Proverbs 30

Amazwi kaAguri

1Amazwi kaAguri indodana kaJake umMasa ^a. Umuntu wathi kuIthiyeli, kuIthiyeli loUkhali ^b:

2Isibili ^c, ngiyisithutha kulomuntu, kangilakuqedisisa komuntu ^d. 3Kangifundanga inhlakanipho ^e, kangilwazi ulwazi lwabangcwele ^f. 4Ngubani owenyukela emazulwini njalo wehla ^g? Ngubani oqoqe wafumbatha umoya ezandleni zakhe ^h? Ngubani ogoqele amanzi esembathweni ⁱ? Ngubani omise yonke imikhawulo yomhlaba ^j? Lingubani ibizo lakhe, lebizo lendodana yakhe lingubani ^k, uba usazi ^l?

5Lonke ilizwi likaNkulunkulu licwengekile ^{m , n}; uyisihlangu kwabaphephela kuye ^{o , p}. 6Ungengezeleli emazwini akhe ^q, hlezi akukhuze, utholwe ungumqambimanga ^r.

Umkhuleko kaAguri

7Zimbili izinto engizicele kuwe; ungangigodleli zona ngingakafi ^s. 8Susa khatshana lami ize lamazwi amanga; ungangiphi ubuyanga loba inotho; ungiphe ukudla kwesabelo sami. 9Hlezi ngisuthe, ngikuphike ngithi: Ngubani iNkosi? Kumbe hlezi ngibe ngumyanga, ngintshontshe ^t, ngithathe ngeze ibizo likaNkulunkulu wami ^u.

10Ungahlebi inceku enkosini yayo, hlezi ikuthuke ^v, ube lecala ^w. 11Kulesizukulwana esithuka uyise, esingabusisi unina ^x; 12isizukulwana esihlambulukileyo emehlweni aso, kodwa esingahlanjululwanga engcekezeni yaso ^y; 13isizukulwana omehlo aso aphakeme kangaka, lenkophe zaso ziphakanyisiwe ^z; 14isizukulwana omazinyo aso zinkemba ^aa, lesimazinyo aso omhlathi zingqamu ^ab, zokudla abayanga emhlabeni, labaswelayo ebantwini ^ac.

15Umkhaza ulamadodakazi amabili athi: Phana, phana; lezizontathu kazisuthi ^ad; ezine kazitsho ukuthi: Kwanele ^ae. 16Ingcwaba ^af, lesizalo esiyinyumba, umhlaba ongasuthi amanzi, lomlilo ongathi: Kwanele ^ag. 17Ilihlo eliklolodela uyise ^ah, lelidelela ^ai ukulalela unina ^aj, amawabayi esihotsha ^ak azalikopola, labantwana bamanqe bazalidla ^al.

18Lezizinto ezintathu ^am ziyisimangaliso esikhulu kimi ^an, yebo, ezine engingazaziyo ^ao: 19Indlela yokhozi emazulwini, indlela yenyoka edwaleni, indlela yomkhumbi enhliziyweni yolwandle, lendlela yejaha entombini. 20Injalo indlela yowesifazana oliwule; udla, esule umlomo wakhe, athi: Kangenzanga isiphambeko.

21Ngenxa yezinto ezintathu ^ap umhlaba uyazamazama ^aq, yebo, ngenxa yezine ongezithwale ^ar: 22Ngenxa yesigqili nxa sibusa ^as, lesithutha nxa sisuthi ukudla ^at, 23ngenxa yesaliwakazi ^au nxa sendile ^av, lencekukazi nxa iyindlalifa yenkosikazi yayo.

24Lezi ezine zingezincinyane zomhlaba, kanti zihlakaniphile zenziwe zihlakaniphe: 25Ubunyonyo buyisizwe esingelamandla ^aw, kanti bulungisa ukudla kwabo ehlobo ^ax. 26Imbila ziyisizwe esingelamandla ^{ay , az}, kanti zimisa indlu yazo edwaleni ^ba. 27Intethe kazilankosi ^bb, kanti zonke ziphuma zehlukene ngamaviyo ^bc. 28Umbankwa ubambelela ngezandla ezimbili, njalo usezigodlweni zenkosi.

29Lezi ezintathu zinyathela kuhle ^bd, yebo, ezine zihamba kuhle ^be: 30Isilwane esilamandla phakathi kwenyamazana ^bf, esingeyikubuyela emuva ngenxa yobuso loba ngobukabani ^bg; 31inja ebhince okhalweni, kumbe impongo; lenkosi ileviyo lamabutho.

32Uba ube yisithutha ngokuziphakamisa, njalo uba ucebe okubi ^bh, beka isandla emlonyeni ^bi. 33Ngoba ukuphehlwa kochago kuveza iphehla, lokucindezelwa kwempumulo kuveza igazi, lokucindezelwa kwentukuthelo kuveza ingxabano.