Psa 72 | Vulgate_HebPs | STEP | canticum Asaph attamen bonus est Israhel Deus his qui mundo sunt corde

Psalms 72

1 canticum Asaph attamen bonus est Israhel Deus his qui mundo sunt corde 2 mei autem paene vacillaverunt pedes paene effusi sunt gressus mei 3 quia aemulatus sum contra iniquos pacem impiorum videns 4 quod non recogitaverint de morte sua et firma sint vestibula eorum 5 in labore hominum non sunt et cum hominibus non flagellabuntur 6 ideo nutriti sunt ad superbiam circumdederunt iniquitatem sibi 7 processerunt a pinguidine oculi eorum transierunt cogitationes cordis 8 inriserunt et locuti sunt in malitia calumniam de excelso loquentes 9 posuerunt in caelo os suum et lingua eorum deambulavit in terra 10 propterea convertetur populus eius hic et quis plenus invenietur in eis 11 et dixerunt quomodo novit Deus et si est scientia in Excelso 12 ecce isti impii et abundantes in saeculo multiplicaverunt divitias 13 ergone frustra mundavi cor meum et lavi in innocentia manus meas 14 et fui flagellatus tota die et increpatio mea in matutinis 15 dixi si narravero sic ecce generationem filiorum tuorum reliqui 16 et cogitavi ut intellegerem istud labor est in oculis meis 17 donec veniam ad sanctuaria Dei intellegam in novissimo eorum 18 verumtamen in lubrico posuisti eos deiecisti eos ad interitum 19 quomodo vastati sunt subito defecerunt consumpti sunt quasi non sint 20 quasi somnium evigilantis Domine in civitate tua imaginem eorum ad nihilum rediges [ (Psalms 72:21) quia contractum est cor meum et lumbi mei velut ignis fumigans ] [ (Psalms 72:22) et ego insipiens et nescius ] [ (Psalms 72:23) quasi iumentum factus sum apud te et eram semper tecum ] [ (Psalms 72:24) et tenebas manum dexteram meam in consilium tuum deduces me et postea in gloria suscipies me ] [ (Psalms 72:25) quid mihi est in caelo et tecum nolui in terra ] [ (Psalms 72:26) consumpta est caro mea et cor meum robur cordis mei et pars mea Deus in aeternum ] [ (Psalms 72:27) quia ecce qui elongant se a te peribunt perdidisti omnem fornicantem a te ] [ (Psalms 72:28) mihi autem adpropinquare Deo bonum est posui in Domino Deo spem meam ut narrem omnes adnuntiationes tuas ]