Luke 21

1¶ Na em i lukluk i go antap, na lukim ol maniman i tromoi ol presen bilong ol i go insait long bakstua bilong samting i dia tru. 2Na em i lukim tu wanpela rabismeri man bilong em i dai pinis i tromoi tupela mait insait long dispela hap. 3Na em i tok, Em i tru, mi tokim yupela, long dispela rabismeri man bilong em i dai pinis i bin tromoi i go insait moa long ol olgeta. 4Long wanem, olgeta dispela i bin tromoi bilong ol planti moa yet bilong ol i go insait long ol ofa bilong God. Tasol meri, bilong pasin bilong stap rabis tru bilong em, i bin tromoi i go insait olgeta dispela mani samting em i gat. 5¶ Na taim sampela i toktok long tempel, long ol i bin bilasim wantaim ol ston na ol presen i nambawan olsem wanem, em i tok, 6Long sait bilong ol dispela samting yupela i lukim, ol de bai kam, long insait long dispela bai i no gat wanpela ston i stap yet antap long narapela, long ol bai i no inap tromoi i go daun. 7Na ol i askim em, i spik, Tisa, tasol wanem taim bai ol dispela samting i stap? Na bai i gat wanem mak taim ol dispela samting bai i kamap olsem? 8Na em i tok, Was gut long yupela i no bilipim giaman. Long wanem, planti bai kam long nem bilong mi, i spik, Mi stap Kraist, na dispela taim i kam klostu. Olsem na yupela i no ken go bihainim ol. 9Tasol taim yupela bai harim long ol bikpela pait na ol kain trabel nabaut, no ken pret nogut tru. Long wanem, ol dispela samting mas kamap olsem pastaim. Tasol pinis i no bambai. 10Nau em i tokim ol, Kantri bai kirap i birua long kantri, na kingdom i birua long kingdom. 11Na ol bikpela guria bai stap long ol kain kain ples, na ol bikpela taim hangre, na ol sik nogut. Na bai i gat ol samting ai i lukim bilong mekim man i pulap long pret na ol bikpela mak i kam long heven. 12Tasol bipo long olgeta dispela, ol bai putim ol han bilong ol antap long yupela, na givim hevi long yupela, na givim yupela i go long ol sinagog, na long ol kalabus, taim ol i bringim yupela long ai bilong ol king na ol hetman bilong tingim nem bilong mi. 13Na em bai tanim i kam long yupela bilong wanpela testimoni. 14Olsem na putim dispela insait long ol bel bilong yupela, long yupela i no inap tingting strong bipotaim long yupela bai bekim wanem. 15Long wanem, mi bai givim yupela wanpela maus na save tru, dispela olgeta birua bilong yupela bai i no inap long tok birua long tok bilong yupela yet o sanap na birua long en. 16Na ol papamama, na ol brata, na ol kandere, na ol pren wantaim bai putim yupela long han bilong birua. Na sampela bilong yupela bai ol i mekim long dai. 17Na olgeta man bai hetim yupela bilong tingim nem bilong mi. 18Tasol i no gat wanpela gras bilong het bilong yupela bai i pinis olgeta. 19Long pasin bilong sanap strong long traim bilong yupela, holimpas ol tewel bilong yupela. 20¶ Na taim yupela bai lukim Jerusalem i pas raun nabaut wantaim ol ami, nau yupela i ken save long taim bilong stap nating olgeta bilong en i klostu. 21Nau larim ol husat i stap long Judia ranawe i go long ol maunten. Na larim ol husat i stap insait long namel bilong en i go ausait. Na no ken larim ol husat i stap long ol kantri i go insait long en. 22Long wanem, ol dispela i stap ol de bilong bekim pe nogut, inap long olgeta dispela samting ol i raitim i ken kamap pinis. 23Tasol tok lukaut i go long ol husat i gat bel, na long ol husat i givim susu, long ol dispela de! Long wanem, bai i gat bikpela wari long dispela hap graun, na belhat tru antap long dispela lain manmeri. 24Na ol bai pundaun long sap bilong bainat, na ol bai stiaim ol i go kalabus insait long olgeta kantri. Na ol man i no Ju bai krungutim Jerusalem i go daun, inap long ol taim bilong ol man i no Ju i ken kamap inap pinis. 25Na bai i gat ol mak long san, na long mun, na long ol sta. Na antap long dispela graun ol kantri bai pilim bikpela wari, wantaim paul. Biksi na ol sibruk bai krai bikpela. 26Ol bel bilong ol man bai fel, long wanem, ol i pret, na long wanem, ol i lukluk i bihainim ol dispela samting, dispela i laik kam antap long dispela graun. Long wanem, ol pawa bilong heven bai seksek. 27Na nau ol bai lukim Pikinini Man bilong man i kam long wanpela klaut wantaim pawa na bikpela glori. 28Na taim ol dispela samting i stat long kamap olsem, nau lukluk i go antap, na litimapim ol het bilong yupela. Long wanem, baim bek bilong yupela i kam klostu. 29¶ Na em i tokim ol long wanpela tok piksa. Lukim diwai fik, na olgeta diwai. 30Taim nau ol i sutim kru i go ausait, yupela i lukim na save long yupela yet long taim bilong biksan i kam klostu nau. 31Olsem tasol wankain olsem yupela, taim yupela i lukim ol dispela samting i kamap olsem, i ken save long kingdom bilong God i klostu i stap. 32Tru tumas, mi tokim yupela, Dispela lain tumbuna bai i no inap pinis olgeta, inap long olgeta i ken kamap pinis. 33Heven na dispela graun bai pinis olgeta. Tasol ol tok bilong mi bai i no inap pinis olgeta. 34Na was gut long yupela yet, nogut long wanpela taim ol bel bilong yupela i pilim hevi tumas wantaim pasin bilong pulap olgeta, na spak pasin, na ol wari bilong dispela laip, na inap long dispela de i no inap kam antap long yupela hait. 35Long wanem, olsem wanpela trap dispela bai kam antap long olgeta husat i stap long pes bilong dispela graun olgeta. 36Olsem na yupela i mas was, na beten olgeta taim, inap long God i ken kaunim yupela i gat namba inap long ranawe long olgeta dispela samting, dispela i bai kamap olsem, na long sanap long ai bilong Pikinini Man bilong man. 37Na long taim bilong san em i skulim ol manmeri insait long tempel. Na long nait em i go ausait, na stap long dispela maunten ol i kolim maunten bilong ol Oliv. 38Na olgeta manmeri i kam long moningtaim tru long em insait long tempel, bilong harim em.