1Ch 19 | TpiKJPB | STEP | ¶ Nau em i kamap olsem bihain long dispela, long Nehas, king bilong ol pikinini bilong Amon, i dai pinis, na pikinini man bilong em i kisim ples bilong em na bosim kingdom.

1 Chronicles 19

1 ¶ Nau em i kamap olsem bihain long dispela, long Nehas, king bilong ol pikinini bilong Amon, i dai pinis, na pikinini man bilong em i kisim ples bilong em na bosim kingdom. 2 Na Devit i tok, Mi bai soim gutpela pasin i go long Hanun, pikinini man bilong Nehas, bilong wanem, papa bilong em i soim gutpela pasin long mi. Na Devit i salim ol mausman bilong givim bel isi long em long sait bilong papa bilong em. Olsem na ol wokboi bilong Devit i kam insait long hap bilong ol pikinini bilong Amon long Hanun, bilong givim bel isi long em. 3 Tasol ol hetman bilong ol pikinini bilong Amon i tokim Hanun, Yu tingting long Devit i givim ona long papa bilong yu, inap long em i bin salim ol man bilong givim bel isi long yu? Ating i yes long ol wokboi bilong em i kam long yu bilong painimaut tru, na bilong winim, na bilong lukstil long dispela hap? 4 Olsem na Hanun i kisim ol wokboi bilong Devit, na sevim ol, na katim i go ol klos bilong insait long namel pas klostu stret long ol baksait bilong ol, na salim ol i go. 5 Nau i gat i go sampela, na ol i tokim Devit long ol i wokim long ol dispela man olsem wanem. Na em i salim tok long bungim ol. Long wanem, ol man i gat bikpela sem. Na king i tok, Stap yet pastaim long Jeriko inap long mausgras bilong yupela i go longpela pinis, na bihain kam bek. 6 ¶ Na taim ol pikinini bilong Amon i luksave long ol i bin mekim ol yet kamap samting bilong bagarapim bel tru long Devit, Hanun na ol pikinini bilong Amon i salim wan tausen talen silva bilong baim long ol ol karis na ol man i ran long hos ausait long Mesopotemia, na ausait long Siria-meaka, na ausait long Soba. 7 Olsem na ol i baim 32,000 karis, na king bilong Meaka na ol lain bilong em, husat i kam na sanapim ol haus sel long ai bilong Medeba. Na ol pikinini bilong Amon i bungim ol yet wantaim long ol biktaun bilong ol, na kam long pait. 8 Na taim Devit i harim long dispela, em i salim Joap, na olgeta ami bilong ol strongpela man. 9 Na ol pikinini bilong Amon i kam ausait, na putim pait long lain long ai bilong dua bilong banis bilong biktaun. Na ol king husat i kam wantaim ol i stap ol yet long ples kunai. 10 Nau taim Joap i luksave pait ol i putim i birua long em fran na long baksait, em i makim ausait long olgeta bilong ol nambawan bilong Isrel, na putim ol long lain i birua long ol lain Siria. 11 Na olgeta arapela bilong ol lain em i givim i go long han bilong Abisai, brata bilong em, na ol i putim ol yet i lain i birua long ol pikinini bilong Amon. 12 Na em i tok, Sapos ol lain Siria i stap strong tumas long mi, orait yu bai helpim mi. Tasol sapos ol pikinini bilong Amon i stap strong tumas long yu, orait bai mi helpim yu. 13 Holimpas gutpela strong bilong pait, na larim yumi wokabaut yumi yet olsem ol strongpela man bilong pait bilong helpim ol lain manmeri bilong yumi, na bilong helpim ol biktaun bilong God bilong yumi. Na larim BIKPELA mekim dispela samting i gutpela long ai bilong Em 14 Olsem na Joap na ol lain husat i stap wantaim em i go klostu long ai bilong ol lain Siria bilong pait. Na ol i ranawe long ai bilong em. 15 Na taim ol pikinini bilong Amon i luksave long ol lain Siria i ranawe, ol i ranawe wankain olsem long ai bilong Abisai, brata bilong em, na go insait long biktaun. Nau Joap i kam long Jerusalem. 16 Na taim ol lain Siria i luksave long ol i kisim taim nogut moa long ai bilong Isrel, ol i salim ol mausman, na pulim i kam ausait ol lain Siria husat i stap hapsait long riva. Na Sofak, kepten bilong ami bilong Hadariser, i go pas long ol. 17 Na ol i tokim Devit long dispela. Na em i bungim olgeta Isrel, na brukim Jordan, na kam antap long ol, na putim pait long lain i birua long ol. Olsem na taim Devit i bin putim pait long lain i birua long ol lain Siria, ol i pait wantaim em. 18 Tasol ol lain Siria i ranawe long ai bilong Isrel. Na Devit i kilim i dai bilong ol Siria 7,000 man husat i pait insait long ol karis, na 40,000 man bilong pait long lek, na kilim i dai Sofak, kepten bilong ami. 19 Na taim ol wokboi bilong Hadariser i luksave long ol i kisim taim nogut moa long ai bilong Isrel, ol i wokim bel isi wantaim Devit, na kamap ol wokboi bilong em. Na tu ol lain Siria i no gat laik long helpim ol pikinini bilong Amon moa liklik.