Num 10:10, 1Sa 20:5, 1Ch 23:31, 2Ch 2:4, Ezr 3:5, Neh 10:33, Isa 1:13-14, Eze 45:17, 46:6, Hos 2:11, Col 2:16 | Ndebele | STEP | Langosuku lwentokozo yenu, lemikhosini yenu emisiweyo , lekuthwaseni kwenyanga zenu, lizavuthela izimpondo phezu kweminikelo yenu yokutshiswa laphezu kwemihlatshelo yeminikelo yenu yokuthula , ukuze ibe kini yisikhumbuzo phambi kukaNkulunkulu wenu. NgiyiN kosi uNkulunkulu wenu.

10 Langosuku lwentokozo yenu, lemikhosini yenu emisiweyo ^a, lekuthwaseni kwenyanga zenu, lizavuthela izimpondo phezu kweminikelo yenu yokutshiswa laphezu kwemihlatshelo yeminikelo yenu yokuthula ^b, ukuze ibe kini yisikhumbuzo phambi kukaNkulunkulu wenu. NgiyiNkosi uNkulunkulu wenu.

1 Samuel 20:5

5 UDavida wasesithi kuJonathani: Khangela, kusasa yikuthwasa kwenyanga; mina-ke ngifanele ukuhlala lokuhlala ukuthi ngidle lenkosi ^c; kodwa ngiyekela ngihambe ngiyecatsha egangeni kuze kube lusuku lwesithathu kusihlwa ^d.

1 Chronicles 23:31

31 lokunikela konke kweminikelo yokutshiswa eNkosini ngamasabatha ^e, ngokuthwasa kwenyanga ^f, langemikhosi emisiweyo ^g, ngenani, ngokwesimiso kukho, njalonjalo phambi kweNkosi.

2 Chronicles 2:4

4 Khangela, mina ngakhela ibizo leNkosi uNkulunkulu wami indlu, ukuyehlukanisela yona, ukutshisa phambi kwayo impepha elephunga elimnandi, lezinkwa zokubukiswa njalonjalo, leminikelo yokutshiswa ekuseni lantambama, ngamasabatha, lekuthwaseni kwezinyanga, langemikhosi emisiweyo yeNkosi uNkulunkulu wethu. Lesi yisimiso saphakade kuIsrayeli.

Ezra 3:5

5 Langemva kwalokho umnikelo wokutshiswa njalonjalo ^h, lowekuthwaseni kwezinyanga ⁱ, lowemikhosi yonke emisiweyo yeNkosi eyayingcwelisiwe, lowakhe wonke owanikela ngesihle umnikelo wesihle eNkosini ^j.

Nehemiah 10:33

33 eyesinkwa sokubukiswa ^k, leyomnikelo wokudla wensuku zonke ^l, leyomnikelo wokutshiswa wensuku zonke ^m, eyamasabatha, eyokuthwasa kwezinyanga ⁿ, eyemikhosi emisiweyo ^o, leyezinto ezingcwele, leyeminikelo yesono ukwenzela uIsrayeli inhlawulo yokuthula, lomsebenzi wonke wendlu kaNkulunkulu wethu ^p.

Isaiah 1:13-14

13 Lingabe lisaletha umnikelo oyize; impepha iyisinengiso kimi; ukuthwasa kwenyanga ^{q
,} ^r, lesabatha ^s, ukubizwa kwenhlangano, ngingekumele ^t; kuyisiphambeko, ngitsho umhlangano onzulu ^u. 14 Umphefumulo wami uyakuzonda ukuthwasa kwezinyanga ^v zenu lemikhosi yenu emisiweyo ^w; kungumthwalo kimi ^x, sengikhathele yikukuthwala ^y.

Ezekiel 45:17

17 Kuzakuba phezu kwesiphathamandla ^z ukunikela iminikelo yokutshisa, lomnikelo wempuphu, lomnikelo wokunathwayo ^aa, emikhosini ^ab, lekuthwaseni kwezinyanga ^ac, lemasabatheni ^ad, kuyo yonke imikhosi emisiweyo yendlu yakoIsrayeli ^ae. Sona sizalungisa umnikelo wesono ^af, lomnikelo wempuphu, lomnikelo wokutshiswa, leminikelo yokuthula ^ag, ukwenzela indlu yakoIsrayeli ukubuyisana ^ah.

Ezekiel 46:6

6 Langosuku lokuthwasa kwenyanga ^ai kuzakuba lijongosi ithole lenkomo elingelasici ^aj, lamawundlu ayisithupha, lenqama; kungabi lasici.

Hosea 2:11

11 Sengizaqeda ^ak intokozo yakhe yonke, amadili ^al akhe ^am, ukuthwasa kwenyanga zakhe ^{an
,} ^ao, lamasabatha akhe ^ap, lemikhosi yakhe yonke emisiweyo ^aq.

Colossians 2:16

16 Ngakho kakungabi khona olilahla ^ar ekudleni kumbe ekunatheni ^as, loba endabeni yomkhosi ^at loba eyokuthwasa kwenyanga ^au kumbe eyamasabatha ^av;