Zec 9 | TpiKJPB | STEP | ¶ Hevi bilong tok bilong BIKPELA long hap bilong Hadrak, na Damaskas bai stap malolo bilong en, taim ol ai bilong ol man, olsem bilong olgeta lain bilong Isrel, bai go long BIKPELA.

Zechariah 9

1 ¶ Hevi bilong tok bilong BIKPELA long hap bilong Hadrak, na Damaskas bai stap malolo bilong en, taim ol ai bilong ol man, olsem bilong olgeta lain bilong Isrel, bai go long BIKPELA. 2 Na Hemat tu bai stap hap arere bilong en, Tairas, na Saidon, maski dispela i gat save tru tru. 3 Na Tairas i bin wokim bilong em yet wanpela strongpela ples hait, na hipim i go antap silva olsem das, na naispela gol olsem graun malumalu bilong ol rot. 4 Lukim, Bikpela bai tromoi em i go ausait, na Em bai paitim pawa bilong em long biksi. Na Em bai kaikai em olgeta wantaim paia. 5 Askelon bai lukim dispela, na pret. Gasa tu bai lukim dispela, na pilim bikpela bel hevi tru, na Ekron. Long wanem, strongpela hop bilong em bai gat sem. Na king bai dai olgeta long Gasa, na Askelon bai i no gat wanpela bilong stap long en. 6 Na wanpela bastat bai stap long Asdot, na Mi bai rausim hambak pasin bilong ol Filistin. 7 Na Mi bai tekewe blut bilong em ausait long maus bilong em, na ol sting samting bilong em ausait long namel bilong ol tit bilong em. Tasol em husat i stap yet, yes em, bai stap bilong God bilong yumi, na em bai stap olsem wanpela nambawan gavman long Juda, na Ekron olsem wanpela man Jebus. 8 Na Mi bai wokim kem raun nabaut long haus bilong Mi, bilong wanem, long ami, bilong wanem, long em husat i wokabaut klostu, na bilong wanem, long em husat i kam bek. Na man bilong mekim man i kisim taim bai i no inap wokabaut namel long ol moa liklik. Long wanem, nau Mi bin lukim wantaim tupela ai bilong Mi. 9 ¶ Wokim bikpela amamas tru, O pikinini meri bilong Saion. Singaut bikpela, O pikinini meri bilong Jerusalem. Lukim, King bilong yu i kam long yu. Em i stretpela, na i gat pasin bilong kisim bek. Em i Man i stap daunbilo, na i ran antap long wanpela donki, na antap long pikinini donki, pikinini bilong wanpela donki. 10 Na Mi bai rausim karis long Ifraim, na hos long Jerusalem. Na banara bilong pait bai Mi rausim, na Em bai toktok long bel isi i go long ol haiden. Na hap Em i bosim bai stat long biksi, yes, i go long biksi, na i stat long riva, yes, i go long ol pinis bilong dispela graun. 11 Long sait bilong yu tu, long blut bilong kontrak bilong yu Mi bin salim i go ausait ol kalabus bilong yu i go ausait long bikpela hul we wara i no stap long en. 12 ¶ Yupela tanim i go long strongpela ples hait, yupela ol kalabus bilong hop. Yes, tude Mi tokaut long Mi bai mekim dabol i go long yu, 13 Taim Mi bin pulim Juda bilong Mi, pulimapim banara wantaim Ifraim, na kirapim ol pikinini man bilong yu, O Saion, bilong birua long ol pikinini man bilong yu, O Gris, na mekim yu olsem bainat bilong wanpela strongpela man bilong pait. 14 Na ol bai lukim BIKPELA antap long ol, na spia bilong Em bai go ausait olsem lait bilong klaut. Na GOD Bikpela bai winim biugel, na bai go wantaim ol raunwin bilong hap saut. 15 BIKPELA bilong ol ami bai lukautim ol long pait. Na ol bai kaikai olgeta, na daunim wantaim ol ston bilong katapel. Na ol bai dring, na wokim wanpela nois olsem ol i mekim wantaim wain. Na ol bai stap pulap olsem ol dis, na olsem ol kona bilong alta. 16 Na BIKPELA, God bilong ol, bai kisim bek ol long dispela de olsem lain sipsip bilong lain manmeri bilong Em. Long wanem, ol bai stap olsem ol ston bilong wanpela hat king, stap antap olsem wanpela plek antap long hap bilong Em. 17 Long wanem, gutpela pasin bilong Em em i bikpela moa, na naispela tru bilong Em em i bikpela olsem wanem! Wit samting bai mekim ol yangpela man long gat amamas, na nupela wain ol yangpela meri.