Psa 135 | Ndebele | STEP | Dumisani iN kosi ! Dumisani ibizo leN kosi , dumisani lina zinceku zeN kosi ,

Psalms 135

Ukudumisa iNkosi ngezimangaliso zayo

1 Dumisani iNkosi ^a! Dumisani ibizo leNkosi ^b, dumisani lina zinceku zeNkosi ^{c
,} ^d, 2 elimi endlini yeNkosi ^e, emagumeni endlu kaNkulunkulu wethu ^f. 3 Dumisani iNkosi, ngoba iNkosi ilungile ^g; hlabelelani indumiso ebizweni layo, ngoba kumnandi ^h. 4 Ngoba iNkosi ⁱ izikhethele uJakobe ^j, uIsrayeli abe ngokuligugu kwakhe okukhethekileyo ^k. 5 Ngoba mina ngiyazi ukuthi iNkosi inkulu, ukuthi iNkosi yethu iphezu kwabo bonke onkulunkulu ^l. 6 Konke iNkosi ekuthandayo iyakwenza, emazulwini lemhlabeni, ezinlwandle lenzikini zonke ^m. 7 Yenza izinkungu zenyuke emikhawulweni yomhlaba ^{n
,} ^o, yenzela izulu imibane ^{p
,} ^{q
,} ^r, ikhupha umoya ^s eziphaleni zayo ^t. 8 Eyatshaya izibulo leGibhithe, kusukela emuntwini kuze kube senyamazaneni ^u. 9 Yathumela izibonakaliso lezimangaliso phakathi kwakho, Gibhithe ^v, phezu kukaFaro laphezu kwenceku zakhe zonke ^w. 10 Eyatshaya izizwe ezinengi, yabulala amakhosi alamandla ^x, 11 uSihoni inkosi yamaAmori ^y, loOgi inkosi yeBashani ^z, layo yonke imibuso yeKhanani ^aa, 12 yanikela ilizwe labo laba yilifa, ilifa likaIsrayeli, isizwe sayo ^ab. 13 Nkosi, ibizo lakho limi kuze kube phakade ^ac, ukukhunjulwa kwakho, Nkosi, kusizukulwana ngesizukulwana ^{ad
,} ^ae. 14 Ngoba iNkosi izakwehlulela abantu bayo ^af, izazisola mayelana lezinceku zayo ^{ag
,} ^ah.

15 Izithombe zezizwe ziyisiliva legolide, umsebenzi wezandla zomuntu ^ai. 16 Zilemilomo, kodwa kazikhulumi; zilamehlo, kodwa kaziboni; 17 zilendlebe, kodwa kazizwa; lomoya kawukho emlonyeni wazo ^aj. 18 Abazenzayo bafanana lazo, laye wonke othembela kuzo. 19 Wena ndlu kaIsrayeli, bongani iNkosi; wena ndlu kaAroni, bongani iNkosi ^ak; 20 wena ndlu kaLevi, bongani iNkosi ^al. Lina eliyesabayo iNkosi, bongani iNkosi ^am. 21 Kayibongwe iNkosi iseZiyoni ^an, ehlala eJerusalema ^ao. Dumisani iNkosi ^ap!