Mat 21:12-13, 16, Mar 11:15, 17-18, Joh 2:13-17 | Ndebele | STEP | UJesu wasengena ethempelini likaNkulunkulu, wabaxotsha bonke ababethengisa lababethenga ethempelini , wasegenqula amatafula ababentshintshelana imali , lezihlalo zalabo ababethengisa amajuba .

Matthew 21:12-13

Ukuhlanjululwa kwethempeli

12 UJesu wasengena ethempelini likaNkulunkulu, wabaxotsha bonke ababethengisa lababethenga ethempelini ^a, wasegenqula amatafula ^b ababentshintshelana imali ^c, lezihlalo zalabo ababethengisa amajuba ^d. 13 Wasesithi kubo: Kulotshiwe ukuthi: Indlu yami izabizwa ngokuthi yindlu yomkhuleko ^e; kodwa lina liyenze ubhalu ^f lwabaphangi ^g.

Matthew 21:16

16 basebesithi kuye: Uyakuzwa lokhu yini abakutshoyo laba? UJesu wasesithi kubo: Yebo; alikaze lifunde yini ukuthi: Emlonyeni ^h wezingane lowabamunyayo ⁱ uphelelise indumiso ^j?

Mark 11:15

Ukuhlanjululwa kwethempeli

15 Basebefika eJerusalema; uJesu wasengena ethempelini waqala ukuxotsha labo ababethengisa lababethenga ethempelini; wasegenqula amatafula ababentshintshelana imali, lezihlalo zalabo ababethengisa amajuba ^k;

Mark 11:17-18

17 Wasefundisa, wathi kubo: Kakulotshiwe yini ukuthi: Indlu yami izabizwa ngokuthi yindlu yomkhuleko yezizwe zonke ^l? Kodwa lina seliyenze ubhalu lwabaphangi ^m.

18 Ababhali labapristi abakhulu basebekuzwa, badinga ukuthi bangambulala njani ⁿ; ngoba babemesaba, ngoba lonke ixuku lamangala kakhulu ngokufundisa kwakhe ^o.

John 2:13-17

13 Iphasika lamaJuda laselisondele ^p, uJesu wasesenyukela eJerusalema ^q.

14 Wafica ethempelini labo abathengisa inkabi lezimvu lamajuba, labantshintshi bemali behlezi ^r. 15 Esenze isiswepu sezintambo ^s wabaxotsha bonke ethempelini, izimvu kanye lenkabi; wachitha imali yabantshintshisayo, wagenqula amatafula; 16 wasesithi kwabathengisa amajuba: Susani lezizinto lapha; lingenzi indlu kaBaba indlu yokuthengisela ^t. 17 Abafundi bakhe basebekhumbula ukuthi kulotshiwe ukuthi: Ukutshisekela indlu yakho kungidlile ^u.