Psa 149 | TwiNAK | STEP | Kamfo Awurade . To dwom foforo ma Awurade . Kamfo no wɔ ne gyidifo bagua mu.

Psalms 149

Ayeyi dwom

1 Kamfo Awurade.
To dwom foforo ma Awurade.
Kamfo no wɔ ne gyidifo bagua mu.
2 Ma wʼani nnye,
Israel, wo boafo nti.
Momma mo ani nnye, Sionfo, esiane mo hene nti!
3 Momfa asaw nkamfo ne din.
Mommɔ nkyene ne nsanku nkamfo ne din.
4 Awurade ani gye ne nkurɔfo ho.
Ɔma ɔhobrɛaseni di nkonim de hyɛ no anuonyam.
5 Momma Onyankopɔn ani nnye wɔ wɔn nkonimdi mu na wɔnto ahosɛpɛw nnwom anadwo mu nyinaa.
6 Wɔrekamfo Onyankopɔn no, wɔnteɛm dennen bere a wokita wɔn nkrante nnamnnam no a,
7 wɔde bedi aman so na wɔatwe nnipa aso
8 na wɔakyekyere ahene wɔ nkɔnsɔnkɔnsɔn mu, wɔn mpanyimfo daban nkɔnsɔnkɔnsɔn mu,
9 na wɔatwe aman aso sɛnea Onyankopɔn ahyɛ no.
Eyi ne Onyankopɔn nkurɔfo nkonimdi.
Kamfo Awurade.