Mat 26:57-68, Luk 22:54, 63-65, 67-69, Joh 18:12-15, 19-24 | Ndebele | STEP | Lababembambile uJesu ba m qhuba bamusa kuKayafasi umpristi omkhulu, lapho ababebuthene khona ababhali labadala .

57 Lababembambile uJesu bamqhuba ^a bamusa kuKayafasi umpristi omkhulu, lapho ababebuthene khona ababhali labadala ^b. 58 Kodwa uPetro wamlandela ekhatshana, kwaze kwaba segumeni lompristi omkhulu ^c, njalo wangena phakathi wahlala phansi lezinceku, ukuze abone isicino ^d.

59 Njalo abapristi abakhulu labadala lomphakathi wonke badinga ubufakazi bamanga obumelana loJesu, ukuze bambulale ^e, 60 kodwa kababutholanga; lanxa kwavela abafakazi abanengi bamanga ^f, ababutholanga ^g. Kwathi emva kwalokho kwavela ababili abafakazi bamanga ^h, 61 bathi: Lo wathi: Ngilakho ukudiliza ithempeli likaNkulunkulu ⁱ, njalo ngilakhe ngensuku ezintathu ^j. 62 Kwasekusukuma umpristi omkhulu wathi kuye: Kawuphenduli lutho yini? Bafakazani laba okumelana lawe? 63 Kodwa uJesu wathula ^k. Umpristi omkhulu wasephendula wathi kuye: Ngikufungisa ^l ngoNkulunkulu ophilayo, ukuthi usitshele ukuthi unguKristu ^m, iNdodana kaNkulunkulu ⁿ. 64 UJesu wathi kuye: Utshilo wena ^o. Kodwa ngithi kini: Kusukela khathesi lizabona iNdodana yomuntu ^p ihlezi ngakwesokunene ^q samandla isiza phezu kwamayezi ezulu ^r. 65 Umpristi omkhulu wasedabula izembatho zakhe ^s, wathi: Usehlambazile; sisadingelani abafakazi? Khangelani, khathesi seliyizwile inhlamba yakhe; 66 licabangani? Basebephendula besithi: Ulecala ^t lokufa ^u.

67 Basebemkhafulela amathe ebusweni ^v bamdutshuza ^w; labanye ^x bamwakala ^y, 68 bathi: Profetha kithi, Kristu, ngubani okutshayileyo ^z?

Luke 22:54

UPetro ulandula uJesu

54 Sebembambile bamqhuba, bamusa endlini yompristi omkhulu ^aa. UPetro waselandela ekhatshana ^ab.

Luke 22:63-65

UJesu uphathwa kubi

63 Lamadoda ayembambile uJesu ^ac amklolodela, amtshaya ^ad. 64 Amembesa, amtshaya ubuso, asembuza, esithi: Profetha! Ngubani okutshayileyo? 65 Akhuluma lezinye izinto ezinengi kuye ehlambaza ^ae.

Luke 22:67-69

67 Uba unguKristu, sitshele. Wasesithi kubo: Uba ngilitshela, kalisoze likholwe; 68 njalo uba lami ngilibuza, kalisoze lingiphendule, loba lingikhulule ^af. 69 Kusukela khathesi iNdodana yomuntu izahlala ngakwesokunene samandla kaNkulunkulu ^ag.

John 18:12-15

12 Ngakho isigaba ^{ah
,} ^ai samabutho lenduna ^aj labancedisi bamaJuda bambamba uJesu ^ak, bambopha, 13 basebemusa ^al kuqala kuAnasi ^am; ngoba wayenguyisezala kaKayafasi ^an, owayengumpristi omkhulu ngalowomnyaka ^ao. 14 Kwakunguye uKayafasi owayecebise amaJuda, ukuthi kwakulungile ukuthi umuntu oyedwa afele isizwe ^ap.

UPetro ulandula uJesu. Ukuthethwa kwecala likaJesu

15 USimoni Petro wasemlandela uJesu ^aq, lomunye umfundi. Lalowomfundi wayesaziwa ngumpristi omkhulu, wangena loJesu egumeni lompristi omkhulu ^ar;

John 18:19-24

19 Umpristi omkhulu wasembuza uJesu ngabafundi bakhe, langemfundiso yakhe ^as. 20 UJesu wamphendula wathi: Mina ngikhulume obala emhlabeni ^at; ngezikhathi zonke mina bengifundisa esinagogeni ^au lethempelini ^av, lapho amaJuda abuthana khona ngesikhathi sonke, njalo kangikhulumanga lutho ensitha ^aw. 21 Ubuzelani kimi? Buza labo abakuzwayo lokho engakukhuluma labo ^ax; khangela, bona bayazazi izinto mina engazitshoyo ^ay. 22 Kwathi esetshilo lezizinto, omunye wabancedisi ^az owayemi khona wamwakala ^{▼▼ wamwakala: kumbe, wamtshaya ngenduku.} uJesu ^bb, esithi: Kanti uphendula njalo umpristi omkhulu ^bc? 23 UJesu wamphendula wathi: Uba ngikhulume kubi, fakaza ngobubi; kodwa uba kuhle, ungitshayelani? 24 UAnasi wasemthuma ebotshiwe kuKayafasi umpristi omkhulu ^bd.