2Sa 7:8-16, 1Ch 17:7-14, Psa 89:19, 35, 49, 132:11-12, Jer 30:9 | Ndebele | STEP | Ngakho-ke uzakutsho njalo encekwini yami, kuDavida, uthi : Itsho njalo iN kosi yamabandla: Mina ngakuthatha esibayeni sezimvu, ekulandeleni izimvu, ukuba ngumbusi phezu kwabantu bami, phezu kukaIsrayeli ;

2 Samuel 7:8-16

8 Ngakho-ke uzakutsho njalo encekwini yami, kuDavida, uthi: Itsho njalo iNkosi yamabandla: Mina ngakuthatha ^a esibayeni sezimvu, ekulandeleni izimvu, ukuba ngumbusi phezu kwabantu bami, phezu kukaIsrayeli ^b; 9 ngangilawe loba ngaphi lapho oya khona, ngaquma zonke izitha zakho ngaphambi kwakho ^c; ngakwenzela ibizo elikhulu njengebizo labakhulu abasemhlabeni ^d. 10 Njalo ngizabamisela indawo abantu bami uIsrayeli, ngibagxumeke ukuze bahlale endaweni yabo ^e, bangabe besanyikinyeka ^f; labantwana benkohlakalo kabasayikubahlupha, njengakuqala, 11 njalo kusukela osukwini engalaya ngalo abahluleli phezu kwabantu bami uIsrayeli ^g; ngikuphumuze ezitheni zakho zonke ^h. Futhi iNkosi iyakutshela ukuthi iNkosi izakwenzela indlu ⁱ.

12 Lapho insuku zakho sezigcwalisekile ^j, usulele laboyihlo ^k, ngizamisa inzalo yakho emva kwakho, ezaphuma emibilini yakho, ngiqinise umbuso wayo ^l. 13 Yona izakwakhela ibizo lami indlu ^m; njalo ngizaqinisa isihlalo sobukhosi sombuso wayo kuze kube nininini ⁿ. 14 Mina ngizakuba nguyise, layo ibe yindodana yami ^o; ezakuthi uba isenza okubi, ngizayijezisa ngentonga yabantu, langemivimvinya yabantwana babantu ^p. 15 Kodwa umusa wami kawuyikusuka kiyo njengalokho ngawususa kuSawuli engamsusa ngaphambi kwakho ^q. 16 Lendlu yakho lombuso wakho kuzaqiniswa kuze kube nininini phambi kwami; isihlalo sakho sobukhosi sizaqiniswa kuze kube nininini ^r.

1 Chronicles 17:7-14

7 Ngakho-ke uzakutsho njalo encekwini yami uDavida uthi: Itsho njalo iNkosi yamabandla: Mina ngakuthatha esibayeni sezimvu ekulandeleni izimvu ukuze ube ngumbusi phezu kwabantu bami uIsrayeli. 8 Njalo ngaba lawe loba ngaphi oya khona, ngaquma zonke izitha zakho zasuka phambi kwakho, ngakwenzela ibizo njengebizo labakhulu abasemhlabeni. 9 Njalo ngizabamisela indawo abantu bami uIsrayeli, ngibagxumeke ukuze bahlale endaweni yabo, bangabe besanyikinywa; labantwana bobubi kabasayikubamotsha njengakuqala ^s, 10 njalo kusukela kulezonsuku engalaya abahluleli ukuthi babe phezu kwabantu bami uIsrayeli; ngazehlisela phansi zonke izitha zakho; njalo ngiyakutshela ukuthi iNKOSI izakwakhela indlu.

11 Kuzakuthi-ke lapho insuku zakho sezigcwalisekile ukuthi uhambe laboyihlo, ngizavusa inzalo yakho emva kwakho, ezavela emadodaneni akho, ngiqinise umbuso wayo. 12 Yena uzangakhela indlu, ngizaqinisa isihlalo sakhe sobukhosi kuze kube nininini. 13 Mina ngizakuba nguyise, yena abe yindodana yami; njalo kangiyikususa uthandolomusa wami kuye ^t njengalokho ngalususa kulowo owayengaphambi kwakho ^u. 14 Kodwa ngizamqinisa endlini yami lembusweni wami kuze kube nininini, lesihlalo sakhe sobukhosi sizaqiniswa kuze kube nininini.

Psalms 89:19

19 Khona wakhuluma ngombono ^v kongcwele wakho ^w, wathi: Ngibekile usizo ^x phezu kweqhawe ^y, ngimphakamisile okhethiweyo phakathi kwabantu ^z.

Psalms 89:35

35 Ngafunga kwaba kanye ^aa ngobungcwele bami ^ab: Kangiyikuqamba amanga kuDavida.

Psalms 89:49

49 Zingaphi izisa zakho zakuqala, Nkosi ^ac, owazifunga kuDavida ^ad ngothembeko lwakho ^{ae
,} ^af?

Psalms 132:11-12

11 INkosi ^ag yafunga ngeqiniso kuDavida ^ah, kayiyikubuyela emuva kilo ^ai: Owesithelo sesizalo sakho ngizambeka esihlalweni sakho sobukhosi ^aj. 12 Uba abantwana bakho begcina isivumelwano sami lezifakazelo zami engizabafundisa zona ^ak, labantwana babo bazahlala esihlalweni sakho sobukhosi kuze kube nini lanini ^al.

Jeremiah 30:9

9 Kodwa bazasebenzela uJehova, uNkulunkulu wabo, loDavida inkosi yabo ^am engizabavusela yena. ^an