Mal 3:1-3, Mat 21:12-13, Mar 11:15-17, Luk 19:45-46 | Ndebele | STEP | Khangelani , ngithuma isithunywa sami, esizalungisa indlela phambi kwami; leNkosi eliyidingayo izafika masinyane ethempelini layo, ngitsho isithunywa sesivumelwano elithokoza ngaso; khangela siyeza , itsho iNkosi yamabandla.

Malachi 3:1-3

1 Khangelani ^a, ngithuma isithunywa ^b sami, esizalungisa ^c indlela phambi kwami; leNkosi eliyidingayo ^d izafika ^e masinyane ethempelini layo, ngitsho ^f isithunywa sesivumelwano elithokoza ^g ngaso; khangela siyeza ^h, itsho iNkosi yamabandla.

2 Kodwa ngubani ⁱ ongalumela usuku ^j lokuza kwaso, njalo ngubani ^k ongema ekubonakaleni kwaso? Ngoba ^l sinjengomlilo ^m womcwengi wegolide, lanjengesepa ⁿ yomwatshi. 3 Sizahlala njengomcwengi ^o lomhlambululi wesiliva, sihlambulule ^p amadodana kaLevi, siwacwenge ^q njengegolide lanjengesiliva; ukuze asondeze ^r iminikelo ngokulunga ^s eNkosini.

Matthew 21:12-13

Ukuhlanjululwa kwethempeli

12 UJesu wasengena ethempelini likaNkulunkulu, wabaxotsha bonke ababethengisa lababethenga ethempelini ^t, wasegenqula amatafula ^u ababentshintshelana imali ^v, lezihlalo zalabo ababethengisa amajuba ^w. 13 Wasesithi kubo: Kulotshiwe ukuthi: Indlu yami izabizwa ngokuthi yindlu yomkhuleko ^x; kodwa lina liyenze ubhalu ^y lwabaphangi ^z.

Mark 11:15-17

Ukuhlanjululwa kwethempeli

15 Basebefika eJerusalema; uJesu wasengena ethempelini waqala ukuxotsha labo ababethengisa lababethenga ethempelini; wasegenqula amatafula ababentshintshelana imali, lezihlalo zalabo ababethengisa amajuba ^aa; 16 wayengavumeli ukuthi umuntu athwale impahla adabule ethempelini ^ab. 17 Wasefundisa, wathi kubo: Kakulotshiwe yini ukuthi: Indlu yami izabizwa ngokuthi yindlu yomkhuleko yezizwe zonke ^ac? Kodwa lina seliyenze ubhalu lwabaphangi ^ad.

Luke 19:45-46

Ukuhlanjululwa kwethempeli

45 Wasengena ethempelini, waqala ukuxotsha abathengisayo kulo, labathengayo ^ae, 46 esithi kubo: Kulotshiwe ukuthi: Indlu yami yindlu yomkhuleko ^af; kodwa lina liyenze ubhalu lwabaphangi ^ag.