1 Chronicles 22
1Tua ciangin David in, “Hih lai-ah TOPA, Pasian inn om dinga, Israel meihal biakna-tau zong a om ding hi,” a ci hi. aBiakinnpi ding Kiginkholhnate
2 Tua ciangin David in Israel sunga om pemtate a kikaihkhop dingun thu pia-a, Pasian inn lam nading suang seeksa a tawm dingin suang atte a koih hi. 3Amah in kongpi khaknate a zat dingin siktukkilh-a bawl ding sik tampitak le a gakna ding a gikna teh zawh loh sumngo a puak hi. 4Amah in simzawh loh tamtak luangte a puak hi; ahang in, Sidon-te le Tyre-te in tuate tampitak David a puak uh hi. b 5 David in, “Ka tapa Solomon khangno lai-a, a tuahkhak tam nai loin TOPA adingin a kilam ding inn lah minamte khempeuh muhna-ah a tuampian diak, a minthang a thupi hi ding hi. Tua ahi ciangin tua adingin ka kigingkhol ding hi,” a ci hi. Tua ahi ciangin David in a sih ma-in na tampitak a kigingkhol hi. c 6 Tua ciangin a tapa Solomon sama, TOPA Israel Pasian adingin inn khat a lam ding a sawl hi. 7David in Solomon kiangah; “Ka tapa aw, ka lungsimin TOPA ka Pasian Min-in inn khat lam ding ka sawm hi. 8Ahi hangin hih TOPA thu kei tungah hong tung a: ‘Sisan tam na luangsak lua a, gal tampi na do hi. Nang in ka muhin leitungah sisan tam luangsak lua na hi manin ka Min adingin inn na lam kei ding hi. 9Ahi hangin kilemna le tawlngakna mi khat tapa in na nei dinga, a kim a pama galte khempeuh panin amah ka galmuangsak ding hi. Ama min Solomon ▼▼22.9 Solomon pen Hebrew in lemna cihna awgin tawh kibang hi
hi dinga ama uk sungin Israel tungah kilemna le daihna ka pia ding hi. 10Amah ka Min adingin inn lam ding pa ahi hi. Amah ka tapa hi dinga, kei a pa ka hi ding hi. Tuateh keimah in Israel tunga ama kumpi-gam ka kipsak tawntung ding hi,’ hong ci hi. e 11 “Tu-in ka tapa aw, TOPA in nang hong ompih henla nang hih dinga a gensa bangin TOPA na Pasian inn lamin hong zosak ta hen. 12Amah in nang Israel hong makaihsak ciangin TOPA na Pasian thukham na zuih theih nadingin TOPA in thukhen siamna le theihtelna hong guan hen. 13Tua ciangin Israel adingin TOPA in Moses tunga a piak thukipte le thukhamte limtaka na zuih leh na ma a vang ding hi. Hat inla hang in. Lau kei inla lungkia kei in. f 14 “TOPA biakinnpi adingin haksapi-a ka khop kham talent ▼▼22.14 Tua in ton 3,750 bang (matrc ton 3,450 bang)
tul zakhat, ngun talent ▼▼22.14 Tua in, ton 37,500 bang (matric ton 34,500 bang)
tul zasawm le sumngo le sik teh zawhloh le sing le suangte ka khol khin hi. Nang in tuate na behlap thei hi. 15Nangmah in nasem tampi: suang-atte, lei inn lam siamte, sing inn lam siamte banah nasep namkim a siam: 16kham, ngun, sumngo le sik nasep siamte - khutsiam sim zawh loh na nei hi. Tu-in kipan ta in, TOPA in nang hong ompih ding hi,” a ci hi. i 17 Tua ciangin Israel makaite khempeuh in a tapa Solomon a huh nadingun David in thu a pia hi. 18Amaute kiangah, “TOPA note Pasian, no tawh omkhawm hi lo ahi hiam? Amah in na kim na pam khempeuh panun hong tawlngasak hi lo ahi hiam? Ahang in, amah in gam sunga tengte kei hong pia a, gam khempeuh in TOPA le ama mite nasem a suak uh hi. 19Tu-in TOPA na Pasian uh zong dingin na lungsim uh le na hinna uh ki-ap un. TOPA Min adingin a ki-ap ding biakinnpi sungah TOPA thukhun singkuangpi le vanzat siangthote na koih theih nadingun TOPA Pasian munsiangtho lam kipan ta un,” a ci hi. j
Copyright information for
ZomZIV