Psa 24 | TwiNAK | STEP | Wiase ne nea ɛwɔ mu nyinaa yɛ Awurade de. Asase ne wɔn a wɔte so nyinaa yɛ Awurade de.

Psalms 24

Ɔhene kɛse no

1 Wiase ne nea ɛwɔ mu nyinaa yɛ Awurade de.
Asase ne wɔn a wɔte so nyinaa yɛ Awurade de.
2 Osii wɔ nsu ase akyirikyiri wɔ asase ase,
na ɔtoo ne fapem wɔ ɛpo no ase hɔ.
3 Hena na ɔwɔ tumi sɛ ɔkɔ Awurade bepɔw so?
Hena na obetumi akɔ ne fi kronkron no mu?
4 Ɛyɛ wɔn a wɔyɛ ade trenee na wodwen adwene pa na wɔnsom anyame na wɔnhyɛ bɔ hunu no.
5 Awurade behyira wɔn na wagye wɔn nkwa.
Onyankopɔn bebu wɔn bem.
6 Saa nnipa no na wɔba Onyankopɔn nkyɛn.
Wɔn na wɔba Yakob Nyankopɔn anim.
7 Mummue ɔpon no kɛse.
Mummue tete apon no na ɔhene kɛse no bɛfa mu.
8 Hena ne saa ɔhene kɛse yi?
Ɔno ne Awurade, ɔhoɔdenfo ne otumfoɔ no;
Awurade, ɔko mu nkonimdifo.
9 Mummue ɔpon no kɛse.
Mummue tete apon no na ɔhene kɛse no bɛfa mu.
10 Hena ne saa ɔhene kɛse yi?
Nkonimdi Awurade; ɔno ne ɔhene kɛse no!