Mic 3 | Ndebele | STEP | Ngasengisithi: Ake lizwe, lina zinhloko zakoJakobe , lani zinhloko zendlu yakoIsrayeli . Kakuyisikho okwenu yini ukwazi isahlulelo ?

1 Ngasengisithi: Ake lizwe, lina zinhloko zakoJakobe ^a, lani ^b zinhloko zendlu yakoIsrayeli ^c. Kakuyisikho okwenu yini ^d ukwazi isahlulelo ^e? 2 Elizonda okuhle, lithande okubi, elebula isikhumba lisisusa kubo ^f, lenyama yabo emathanjeni abo; 3 futhi elidla inyama yabantu bami ^g, lihlinze isikhumba sabo lisisusa kubo ^h; lephule amathambo abo ⁱ, liwaqobaqobe njengawembiza ^j, lanjengenyama phakathi ^k kwebhodo ^l. 4 Khona bezakhala eNkosini, kodwa kayiyikubaphendula ^m; njalo izabafihlela ubuso bayo ngalesosikhathi ⁿ, njengalokho benze izenzo zabo zaba zimbi.

5 Itsho njalo iNkosi mayelana labaprofethi abaduhisa abantu bami ^{o
,} ^p, abaluma ngamazinyo abo ^q, abamemeza: Ukuthula ^{r
,} ^s; kodwa ongabeki lutho emlonyeni wabo ^t, balungisa impi bemelene laye ^u. 6 Ngakho kuzakuba yibusuku ^v kini, lingabi lombono ^w; kube mnyama ^x kini, lingabi ^y lokuvumisa ^z; lelanga lizabatshonela abaprofethi ^aa, losuku lube mnyama phezu kwabo. 7 Khona ababoni bezayangeka ^ab, labavumisi ^{ac
,} ^ad babe lenhloni ^ae. Yebo bonke bazambomboza izindebe zangaphezulu ^af; ngoba kungelampendulo kaNkulunkulu ^ag.

8 Kodwa isibili mina ngigcwele amandla ngomoya weNkosi, lesahlulelo, lobuqhawe ^ah, ukumemezela kuJakobe isiphambeko sakhe ^ai, lakuIsrayeli isono sakhe ^aj. 9 Ake lizwe lokhu, lina zinhloko zendlu kaJakobe ^ak, lani babusi bendlu kaIsrayeli ^al, elenyanya isahlulelo, lihlanekele konke ukuqonda ^am. 10 Elakha iZiyoni ^an ngecala legazi ^ao, leJerusalema ngobubi. 11 Inhloko zayo zahlulelela isipho ^ap, labapristi bayo ^aq bafundisela inkokhelo ^ar, labaprofethi bayo ^{as
,} ^at bavumisela imali ^au; kanti beyame eNkosini ^av, besithi: INkosi kayikho phakathi kwethu yini ^aw? Ububi kabuyikusehlela ^ax. 12 Ngakho ngenxa yenu iZiyoni ^ay izalinywa njengensimu ^az, leJerusalema ibe zinqumbi ^{ba
,} ^bb, lentaba yendlu ^{bc
,} ^bd njengezindawo eziphakemeyo zehlathi ^be.