Neh 13 | Ndebele | STEP | Ngalolosuku babala egwalweni lukaMozisi endlebeni zabantu ; kwasekutholwa kubhaliwe kulo ukuthi umAmoni lomMowabi kabasoze bangene ebandleni likaNkulunkulu phakade ;

1 Ngalolosuku babala egwalweni lukaMozisi endlebeni zabantu ^a; kwasekutholwa kubhaliwe kulo ukuthi umAmoni lomMowabi kabasoze bangene ebandleni likaNkulunkulu phakade ^b; 2 ngoba bengahlangabezanga abantwana bakoIsrayeli ngesinkwa langamanzi, kodwa baqhatsha bemelene labo uBalami, ukubaqalekisa ^c; kodwa uNkulunkulu wethu waphendula isiqalekiso saba yisibusiso ^d. 3 Kwasekusithi sebewuzwile umlayo behlukanisa koIsrayeli ^e yonke ingxube yezizwe ^f.

4 Ngaphambi kwalokho-ke uEliyashibi umpristi owayemiswe phezu kwekamelo likaNkulunkulu wethu ^g, wayeyisihlobo sikaTobiya ^h. 5 Wayemlungisele ikamelo elikhulu lapho ababekade befaka khona umnikelo wokudla, impepha, lezitsha, lokwetshumi kwamabele, iwayini elitsha, lamafutha, okwakulayelwe amaLevi labahlabeleli labalindimasango, lomnikelo wabapristi ⁱ. 6 Kodwa kukho konke lokhu ngangingekho eJerusalema, ngoba ngomnyaka wamatshumi amathathu lambili kaAthakisekisi ^j inkosi yeBhabhiloni ngeza enkosini ^k; lekupheleni kwezinsuku ngacela imvumo enkosini, 7 ngeza eJerusalema, ngaqedisisa ngokubi uEliyashibi ^l ayekwenzele uTobiya ^m ngokumlungisela ⁿ ikamelo emagumeni endlu kaNkulunkulu ^o. 8 Kwasekusiba kubi kakhulu kimi; ngakho ngaphosela phandle zonke impahla zendlu kaTobiya phandle kwekamelo. 9 Ngasengilaya, bahlambulula amakamelo ^p; ngabuyisela khona izitsha zendlu kaNkulunkulu lomnikelo wokudla lempepha ^q.

10 Ngasengisazi ukuthi izabelo zamaLevi zazinganikwanga ^r, lokuthi amaLevi labahlabeleli ababesenza umsebenzi babalekela ngulowo ensimini yakhe ^s. 11 Ngasengiphikisana lababusi ^t ngathi: Kungani indlu kaNkulunkulu itshiyiwe ^u? Ngababuthanisa, ngabamisa endaweni yabo. 12 Khona wonke uJuda waletha okwetshumi kwamabele lewayini elitsha lamafutha eziphaleni ^v. 13 Ngasengibeka abagciniziphala phezu kweziphala ^w, oShelemiya umpristi ^x, loZadoki umbhali ^y, loPhedaya kumaLevi ^z, leceleni kwabo uHanani ^aa indodana kaZakuri ^ab indodana kaMathaniya, ngoba kwathiwa bathembekile ^ac; njalo kwakuphezu kwabo ukwabela abafowabo. 14 Ngikhumbule, Nkulunkulu wami, mayelana lalokho, ungayicitshi imisebenzi yami yomusa engiyenzele indlu kaNkulunkulu wami lezinkonzo zayo ^ad.

15 Ngalezonsuku ngabona koJuda abanyathela izikhamelo zewayini ngesabatha ^ae, labangenisa izithungo, abathwalisa obabhemi, lewayini futhi, izithelo zesivini, lemikhiwa, lawo wonke umthwalo, abakungenisa eJerusalema ngosuku lwesabatha ^af. Ngafakaza mhla bethengisa ukudla ^ag. 16 LabeTire bahlala kuyo ^ah, beletha inhlanzi lempahla yonke ethengiswayo, bakuthengisa ngesabatha kubantwana bakoJuda laseJerusalema. 17 Khona ngaphikisana lezikhulu zakoJuda ^ai, ngathi kuzo: Iyini le into embi eliyenzayo lingcolisa usuku lwesabatha? 18 Kabenzanga njalo yini oyihlo, loNkulunkulu wethu wehlisela phezu kwethu bonke lobububi laphezu kwalumuzi? Kanti lina landisa ulaka phezu kukaIsrayeli ngokungcolisa isabatha ^aj. 19 Kwasekusithi lapho amasango eJerusalema eseqala ukuba mnyama mandulo kwesabatha, ngalaya ukuthi iminyango kayivalwe, njalo ngalaya ukuthi bangayivuli kuze kube ngemva kwesabatha. Ngabeka ezinye zenceku zami emasangweni ukuze kungangeni mthwalo ngosuku lwesabatha ^ak. 20 Ngakho abathengi labathengisi bempahla yonke balala ngaphandle kweJerusalema kanye loba kabili. 21 Khona ngafakaza ngimelene labo ngathi kibo: Lilalelani maqondana lomduli? Uba likwenza futhi, ngizalidumela ngesandla. Kusukela kulesosikhathi kababuyanga ngesabatha. 22 Ngasengitshela amaLevi ukuthi azihlambulule ^al, eze alinde amasango, ukungcwelisa usuku lwesabatha. Langalokho ungikhumbule, Nkulunkulu wami, ungihawukele ngokobunengi bomusa wakho ^am.

23 Futhi, ngalezonsuku ngabona amaJuda ayethethe abafazi ^an, abangamaAshidodikazi ^ao, amaAmoni ^ap, amaMowabi ^aq. 24 Labantwana babo, ingxenye babekhuluma isiAshidodi njalo bengelakukhuluma isiJuda, kodwa ngokolimi lwezizwe ngezizwe ^ar. 25 Ngasengiphikisana lawo, ngawaqalekisa, ngatshaya amanye awo, ngawangcothula inwele ^as; ngawafungisa ngoNkulunkulu ^at: Kaliyikunika amadodakazi enu kumadodana abo, njalo kaliyikuthathela amadodana enu emadodakazini abo, kumbe lina ngokwenu. 26 USolomoni inkosi yakoIsrayeli konanga yini ngalezozinto ^au? Kube kanti phakathi kwezizwe ezinengi kwakungelankosi enjengaye ^av, owayethandeka kuNkulunkulu wakhe, loNkulunkulu wamenza inkosi phezu kukaIsrayeli wonke; laye abafazi bezizweni bamenza ukuthi one ^aw. 27 Pho, sizalilalela yini ukwenza bonke lobobubi obukhulu, ngokona kuNkulunkulu wethu ngokuthatha abafazi bezizweni ^ax? 28 Lenye yamadodana kaJehoyada ^ay indodana kaEliyashibi umpristi omkhulu ^az, yayingumkhwenyana kaSanibhalathi umHoroni ^ba; ngakho ngayixotsha yasuka kimi. 29 Bakhumbule, Nkulunkulu wami, ngoba bangcolisile ubupristi ^bb lesivumelwano sobupristi lesamaLevi ^bc. 30 Ngokunjalo ngabahlambulula kubo bonke abezizweni, ngamisa imfanelo kubapristi lakumaLevi, ngulowo lalowo emsebenzini wakhe ^bd, 31 leyomnikelo wenkuni ^be ngezikhathi ezimisiweyo ^bf, leyezithelo zokuqala. Ngikhumbule, Nkulunkulu wami, ngokuhle ^bg.