aMark 7:1-30
bGal 1:14; Kol 2:8
cHeb 11:2
dEks 20:12; Dute 5:16; Zaga 23:22
eEks 21:17; Levi 20:9; Zaga 20:20
f23:18
gMark 7:13; Gal 3:17
hMark 7:13; Gal 3:17
iIsa 29:13; Hez 33:31
jKol 2:22; Tit 1:14
kSeb 10:14,15
lJoha 15:2
m23:16,24; Mal 2:8
nLuka 6:39
oMark 7:17
p16:9
q1 Kor 6:13
rJak 3:6
s15:11,20
tGen 6:5
uJak 2:4; Hlab 56:5
vMark 7:2,5
w11:21,22; Mark 3:8, 7:31; Luka 6:17
xHlu 1:30-33; Mark 7:26
y9:27
z4:24
aa14:15
ab10:6; Seb 3:25,26, 13:46; Roma 15:8
ac8:2
ad7:6; Fil 3:2; Isam 22:15
ae9:2
afMark 7:31-37
ag4:18
ah11:5
ai15:31, 18:8; Mark 9:43
aj15:31, 18:8; Mark 9:43
ak9:8; Luka 2:20, 5:25,26, 7:16, 13:13, 17:15, 18:43, 23:47; Seb 4:21, 11:18
alIsa 29:23
am14:14-21; Mark 6:34-44
an15:36
ao15:36
ap26:26, 27. Mark 8:6, 14:23; Luka 22:17,19; Joha 6:11,23; Seb 27:35; Roma 14:6; 1 Kor 10:30, 11:24; 1 Tim 4:3,4; Mat 14:19
aq16:10
ar16:12, Mark 8:10-21
asJosh 19:38; Mat 27:56; Mark 8:10

Matthew 15

AbaFarisi lababhali basolwa ngenxa yezimiso zabo

1Kwasekufika kuJesu ababhali labaFarisi ababevela eJerusalema a, bathi: 2Kungani abafundi bakho besephula isiko b labadala c? Ngoba kabagezi izandla zabo, nxa besidla isinkwa. 3Kodwa waphendula wathi kubo: Lani-ke kungani lisephula umlayo kaNkulunkulu ngenxa yesiko lenu? 4Ngoba uNkulunkulu walaya, wathi: Hlonipha uyihlo lonyoko d; lokuthi: Othuka uyise kumbe unina kumele afe lokufa e; 5kodwa lina lithi: Loba ngubani othi kuyise kumbe kunina: Kungumnikelo f, loba yini evela kimi ingakusiza, 6njalo engasoze amhloniphe uyise kumbe unina; ngalokho lenza umlayo kaNkulunkulu g ube yize ngenxa yesiko lenu h. 7Bazenzisi, uIsaya waprofetha kuhle ngani, esithi: 8Lababantu basondela kimi ngomlomo wabo, langendebe bangidumise; kodwa inhliziyo yabo ikhatshana lami i. 9Kodwa bangikhonza ngeze, befundisa izimfundiso eziyimilayo yabantu j. 10Esebizele kuye ixuku, wathi kilo: Lalelani futhi liqedisise. 11Kakusikho okungena emlonyeni okungcolisa umuntu; kodwa okuphuma emlonyeni, yikho okungcolisa umuntu k.

12Abafundi bakhe basebesondela bathi kuye: Uyazi yini ukuthi abaFarisi bathe ukulizwa lelilizwi bakhubeka? 13Kodwa waphendula wathi: Sonke isihlahlakazana, uBaba osezulwini angasihlanyelanga, sizasitshunwa l. 14Bayekeleni; bangabakhokheli beziphofu abayiziphofu m; njalo nxa isiphofu sikhokhela isiphofu, zizawela emgodini zombili n.

