1 Kings 20

Ben-Hadad in Samaria Sim

1Tu-in Aram kumpipa Ben-Hadad in a galkap khempeuh a khawm hi. Kumpi sawmthum le nih a sakolte uh le a sakollengte uh tawh kopin amah kuanto a, Samaria umcihin a sim hi. 2Amah in khuapi sungah kamtaite sawlin Israel kumpipa Ahab kiangah, “Ben-Hadad in, 3‘Na ngun le na khamte kei aa hi a, na zi hoihpente le na tate kei aa ahi hi,’ ci hi,” a cisak hi.

4 Israel kumpipa in, “Ka to kumpipa aw, na cih bang tektek ahi hi. Kei le ka neihsa khempeuh nang aa ahi hi,” ci-in a dawng hi.

5 Kamtaite pai kik a, “Ben-Hadad in, ‘Na ngun le na khamte, na zite na tate a la ding mi kong sawl ding hi. 6Ahi hangin zing ciang tu hunin na kumpi-inn sung le na uliante inn sung a pheklek dingin ka uliante kong sawl ding hi. Amaute in na van man nei khempeuh manin a puamang ding uh hi,’ ci hi,” a ci hi.

7 Israel kumpipa in gam sunga upate khempeuh samin amaute kiangah “En dih un, hih mipa in bangzah taka buaina zong ahi hiam! Ka zite le ka tate, ka ngun le ka khamte hong vaikhak ciangin ka nial kei hi,” a ci hi. ^a

8 Upate le mipi khempeuh in, “A thu ngai kei inla hong kalhte zong thukim kei in,” ci-in a dawng uh hi.

9 Tua ciangin amah in Ben-Hadad kamtaite kiangah, “Ka to kumpipa kiangah, ‘Na nasempa in na kalh masak khempeuh a hih ding hi, a hih hangin hih ngetna ka hih zo kei ding hi, ci hi,’ ci-in gen un,” a ci hi. Amaute ciah uh a, a dawnna Ben-Hadad a puak kik uh hi.

10 Tua ciangin Ben-Hadad in Ahab tungah thu dang khat puaka, “Samaria leitang ka mite khutdim khat ciat kipia leh a cintak leh pasiante in a nasiazaw in kei hong bawl hen,” a ci hi. ^b

11 Israel kumpipa in, “Ama tungah, ‘Galvan suahkhiapa bangin galvan tawh a kithawisa pa kisathei kei hen,’ ci un,” ci-in a dawng hi. ^c

12 Ben-Hadad le kumpite in amaute puanbuk ▼

▼20.12 Ahikeh Succoth ah tg.16 ah zong

sungah zu a dawn laitakun hih thupuak za uh a amah in, “Galsim dingin kithawi un,” ci-in a mite thu a pia hi. Tua ciangin amaute khuapi sim dingin a kithawi uh hi.

Ahab in Ben-Hadad Zo

13 Tua sung tengin Israel kumpipa Ahab kiangah kamsang khat pai-in, “TOPA in, ‘Hih galkap hon tampitakte na mu hiam? Tuni-in na khut sungah kong pia dinga, tua ciangin keimah TOPA ka hilam na thei ding hi,’ ci hi,” ci-in a zasak hi. ^e

14 Ahab in, “Ahi zongin hih kua in sem ding hiam?” ci-in a dong hi.

Kamsangpa in, “TOPA gen hih ahi hi: ‘Gam sunga galkapmang ulian khangmoi-te in sem ding uh hi,’ ci hi,” a ci hi.

“Tua ahileh kua in galsim pan masa ding hiam?” ci-in a dong hi. ^f

Kamsangpa in, “Nang na pan ding hi,” ci-in a dawng hi.

15 Tua ciangin Ahab in gam sunga galkapmang khangmoi uliante khawm a 232 a pha hi. Tua ciangin a om lai Israel khempeuh khawma 7,000 a pha hi. 16Amaute in Ben-Hadad le amah a huh kumpi 32 te puanbuk sungah zu a kham laitak uh sun hunin a kuankhia uh hi. 17Gam sunga galkapmang khangmoi uliante a kuankhia masa uh hi. ^g

Tua laitakin Ben-Hadad in a sawl thukante in, “Samaria pan mite hong kuankhia uh hi,” ci-in a zasak uh hi.

18 Amah in, “Amaute lemthu gen dinga hong kuan uh ahileh na hingmat ding uh a, amaute galsim dinga hong kuan uh ahileh na hingmat ding uh hi,” ci hi.

19 Khuapi panin galkapmang khangmoi uliante kuankhia uh a amaute nungah galkap honpi in zui-in 20amau kisikpih ciat a satpai uh hi. Tua hun ciangin Aram-te taikek uh a Israel-te in a nungdelh uh hi. Ahi hangin Aram kumpipa sakol nungzangah tuangin sakol tuangte pawlkhat tawh a suakta uh hi. 21Israel kumpipa kuankhia-a, sakolte le sakollengte zogawpin Aram-te tungah supna lianpi a tungsak hi.

