Psa 3 | TwiNAK | STEP | O Awurade , nnipa bebree tia me. Nnipa pii pɛ sɛ wɔhaw me. Mewɔ atamfo bebree.

Psalms 3

Ahohia bere mu anɔpa mpae

1 O Awurade, nnipa bebree tia me.
Nnipa pii pɛ sɛ wɔhaw me.
Mewɔ atamfo bebree.
2 Bebree no ara ka se Onyankopɔn remmoa me da.
3 Nanso, Awurade, wone me kyɛm, mʼanuonyam ne mʼanidaso.
Wo nko ara na wubetumi apagyaw me ti a masi no ase aniwu mu no.
4 Misu mefrɛɛ Awurade, na ɔtee me nka wɔ nʼasɔredan a ɛwɔ Yerusalem no mu.
5 Metɔ hɔ da, na anadwo no nyinaa,
Awurade bɔ me ho ban ma minyan asomdwoe mu.
6 Ɛwom sɛ mprempren atamfo ɔpedu atwa me ho ahyia de, nanso minsuro.
7 Mesu mafrɛ no se, “Sɔre,
O Awurade!
Gye me nkwa, o me Nyankopɔn!” Na bobɔ mʼatamfo nyinaa abogye.
Na bubu nnebɔneyɛfo se.
8 Efisɛ, nkwagye fi Onyankopɔn.
Na ohyira ne nkurɔfo nyinaa.