Psa 118 | Ndebele | STEP | Bongani iN kosi , ngoba ilungile, ngoba isihawu sayo simi kuze kube nininini .

Psalms 118

Ukubonga iNkosi ngokukhulula kwayo

1 Bongani iNkosi, ngoba ilungile, ngoba isihawu sayo simi kuze kube nininini ^a. 2 Katsho uIsrayeli khathesi ukuthi isihawu sayo simi kuze kube nininini ^b. 3 Kayitsho indlu kaAroni khathesi ukuthi isihawu sayo simi kuze kube nininini ^c. 4 Kabatsho khathesi ^d abayesabayo iNkosi ukuthi isihawu sayo simi kuze kube nininini ^e.

5 Ngisesizini ngabiza iNkosi ^{f
,} ^{g
,} ^h; iNkosi yangiphendula ⁱ yangibeka ^j endaweni ebanzi ^k. 6 INkosi ingakimi ^l, kangiyikwesaba; umuntu angenzani kimi ^m? 7 INkosi ingakimi labangisizayo ⁿ; ngakho mina ngizabona isiloyiso sami phezu kwabangizondayo ^o. 8 Kungcono ukuphephela eNkosini kulokuthembela emuntwini ^p. 9 Kungcono ukuphephela eNkosini ^q kulokuthembela kuziphathamandla ^r.

10 Zonke izizwe zangihanqa; kodwa ebizweni leNkosi ngizaziquma ^s. 11 Zangihanqa, yebo zangihanqa; kodwa ebizweni leNkosi ngizaziquma ^t. 12 Zangihanqa ^u njengenyosi ^v, zacitshwa njengomlilo wameva; kodwa ebizweni leNkosi ngizaziquma ^w. 13 Wangigudlumeza lokugudlumeza ngize ngiwe; kodwa iNkosi yangisiza ^x. 14 INkosi ingamandla lengoma yami ^{y
,} ^z, isibe lusindiso lwami ^{aa
,} ^ab.

15 Ilizwi lentokozo losindiso lisemathenteni abalungileyo; esokunene seNkosi ^ac senza ngamandla ^ad. 16 Esokunene seNkosi ^ae siphakanyisiwe, esokunene seNkosi senza ngamandla ^af. 17 Kangiyikufa, kodwa ngizaphila ^ag, ngilandise ^ah imisebenzi yeNkosi ^ai. 18 INkosi ^aj ingijezisile kabuhlungu, kodwa kayinginikelanga ekufeni ^ak.

19 Ngivulelani amasango okulunga; ngingene ngawo ^al, ngidumise iNkosi ^am. 20 Yileli isango leNkosi; abalungileyo bazangena ngalo ^an. 21 Ngizakudumisa, ngoba ungiphendule ^ao, usube lusindiso lwami ^ap. 22 Ilitshe abakhi abalalayo ^aq seliyinhloko yengonsi ^ar. 23 Lokhu kwenziwa yiNkosi, kuyamangalisa emehlweni ethu. 24 Lolu lusuku iNkosi eyalwenzayo, sizathaba sithokoze kulo.

25 Sindisa khathesi, Nkosi; ngiyakuncenga, ngiyakuncenga, Nkosi, khathesi unike impumelelo ^as. 26 Ubusisiwe ^at oza ^au ngebizo leNkosi ^av. Silibusisile sisendlini yeNkosi ^aw. 27 UNkulunkulu uyiNkosi, osinike ukukhanya ^ax. Bopha umnikelo womkhosi ngezibopho ^ay kuze kube sempondweni zelathi ^az. 28 Wena unguNkulunkulu wami, ngizakudumisa; Nkulunkulu wami, ngizakuphakamisa ^ba.

29 Bongani iNkosi, ngoba ilungile; ngoba isihawu sayo simi kuze kube nininini ^bb.