22 Tua nung ciangin Israel kumpipa kiangah kamsangpa pai-in, “Na dinmun khosak zaw in, bang hih pelmawh kul cih mu in, bang hang hiam cih leh mai khal ciangin Aram kumpipa in nang hong sim kik ding hi,” a ci hi. ^h

23 Tua sung tengin a uliante in Aram kumpipa a ngaihsutpihna uh gen uh a, “Amau pasiante mualtung pasiante ahi hi. Tua hangin amaute ei adingin thakhauh lua uh hi. Ahi hangin zanglei ah do lehang amaute sangin i thahat zaw taktak ding hi. 24Hi cih in: Kumpite amau dinmun panin hemkhia inla ulian dangte in laih in. 25Na taansa galkap tawh a kibang galkap mah dingsak inla - sakol tangin sakol, sakolleng tangin sakol-leng dingsak kik in - tua bangin zanglei ah Israel i do zo pan ding hi. Tua ciangin amaute sangin i hatzaw taktak ding hi,” a ci uh hi. A cih bangun amah thukima, tua bangin a sem hi. ⁱ

26 A ni kum khuakhal ciangin Ben-Hadad in Aram-te kaikhawma, Israel sim dingin Aphek ah a kuanto hi. 27Tua ciangin Israel-te zong kikai-khawm uh a, lam-an guangin amaute do dingin a kuankhia uh hi. Israel-te in amaute galkhat ah keelhon no nih bangin giahphual sat uh a, Aram-te in ahileh gamsung teng a tuamcip uh hi. ^j

28 Pasian mipa paito in Israel kumpipa kiangah, “TOPA gen hih ahi hi: ‘Aram-te in TOPA pen mualte pasian bek hi-a, mualkuam pasian hi lo hi, ci-in ngaihsun uh ahi manin hih galkap hon tampitak na khut sungah kong pia dinga, keimah TOPA ka hilam nong thei ding hi,’ ci hi,” a ci hi.

29 Amaute in a kigalsai-in ni sagih sung giahphual sat uh a, a ni sagihna ni-in gal a kido uh hi. Israel-te in ni khat sungin Aram-te khegalkap tul zakhat thatlum uh hi. 30A omlaite Aphek khuapi ah suakta uh a, tua lai-ah tul sawmnih le tul sagih kulh in a cipnelh hi. Tua ciangin khuapi sungah Ben-Hadad tai-a, inndei sungnung ah a bu hi.

31 Ama uliante in, En in, Israel kumpi innkuante in mi hehpih thei hi, ci-in ka za uh hi. I kawngah ippi puan tengin i lu ah khauhual vialin Israel kumpipa kiangah va pai ni. Amah in na nuntakna hong hawisak kha thei ding hi,” a ci uh hi. ^k

32 Amaute in a kawnguah ippi tengin, a lu-uah khauhual khimsa in Israel Kumpipa kiangah va pai uh a, “Na nasempa Ben-Hadad in, ‘Nong hehpihna-in hong nungtasak in,’ hong ci hi,” a ci uh hi.

Kumpipa in, “Amah nungta lai ahi hiam? Amah ka sanggampa ahi hi,” ci-in a dawng hi.

33 Mite in lim hoihin la uh a, a kam gen dawng pahin, “Hi e, na sanggampa Ben-Hadad hi,” a ci uh hi.

Kumpipa in, “Pai unla hong paisak un,” a ci hi. Ben-Hadad a paikhiat ciangin Ahab in a sakolleng tungah a kahtosak hi.

34 Ben-Hadad in ama kiangah, “Na pa tung pana ka pa in a laksak khuapite nang kong pia kik ding hi. Ka pa in Samaria a, a hih bangin Damascus ah na sumbuk huangte na bawl ding hi,” ci-in a pia hi.

Ahab in, “Hih thu tawh kisai-in thukimna bawl in, nang kong khah ding hi,” a ci hi. Tua ciangin thukimna bawl a, amah a ciahsak hi. ^l

Kamsangpa in Ahab Mawhpaih

35 Kamsangte tapate khat in TOPA thupiakna tawh a lawmpa kiangah, “Na hiam tawh kei hong sat in,” a cih hangin mipa in a nial hi.

36 Tua ciangin kamsangpa in, “TOPA thu mang lo na hi manin kei tawh na kikhen phetin humpi khat in nang hong that ding hi,” a ci hi. Tuateh mipa a paikhiat ciangin humpi tuaka amah that hi. ^m

37 Kamsangpa in midang khat mu a, “Nong hehpihna-in kei hong sat in,” a ci hi. Tua ciangin mipa in amah sat-a a liam hi. 38Tua ciangin kamsangpa pai-a, kumpipa ngakin lam gei-ah a ding hi. A mit tungsiah a lu tunin a mel a sel hi. 39Kumpipa in ama omna a nawk ciangin kamsangpa in amah sam-a, “Na nasempa gal haksatna ah ka kuana, mi khat in kei kiangah galmatsa khat hong paipih in, ‘Hih mipa cing in, amah na khahsuah leh amah nuntakna tangin nang nuntakna hi dinga, tua ahikeh ngun talent khat ▼

▼20.39 Tua in pound 75 bang (kilogram 34 bang)

na pia pelmawh ding hi,’ hong ci hi. 40Na nasempa hih lai, hua lai-ah ka manlah kalin mipa na mang hi,” a ci hi.

Israel kumpipa in tua pen nangma thuak ding thukhenna ahi hi. Nang le nang thu a kikhen khin na hi hi,” a ci hi.

41 Tua ciangin kamsangpa in a lu tunna a mit pan lakhiavat a, Israel kumpipa in kamsangte khat ahilam a thei hi. 42Amah in kumpipa kiangah, “TOPA gen hih ahi hi: ‘A si ▼

▼20.42 Hebrew in mite le nate TOPA

dinga ka sehsa mi khat na khahkhia hi. Tua ahi ciangin ama nuntakna tangin nang nuntakna hi dinga, ama mite tangin nangma mite ahi ding hi,’ ci hi,” a ci hi. 43Israel kumpipa heh kawmin maimialsa in Samaria kumpi-inn ah a ciah hi.