1 Chronicles 24
Siampite Khenna
1Hihte in Aaron tapate kisehkhenna ahi hi: a Aaron tapate, Nadab, Abihu, Eleazer le Ithamar. 2Ahi hangin a pa uh a sih ma-in Nadab le Abihu si-a tapa a nei kei uh hi; tua ciangin Eleazer le Ithamar in siampi na a sem uh hi. Eleazar suan Zadok le Ithamar suan 3Ahimelech huhna tawh David in amaute a sehin khena, amaute sehna bangin biakna na a sem uh hi. 4Ithamar suante lak sangin Eleazer suante lakah makai tam kimu zaw a, amaute phazah tawh kizui-in kikhenin: Eleazer suante panin innkuan lutang sawm le guk, Ithamar suante panin innkuan lutang giat ahi hi. 5Eleazar le Ithamar suante lakah mun siangtho ulian le Pasian ulian om tuak ahi manin amaute in deihsak tuam nei loin ai dokna tawh amaute a khen uh hi. b 6 Levi-te khat Nethanel tapa lai theipa Shemaiah in kumpipa le uliante muhin amaute min ciamteh hi: siampi Zadok, Abiathar tapa Ahimelech le siampite le Levi-te innkuante lutangte muhin- Eleazar innkuan panin khat la-a tuateh Ithamar innkuan panin khat a kila ahi uh hi. 7 Ai masapen Jehoiarib tung tu a,a nihna Jedaiah,
8 a thumna Harim, c
a lina Seorim,
9 a ngana Malkijah,
a gukna Mijamin,
10 a sagihna Hakkoz,
a giatna Abijah,
11 a kuana Jeshua,
a sawmna Shecaniah,
12 a sawm le khatna Eliashib,
a sawm le nihna Jakim,
13 a sawm le thumna Huppah,
a sawm le lina Jeshebeab,
14 a sawm le ngana Bilgah,
a sawm le gukna Immer,
15 a sawm le sagihna Hezir,
a sawm le giatna Happizzez,
16 a sawm le kuana Pethahiah,
a sawm nihna Jehezkel,
17 a sawmnih khatna Jakin,
a sawmnih nihna Gamul,
18 a sawmnih thumna Delaiah,
le a sawmnih lina Maaziah tung a tu hi.
19 TOPA Israel Pasian in amaute pupi Aaron tunga a thupiaksa, TOPA biakinnpi sungah amaute a lut uh ciangin a hunhuna amaute nasepzia ding kisehna ngeinate hih ahi hi.
A Omlai Levi-te
20 Levi suan a omlaite aitang in: d Amram tapate pan: Shubael;Shubael tapate pan: Jehdeiah.
21 Rehabiah aitangin, ama tapate pan: e
Isshiah a khatna ahi hi.
22 Izhar tapate panin: Shelomoth;
Shelomoth tapate panin: Jahath.
23 Hebron tapate: Jeriah a masa, ▼
▼24.23 Hebrew khutgelh nih Septuagint pawlkhat (1Kh 23:19 zong en in); Hebrew khutgelh a tampen ah Jeriah tapate
Amariah a nihna, Jahaziel a thumna, le Jekameam a lina ahi hi. 24 Uzziel tapa: Micah;
Micah tapate pan: Shamir.
25 Micah sanggampa Isshiah;
Isshiah tapate panin: Zehariah.
26 Merai tapate: Mahli le Mushi. g
Jaaziah tapa Beno.
27 Merari tapate:
Jaaziah pan: Beno, Shoham, Zaccur le Ibri.
28 Mahli pan: Tapa nei lopa Eleazar.
29 Kish pan: Kish tapa;
Jerahmeel.
30 Mushi tapate: Mahli, Eder le Jerimoth.
Hihte a innkuan tawh kizui-in Levi-te ahi uh hi. 31Amaute in zong Aaron suan a sanggamte uh hih bang tektekin Kumpi David le Zadok, Ahimelech le siampite le Levi-te innkuan lutangte omin ai a lawn uh hi. Innkuante sungah sanggam pasal upapen le a nautum pen a kibangin a hih uh hi.
Copyright information for
ZomZIV