1 Chronicles 27

Galkap Khenna

1Hih in Israel-te min khumna ahi - innkuan lutangte le a tulte le a zate a uk, amaute uliante hi-a, amaute in kum tawntung kha simin a kisam bangin kikhel-a kumpipa nasemte ahi uh hi. Khen khat ah mi 24,000 ahi hi.

2 A kha masa-a a khen masa a uk Zabdiel tapa Jashobeam ahi hi. Ama khen ah mi 24,000 ahi hi. 3Amah Perez suan hi-a, a kha masa-a galkap uliante khempeuh ukpa ahi hi.
4 A kha nihna-a khen uk Ahoh-te Dodai hi a; ama khen ah makai Mikloth ahi hi. Ama khen ah mi 24,000 ahi hi. ^a
5 A kha thumna-a a khen thumna ukpa siampi Jehoiada tapa Benaiah ahi hi. Amah a ukpi hi-a ama khen ah mi 24,000 ahi hi. 6Hih in mi thahat Sawmthum laka Sawmthumte ukpa Benaiah pen ahi hi. Ama tapa Ammizabad in ama khen a uk hi.
7 A kha lina-a a lina, Joab sanggampa Asahel hi a; a tapa Zebadiah in ama za a luah hi. Ama khen ah mi 24,000 ahi hi.
8 A kha ngana-a a ngana ah Izrah-te galkap mang Shamhuth ahi hi. Ama khen ah mi 24,000 ahi hi.
9 A khagukna-a a gukna Teko-te Ikkesh tapa Ira ahi hi. Ama khen ah mi 24,000 ahi hi. ^b
10 A kha sagihna-a a sagihna Ephraim-te khat, Pelon-te Helez ahi hi. Ama khen ah mi 24,000 ahi hi.
11 A kha giatna-a a giatna Zerah-te khat, Hushath-te Sibbecai ahi hi. Ama khen ah mi 24,000 ahi hi. ^c
12 A kha kuana-a a kuana Benjamin-te khat, Anathoth-te Abiezel ahi hi. Ama khen ah mi 24,000 ahi hi.
13 A kha sawmna-a a sawmna Zerath-te khat, Netophath-te Maharai ahi hi. Ama khen ah mi 24,000 ahi hi.
14 A kha sawm le khatna-a a sawm le khatna Ephraim-te khat, Pirathon-te Benaiah ahi hi. Ama khen ah mi 24,000 ahi hi. ^d
15 A kha sawm le nihna-a a sawm le nihna Othniel innkuan pan Netophath-te Heldai ahi hi. Ama khen ah mi 24,000 ahi hi. ^e

Beh Uliante

16 Israel beh a uliante:
Reuben-te uk: Zicri tapa Eleazer;
Simeon-te uk: Maacah tapa Shephatiah;
17 Levi uk: Kemuel tapa Hashabiah; ^f
Aaron uk: Zadok; ^g
18 Judah uk: David sanggampa khat Elihu;
Issachar uk: Michael tapa Omri;
19 Zebulun uk: Obadiah tapa Ishmaiah;
Naphtali uk: Azriel tapa Jerimoth;
20 Ephraim-te uk: Azaziah tapa Hoshea;
Manasseh beh alangte uk: Pedaiah tapa Joel;
21 Gilead a Manasseh beh alangte uk: Zechariah tapa Iddo;
Benjamin uk: Abner tapa Jaasiel;
22 Dan uk: Jeroham tapa Azarel ahi hi.

Hihte in Israel beh uliante ahi hi.

23 David in mi a kum sawmnih ahikeh a tawmzaw-te a sim kei hi, bang hang hiam cih leh TOPA in Israel, vana aksi zaha tam dingin a ciamsa ahi hi. 24Zeruiah tapa Joab in mi phazah sim napi a sim khin zo kei hi. Hih misimna hangin Israel tungah thangpaihna tunga Kumpi David khangthu bu ▼

▼27.24 Septuagint; Hebrew ah a phazah

sungah a phazah kikhum lo hi. ⁱ

Kumpipa’ Vancingpa

25 Kumpi vankholna inn uk Adiel tapa Azmaveth ahi hi.

A pualam gamkhen a khuapite, khuaneute le galvilna tausanga van koihnate uk Uzziah tapa Jonathan ahi hi.

26 Lokhawh nasemte a uk Kelub tapa Ezri ahi hi.

27 Lenggui lote uk Ramath-te Shimei ahi hi.

Lenggui lote pana piang lenggah-zu bungpite a uk Shiphim-te Zabdi ahi hi.

28 Nitumna-lam mualbul a olive le theiba kungte a uk Geder-te Baal-Hanan ahi hi. ^j

Olive thau kholna ukpa Joash ahi hi.

29 Sharon sunga gamta ganhonte a uk Sharon-te Shitrai ahi hi.

Kuamte sunga ganhonte a uk Adlai tapa Shaphat ahi hi.

30 Kala-oh-te a uk Ishmael-te Obil ahi hi.

Laate a uk Meronoth-te Jehdeiah ahi hi.

31 Tuuhonte a uk Hagri-te Jaziz ahi hi. ^k

Hihte khempeuh Kumpi David neihsa a kem uliante ahi hi.

32 David pano Jonathan in thuthuk thei-in lai thei a, thulakpa ahi hi. Hacmoni tapa Jehiel in kumpi tapate a don hi.

33 Ahithophel in kumpipa thulakpa ahi hi. ^l

Ark-te Hushai in kumpipa zawlpa ahi hi. 34Benaiah tapa Jehoada le Abiathar in Ahithophel za a luah uh hi. ^m

Joab in kumpi galkap mangpipa ahi hi. ⁿ