosi ^bc.