Rev 2 | Ndebele | STEP | Kuso isithunywa sebandla leEfesu bhala uthi : Lezizinto uyazitsho lowo ophethe inkanyezi eziyisikhombisa esandleni sakhe sokunene, ohamba phakathi kweziqobane zezibane zegolide eziyisikhombisa ,

1 Kuso isithunywa ^a sebandla leEfesu bhala uthi: Lezizinto ^b uyazitsho lowo ophethe inkanyezi eziyisikhombisa ^c esandleni sakhe sokunene, ohamba phakathi kweziqobane zezibane zegolide eziyisikhombisa ^d, 2 uthi: Ngiyayazi imisebenzi yakho, lomsebenzi wakho onzima, lokubekezela kwakho ^e, lokuthi ungebamele ababi ^f, lokuthi ubahlolile ^g labo abazithi ^h bangabaphostoli kodwa bengeyisibo ⁱ, wasubathola bengabaqambimanga, 3 wasuthwala, ulokubekezela ^{j
,} ^k, wakhuthala ngenxa yebizo lami, kawudinwanga ^l. 4 Kodwa ngilokumelene lawe ukuthi udelile uthando lwakho lwakuqala ^m. 5 Ngakho khumbula lapho owe khona, ubusuphenduka wenze imisebenzi yakuqala; uba kungenjalo, ngizakuza kuwe ngokuphangisa ⁿ, ngizasusa isiqobane sesibane sakho endaweni yaso ^o, uba ungaphenduki; 6 kanti ulalokhu ukuthi uyayizonda imisebenzi yamaNikolayitha ^p, engiyizondayo lami. 7 Lowo olendlebe kezwe ^q lokho akutshoyo uMoya emabandleni. Onqobayo ^r ngizamnika ukuthi adle okwesihlahla sempilo ^s esiphakathi kweParadise likaNkulunkulu ^t.

8 Lakuso isithunywa sebandla ^u leSemerna ^v bhala uthi: Lezizinto utsho owokuqala lowokucina ^w, owayefile njalo uyaphila ^x: 9 Ngiyayazi imisebenzi lokuhlupheka ^y lobuyanga ^z bakho (kanti unothile ^aa) lenhlamba yalabo abathi bangamaJuda, kanti bengeyisiwo ^{ab
,} ^ac, kodwa belisinagoge ^ad likaSathane ^ae. 10 Ungesabi lutho lwalezozinto ozahlupheka ngazo; khangela udiyabhola uzaphosela abanye kini entolongweni, ukuze lilingwe; futhi lizakuba ^af lenhlupheko ^ag insuku ezilitshumi ^ah. Bana ngothembekileyo ^ai kuze kube sekufeni ^aj, njalo ngizakunika umqhele wempilo ^ak. 11 Olendlebe kezwe ^al lokho akutshoyo uMoya emabandleni. Onqobayo ^am kasoze alinyazwa ^an yikufa kwesibili ^ao.

12 Lakuso isithunywa sebandla ^ap elisePergamo ^aq bhala uthi: Lezizinto utsho lowo olenkemba ebukhali inhlangothi zombili ^ar: 13 Ngiyayazi imisebenzi yakho ^as, lalapho ohlala khona, lapho okukhona isihlalo sobukhosi sikaSathane ^at; njalo ugcinile ibizo lami, kawuphikanga ukholo lwami ^au, ngitsho ensukwini zikaAntipasi, umfakazi wami ^av othembekileyo ^aw, owabulawelwa phakathi kwenu, lapho uSathane ahlala khona ^ax; 14 kodwa ngilezinto ezinlutshwana ezimelene lawe ^ay, ukuthi ulabo lapho ababambelela emfundisweni kaBalami ^az, owafundisa uBalaki ukuphosa isikhubekiso phambi kwabantwana bakoIsrayeli, sokuthi badle okuhlatshelwe izithombe ^ba lokuthi baphinge ^bb. 15 Ngokunjalo lawe ulabo ababambelela emfundisweni yamaNikolayitha ^bc, into engiyizondayo. 16 Phenduka; uba kungenjalo, ngizakuza kuwe ngokuphangisa, ngizakulwa ngimelene labo ^bd ngenkemba yomlomo wami ^be. 17 Olendlebe kezwe ^bf lokho akutshoyo uMoya emabandleni. Onqobayo ^bg ngizamnika ukuthi adle okwemana efihliweyo ^bh, njalo ngizamnika ilitshe elimhlophe, laphezu kwelitshe ibizo elitsha elilotshiweyo ^bi, okungelamuntu olaziyo ^bj ngaphandle kolemukelayo.

18 Lakuso isithunywa sebandla ^bk eliseTiyathira ^bl bhala uthi: Lezizinto itsho iNdodana kaNkulunkulu, elamehlo ayo anjengelangabi lomlilo ^bm, lenyawo zayo zifanana lethusi elikhazimulayo ^bn: 19 Ngiyayazi imisebenzi yakho, lothando, ^bo lokukhonza, lokholo, lokubekezela kwakho, lemisebenzi yakho ^bp, ukuthi eyokucina minengi kuleyokuqala. 20 Kodwa ngilezinto ezinlutshwana ezimelene lawe ^bq, ukuthi uvumele owesifazana uJezebeli ^br, ozibiza ngokuthi ungumprofethikazi, ukufundisa aduhise inceku zami, ukuthi ziphinge ^{bs
,} ^bt lokuthi zidle okuhlatshelwe izithombe ^bu. 21 Futhi ngamnika ithuba lokuthi aphenduke ekufebeni kwakhe ^bv, njalo kaphendukanga. 22 Khangela mina ngizamphosela embhedeni ^bw, labaphingayo laye ekuhluphekeni okukhulu, uba bengaphenduki emisebenzini yabo. 23 Njalo ngizabulala abantwana bakhe ngokufa; lamabandla wonke azakwazi ukuthi nginguye ohlola ^bx izinso ^by lezinhliziyo ^{bz
,} ^ca; futhi ngizalinika, ngulowo lalowo, ngokwemisebenzi yenu ^cb. 24 Kodwa ngikhuluma lani labanye abaseTiyathira ^cc, bonke abangelayo le imfundiso, labangakwaziyo okujulileyo kukaSathane ^cd, njengokutsho kwabo: Kangiyikulethesa omunye umthwalo ^ce. 25 Kodwa lokho elilakho kubambisiseni ^cf, ngize ngifike ^cg. 26 Lonqobayo ^ch logcina imisebenzi yami kuze kube sekupheleni ^ci, ngizamnika amandla ^cj phezu kwezizwe; 27 njalo ^ck uzazibusa ngentonga yensimbi ^cl; zizaphahlazwa njengezimbiza zebumba ^cm; njengalokhu lami ngikwemukele kuBaba ^cn. 28 Futhi ngizamnika indonsakusa ^co. 29 Olendlebe kezwe ^cp lokho akutshoyo uMoya emabandleni.