Zec 4 | TpiKJPB | STEP | ¶ Na ensel husat i toktok wantaim mi i kam gen, na kirapim mi, olsem wanpela man husat ol i kirapim i kam ausait long slip bilong em.

Zechariah 4

1 ¶ Na ensel husat i toktok wantaim mi i kam gen, na kirapim mi, olsem wanpela man husat ol i kirapim i kam ausait long slip bilong em. 2 Na em i tokim mi, Yu lukim wanem? Na mi tok, Mi bin lukluk, na lukim, wanpela stik kandel bilong gol olgeta, wantaim wanpela dis antap long antap bilong en, na sevenpela lam bilong en antap long en, na sevenpela paip i go long sevenpela lam, dispela i stap antap long antap bilong en. 3 Na tupela diwai oliv i stap klostu long en, wanpela antap long han sut sait bilong dis, na arapela antap long han kais sait bilong en. 4 Olsem na mi bekim na tokim ensel husat i toktok wantaim mi, i spik, Ol dispela em i wanem samting, bikman bilong mi? 5 Nau ensel husat i toktok wantaim mi i bekim na tokim mi, Ating i yes long yu save long ol dispela em i wanem samting? Na mi tok, Nogat, bikman bilong mi. 6 Nau em i bekim na tokim mi, i spik, Dispela em i tok bilong BIKPELA i go long Serubabel, i spik, I no long strong, o long pawa, tasol long Spirit bilong Mi, BIKPELA bilong ol ami i tok. 7 Yu husat, O bikpela maunten? Long ai bilong Serubabel yu bai kamap wanpela ples stret. Na em bai bringim i kam maka ston bilong matmat bilong en wantaim ol singaut, i singaut, Marimari, marimari i go long en. 8 Na moa tu tok bilong BIKPELA i kam long mi, i spik, 9 Tupela han bilong Serubabel i bin slipim ol as ston bilong dispela haus. Tupela han bilong em tu bai pinisim dispela. Na yu bai save long BIKPELA bilong ol ami i bin salim mi i go long yu. 10 Long wanem, husat i bin tingim olsem de bilong ol liklik samting em i samting nating? Long wanem, ol bai wokim amamas tru, na ol bai lukim plamlain long han bilong Serubabel wantaim dispela sevenpela. Ol i stap ol ai bilong BIKPELA, dispela i ran i kam i go namel long dispela graun olgeta. 11 ¶ Nau mi bekim, na tokim em, Dispela tupela diwai oliv antap long han sut sait bilong stik kandel na antap long han kais sait bilong en em i wanem samting? 12 Na mi bekim gen, na tokim em, Dispela tupela han diwai bilong oliv, dispela we long tupela paip gol i mekim wel gol i go emti ausait long ol yet, em i wanem samting? 13 Na em i bekim mi na tok, Ating i yes long yu save long ol dispela em i wanem samting? Na mi tok, Nogat, bikman bilong mi. 14 Nau em i tok, Ol dispela em i dispela tupela man God i makim, husat i sanap klostu long Bikpela bilong dispela graun olgeta.