15UPetro wasephendula wathi kuye: Sichasisele lumfanekiso o. 16UJesu wasesithi: Kanti lani lisengabangelakuqedisisa p? 17Lilokhe lingaqedisisi yini, ukuthi konke okungena emlonyeni kuya esiswini, futhi kuyelahlelwa ngaphandle q? 18Kodwa izinto eziphuma emlonyeni zivela enhliziyweni r; lezi ziyamngcolisa umuntu s. 19Ngoba enhliziyweni t kuvela imicabango emibi, ukubulala, ubufebe, ukuphinga, ukweba, ukufakaza amanga, ukuhlambaza; 20yizo lezozinto ezimngcolisayo umuntu u; kodwa ukudla ngezandla ezingagezwanga kakumngcolisi umuntu v.

Owesifazana weKhanani

21UJesu wasesuka lapho, waya kungxenye zeTire lezeSidoni w. 22Njalo khangela, owesifazana ongumKhanani ovela kuleyomikhawulo, wakhala kuye esithi: Nkosi x, Ndodana kaDavida, akungihawukele y! Indodakazi yami ihlaselwe kubi lidimoni z. 23Kodwa kamphendulanga ngalizwi. Basebesondela kuye abafundi bakhe bamncenga, bathi: Mxotshe, ngoba uyakhala ngemva kwethu aa. 24Kodwa waphendula wathi: Kangithunywanga, ngaphandle kuzo izimvu ezilahlekileyo zendlu yakoIsrayeli ab. 25Kodwa weza wamkhonza wathi: Nkosi, ngisize ac. 26Kodwa waphendula wathi: Kakukuhle ukuthatha isinkwa sabantwana, lokusiphosela izinjana. 27Kodwa yena wathi: Yebo, Nkosi, kodwa lezinjana ziyadla okwemvuthuluka eziwa etafuleni labaninizo ad. 28UJesu wasephendula wathi kuye: O mama, lukhulu ukholo lwakho! Kakube kuwe njengokuthanda kwakho. Indodakazi yakhe yasisila kusukela kulelohola ae.

UJesu usilisa izigulane

29UJesu wasesuka lapho weza eduzane kolwandle lweGalili af; wenyukela entabeni wahlala phansi khona. 30Kwasekusiza kuye amaxuku amakhulu ag, beleziqhuli, iziphofu, izimungulu ah, izingini, labanye abanengi, basebebaphosela enyaweni zikaJesu, wasebasilisa; 31aze amangala amaxuku ai, ebona izimungulu zikhuluma, izingini ziphilile, iziqhuli zihamba, leziphofu zibona aj; basebemdumisa ak uNkulunkulu kaIsrayeli al.

UJesu usuthisa amadoda azinkulungwane ezine

32UJesu wasebizela kuye abafundi bakhe wathi: Ngilesihelo ngexuku, ngoba sebelami insuku ezintathu, bengelalutho lokudla; njalo kangithandi ukuthi ngibayekele bahambe bengadlanga am, hlezi bayathe endleleni. 33Abafundi bakhe basebesithi kuye: Sizazuza ngaphi enkangala izinkwa ezinengi kangaka, ukuthi zisuthise ixuku elikhulu kangaka? 34UJesu wasesithi kubo: Lilezinkwa ezingaki? Basebesithi: Eziyisikhombisa, lenhlanzana ezinlutshwana an. 35Waselaya amaxuku ukuthi ahlale phansi emhlabathini. 36Wasethatha izinkwa eziyisikhombisa lenhlanzi ao, esebongile wazihlephula, wazinika abafundi bakhe, labafundi ixuku. 37Basebesidla bonke basutha; basebedobha imvuthu ezazisele ap, izitsha eziyisikhombisa zigcwele. 38Lalabo abadlayo babengamadoda azinkulungwane ezine, ngaphandle kwabesifazana labantwana aq. 39Eseyekele amaxuku ahamba ar wangena emkhunjini, weza emikhawulweni yeMagadala as.

Copyright information for Ndebele