Psa 63 | Ndebele | STEP | Isihlabelelo sikaDavida, esenkangala yakoJuda Nkulunkulu, unguNkulunkulu wami, ngizakudinga ngovivi ; umphefumulo wami womela wena ; inyama yami iyakulangatha , elizweni elomileyo leligagadekileyo, elingelamanzi .

Psalms 63

Ukulangatha uNkulunkulu

Isihlabelelo sikaDavida, esenkangala yakoJuda

1 Nkulunkulu, unguNkulunkulu wami, ngizakudinga ngovivi ^a; umphefumulo wami womela wena ^b; inyama yami iyakulangatha ^c, elizweni elomileyo leligagadekileyo, elingelamanzi ^d. 2 Njengoba ngikubonile endaweni engcwele, ngibone amandla akho lobukhosi bakho ^e. 3 Ngoba uthandolomusa wakho ^f lungcono kulempilo ^g; indebe zami zizakudumisa. 4 Ngokunjalo ngizakubonga ngisaphila ^{h
,} ^{▼▼ ngisaphila: Heb empilweni yami.}, ngiphakamise izandla zami ebizweni lakho ^j. 5 Umphefumulo wami uzasutha kungathi ngomnkantsho lamahwahwa, lomlomo wami uzadumisa ngezindebe ezithabisayo ^k. 6 Lapho ngikukhumbula embhedeni wami ^l, emilindweni yebusuku ngizindla ngawe ^m. 7 Ngoba ubulusizo lwami ⁿ, ngakho emthunzini wempiko zakho ngizahlabela ngithokoze ^o. 8 Umphefumulo wami unamathele ekukulandeleni, isandla sakho sokunene siyangisekela ^p. 9 Kodwa abadinga umphefumulo wami ukuwuchitha ^q bazakuya ezindaweni zomhlaba eziphansi ^r. 10 Bazanikelwa emandleni enkemba, babe yisabelo samakhanka. 11 Kodwa inkosi izathokoza kuNkulunkulu ^s; wonke ofunga ngaye uzazincoma ^t; kodwa umlomo wabaqamba amanga uzavalwa ^u.