Psa 43 | TwiNAK | STEP | O Onyankopɔn, bu me bem na gye me fi nnebɔneyɛfo nsam; gye me fi atorofo ne nnebɔneyɛfo nsam!

Psalms 43

Onipa a wɔatwa no asu mpaebɔ

1 O Onyankopɔn, bu me bem na gye me fi nnebɔneyɛfo nsam; gye me fi atorofo ne nnebɔneyɛfo nsam!
2 Wone me hwɛfo.
Adɛn nti na woagyaw me?
Adɛn nti na ɛsɛ sɛ mekɔ so hu amane wɔ mʼatamfo atirimmɔden mu?
3 Soma wo hann ne wo nokware na enni mʼanim mfa me mmra Sion, wo bepɔw Kronkron no so ne wo fi a wote mu no mu.
4 Afei mɛkɔ wʼafɔremuka no anim,
O Onyankopɔn; wo mu na mʼahotɔ fi.
Mɛbɔ me sanku na mato dwom makamfo wo, O Onyankopɔn, me Nyankopɔn.
5 Adɛn nti na me werɛ ahow saa?
Adɛn nti na me ho yeraw me saa?
Mede me ho bɛto Onyankopɔn so, na bio mɛkamfo no, mʼagyenkwa ne me Nyankopɔn.