a2 Kho 4:42-44
bMark 7:34
c1 Sam 9:13; Mat 26:26; Mark 6:41, 8:7, 14:22; Luka 9:16, 24:30; Mat 15:36
d16:9
eJoha 6:7
fNani 11:13,21,22; 2 Kho 4:43
g6:7
h6:7
iLuka 6:20
j1:44
kLuka 10:25; Joha 8:6
lMark 6:37
m1:40,44
n6:11, 21:9,10,13
o6:4; Jow 2:23
pMat 14:21
q6:23; Mat 15:36
r6:11, 21:9,10,13
sMat 16:9

Matthew 14:16-21

16Kodwa uJesu wathi kubo: Kakuswelekanga ukuthi bahambe; banikeni lina ukuthi badle. 17Kodwa bathi kuye: Kasila lapha ngaphandle kwezinkwa ezinhlanu lenhlanzi ezimbili. 18Wasesithi: Ziletheni lapha kimi. 19Waselaya amaxuku ukuthi ahlale phansi etshanini, wathatha izinkwa ezinhlanu lenhlanzi ezimbili a, wakhangela phezulu ezulwini b, wabusisa, esezihlephule wabanika abafundi izinkwa, labafundi bapha amaxuku c. 20Basebesidla bonke, basutha; badobha imvuthu ezazisele, izitsha ezigcweleyo ezilitshumi lambili d. 21Lalabo abasebedlile babengamadoda angaba zinkulungwane ezinhlanu, ngaphandle kwabesifazana labantwana.

Mark 6:37-44

37Wasephendula wathi kubo: Banikeni lina ukuthi badle. Basebesithi kuye e: Sihambe yini siyethenga izinkwa ngabodenariyo* abangamakhulu amabili, sibaphe badle f? 38Wasesithi kubo: Lilezinkwa ezingaki? Hambani liyebona. Sebesazi bathi: Zinhlanu, lenhlanzi ezimbili. 39Wasebalaya ukuthi babahlalise bonke phansi ngezigaba ngezigaba etshanini obuluhlaza g. 40Basebehlala phansi ngamaviyo ngamaviyo, ngamakhulu langamatshumi amahlanu h. 41Wasethatha izinkwa ezinhlanu lenhlanzi ezimbili, ekhangela phezulu ezulwini, wabonga, wazihlephula izinkwa, wazinika abafundi bakhe ukuthi bazibeke phambi kwabo; lenhlanzi ezimbili wazabela bonke. 42Basebesidla bonke, basutha. 43Basebedobha izitsha ezilitshumi lambili ezagcwala imvuthu ezazisele, lokuseleyo kwenhlanzi. 44Lalabo abadlayo izinkwa, babengaba ngamadoda azinkulungwane ezinhlanu.

Luke 9:13-17

13Kodwa wathi kubo: Banikeni lina bona ukuthi badle. Bathi-ke: Asilakho okwedlula izinkwa ezinhlanu lenhlanzi ezimbili, ngaphandle kokuthi thina siyebathengela ukudla bonke lababantu. 14Ngoba kwakukhona amadoda angaba zinkulungwane ezinhlanu. Wasesithi kubafundi bakhe: Bahlaliseni phansi ngezigaba ngamatshumi amahlanu. 15Basebesenza njalo, babahlalisa phansi bonke. 16Wasezithatha izinkwa ezinhlanu lenhlanzi ezimbili, wakhangela phezulu ezulwini, wazibusisa, wazihlephula, wazinika abafundi ukuthi babeke phambi kwexuku. 17Basebesidla basutha bonke; kwadojwa imvuthu ezazisele kubo, izitsha ezilitshumi lambili.

John 6:5-13

5Kwathi uJesu ephakamisa amehlo, wasebona ixuku elikhulu lisiza kuye i, wathi kuFiliphu j: Sizathenga ngaphi izinkwa, ukuze laba badle? 6Njalo watsho lokhu emhlola, ngoba yena wayekwazi azakwenza k. 7UFiliphu wamphendula wathi: Izinkwa zabodenariyo* abangamakhulu amabili zingebanele, ukuthi wonke ngamunye wabo azuze ingcosana l. 8Omunye wabafundi bakhe, uAndreya umfowabo kaSimoni Petro m, wathi kuye: 9Kukhona umfanyana lapha, olezinkwa ezinhlanu zebhali* lenhlanzana ezimbili n; kodwa ziyini kwabanengi kangaka? 10Kodwa uJesu wathi: Hlalisani abantu phansi. Kwakukhona utshani obunengi kuleyondawo o. Ngakho amadoda ahlala phansi inani lawo lalingaba zinkulungwane ezinhlanu p. 11UJesu wasezithatha izinkwa, esebongile wazinika abafundi q, labafundi kulabo ababehlezi phansi; ngokunjalo lenhlanzana ngangokufuna kwabo r. 12Bathi sebesuthi, wathi kubafundi bakhe: Buthani imvuthu eziseleyo, ukuze kungachitheki lutho. 13Basebebutha, bagcwalisa izitsha ezilitshumi lambili ngemvuthu zezinkwa ezinhlanu zebhali, ezasalayo kulabo abadlayo s.
Copyright information for Ndebele