Rev 11 | TpiKJPB | STEP | ¶ Na wanpela i givim mi wanpela tiktik i wankain olsem wanpela stik. Na ensel i sanap, i spik, Kirap, na mitaim tempel bilong God, na alta, na ol husat i lotu insait long en.

Revelation of John 11

1 ¶ Na wanpela i givim mi wanpela tiktik i wankain olsem wanpela stik. Na ensel i sanap, i spik, Kirap, na mitaim tempel bilong God, na alta, na ol husat i lotu insait long en. 2 Tasol dispela ples op i stap ausait long tempel lusim, na no ken mitaim dispela. Long wanem, God i givim dispela long ol man i no Ju. Na dispela biktaun holi ol bai krungutim aninit long lek 42 mun. 3 ¶ Na mi bai givim pawa long tupela witnes bilong mi, na ol bai autim tok profet 1,260 de, taim ol i werim bek laplap. 4 Dispela tupela em i dispela tupela diwai oliv, na dispela tupela stik kandel i sanap long ai bilong God bilong dispela graun. 5 Na sapos wanpela man i gat laik long givim pen long ol, paia i kam ausait long maus bilong ol, na kaikai olgeta ol birua bilong ol. Na sapos wanpela man i gat laik givim pen long ol, long dispela pasin ol i mas kilim em i dai. 6 Dispela tupela i gat pawa long pasim heven, inap long em i no inap ren long ol de bilong tok profet bilong ol. Na ol bai gat pawa long bosim ol wara long tanim ol i kamap blut, na long paitim dispela graun wantaim olgeta bikpela hevi, hamas taim ol i gat laik. 7 Na taim ol i bin pinisim testimoni bilong ol, dispela animal husat i kam antap ausait long bikpela hul i no gat as bilong en bai wokim bikpela pait i birua long ol, na bai winim ol, na kilim tupela i dai. 8 Na tupela dai bodi bilong ol bai slip long rot bilong dispela bikpela biktaun, dispela long spirit sait ol i kolim Sodom na Isip, we tu ol i bin nilim long diwai kros Bikpela bilong yumi. 9 Na ol bilong ol lain manmeri na ol kandre na ol tok ples na ol kantri bai lukim ol dai bodi bilong ol tripela de na hap, na ol bai i no inap larim ol i putim ol dai bodi bilong ol insait long ol matmat. 10 Na ol husat i stap long dispela graun bai wokim amamas tru antap long ol, na wokim amamas, na ol bai salim ol presen wanpela i go long narapela. Bilong wanem, dispela tupela profet i givim traipela pen long ol husat i stap long dispela graun. 11 Na bihain long tripela de na hap, Spirit bilong laip i kam long God i go insait long ol, na ol i sanap antap long ol lek bilong ol. Na bikpela pret i pundaun antap long ol husat i lukim ol. 12 Na ol i harim wanpela bikpela nek i kam long heven i spik long ol, Kam antap hia. Na ol i go antap long heven insait long wanpela klaut. Na ol birua bilong ol i lukim ol. 13 Na dispela aua stret i gat wanpela bikpela guria, na namba ten hap bilong dispela biktaun i pundaun, na dispela guria i kilim i dai 7,000 man. Na hap lain i stap yet i pret, na givim glori long God bilong heven. 14 ¶ Namba tu tok lukaut i pinis. Na, lukim, namba tri tok lukaut i kam kwiktaim. 15 Na namba seven ensel i winim biugel. Na i gat ol bikpela nek long heven, i spik, Ol kingdom bilong dispela graun i kamap ol kingdom bilong Bikpela bilong yumi, na bilong Kraist bilong em. Na em bai bosim kingdom oltaim oltaim na oltaim. 16 Na dispela 24 lapun hetman, husat i sindaun long ai bilong God long ol sia bilong ol, i pundaun long ol pes bilong ol, na lotuim God, 17 I spik, Mipela i givim tok tenkyu long yu, O God Bikpela i Gat Olgeta Strong, husat i stap, na husat i bin stap, na husat bai kam. Bilong wanem, yu bin kisim long yu dispela bikpela pawa bilong yu, na yu bin bosim kingdom. 18 Na ol kantri i belhat, na belhat tru bilong yu i kam pinis, na taim bilong ol daiman, inap long ol i ken kisim kot, na long yu ken givim pe long ol wokboi bilong yu ol profet, na long ol seint, na ol husat i pret long nem bilong yu, man nating na bikman, na long yu ken bagarapim olgeta ol husat i bagarapim dispela graun olgeta. 19 Na tempel bilong God i op long heven, na ol i lukim insait long tempel bilong em bokis kontrak bilong testamen bilong em. Na i gat ol lait bilong klaut, na ol nek, na ol klaut i pairap, na wanpela guria, na bikpela ren ais.