1 Peter 5
Upate le Khangnote
1No laka upate tungah, na upatpih uh Christ thuakna a theihpih khat le hong kilang ding minthanna zong a tang ding pa khat bangin kong thum nopinah: 2Pawlpi kemte nasep bangin note kep dinga hong kipia Pasian tuuhonte, a kemte na hi un - na hih pelmawh ding uh cihna hi lo Pasian in note hong deih bangin utna tawh, sum deihluatna hang hi lo sep ding lawpna hangin na cing un; 3note hong kikemsakte tungah kiliansak kei un; tuuhonte etteh na hi uh hi. 4Tua hileh Tuucing Lianpenpa hong kilat ciangin a tul ngei lo minthanna lukhu na ngah ding uh hi. 5 Tua mah bangin khangnote aw, na uzawte uh tungah kiniamkhiat un. Note khempeuh, nomau le nomau in kiniam khiatna na kisilh thuk un, bang hang hiam cih leh, a “Pasian in a kisatheite do a,a kiniamkhiatte a hehpih hi,” ▼
▼5.5 Pn. 3:34
6 A hun a tun ciangin amah in note hong tawisang theih nadingin a thahat Pasian khutnuai-ah no le no na kiniamkhiat un. 7Amah in note hong lunghimawh ahi manin na lunghimawhnate khempeuh uh ama tungah suan un. c 8 No le no ki-uk zo unla pilvang un. Na gal uh - dawimangpa, a nawmvalh ding zongin humpinelkai bangin humhamin thamvak kawikawi hi. 9Leitung bupa na sanggamte un zong no thuak banga a thuak lam uh thei na hi manun, amah do unla upna-ah kip un. d 10 Christ sunga a tawntung minthanna ngah dinga hong sampa, hehpihna khempeuh Pasian in, tomcik sung na thuak khit uh ciangin amahmah in na ngei uh hong bangsak dinga, hong hatsak in, hong kipsak hong khosak ding hi. 11Ama tungah a tawntungin vangliatna om den ta hen. Amen. e
A Nunung Hopihnate
12 Sanggam muanhuai banga ka neih Silas ▼▼5.12 Greek ah Silvanus,Silas mindang
huhna tawh lai tawmno kong gelh a, note hong hanthawnin, hih in Pasian hehpihna taktak ahina teci ka pang hi. Hih thu ah kip un. 13Note tawh kiteel khawm Babylon a om nu in, note hong hopih hi; ka tapa Mark in zong hong hopih hi. 14Khat le khat itna tawh kinamin na kihopih un. Christ sunga om note khempeuh tungah lemna om ta hen.
Copyright information for
ZomZIV