1 Samuel 1
Samuel Suahna
1Ephraim mualtung gama Ramathaim ah Ephraim mi Zuph-te ▼▼1.1 Ahikeh Ramathaim Zuphim panin
khat oma, a min Elkanah hi-in Ephraim gam mi Zuph tapa Tohu, a tapa Elihu, tapa Jeroham’ tapa ahi hi. b 2Amah in zi nih nei-a khat Hannah kici in a khat Peninah kici hi. Peninah in ta nei a ahi hangin Hannah in khat beek a nei kei hi. 3 Kum khat khit kum khat hih mipa ama khuapi panin Thahatpen TOPA bia ding le a biakna pia dingin Shiloh ah pai to hi; tua lai-ah TOPA siampi in Eli’ tapate nih Hophni le Phinehas a om uh hi. 4Elkanah in biakna a piak hun simin a zi Peninah le a tanute a tapate khempeuh tungah a satanh uh a pia den hi. 5Ahi hangin Hannah a it manin a tanh ding zahnih a pia hi; TOPA in a sul a khaksak hi. 6Tuateh TOPA in a sul a khaksakna hangin amah a langneihnu in phinin a hehsak den hi. 7Kum khat khit kum khat a hicih tawntung hi. TOPA inn ah Hannah a pai peuhpeuh ciangin a langnu in tuanu a kah mateng phina an a ne kei hi. 8A pasal Elkanah in, “Hannah aw, bang hangin kap na hi hiam? Bang hangin an ne lo na hi hiam? Bang hangin lungkia na hi hiam? Nang adingin tapa sawm sangin hoihzaw hi lo ka hi hiam?” a ci hi. 9 Khatvei amaute in Shiloh ah a nek a dawn khit uh ciangin Hannah a dingto hi. Tua laitakin TOPA biakinnpi ▼▼1.9 Tua pen biakna-tau
kongkhak-mung gei-a tutphah tungah siampi Eli a tu hi. 10Hannah lungsim gim lua-in kah cih takin kap-a TOPA tungah thu a ngen hi. 11Tuateh tuanu in, “Thahatpen TOPA aw, na nasemnu lunggimna hong enin nong phawk-a, hong mangngilh loin na nasemnu tapa khat nong piak leh a nuntak sung teng TOPA tungah kong pia dinga a lutungah mulkiatna a kizang kei ding hi,” ci-in a kiciam hi. 12 Tuanu in TOPA tungah thu a nget laitakin Eli in a muk a na encik hi. 13Hannah in a lungsimin thu ngena a muk phunphunin a aw lah a kiza kei hi. Eli in zukham sa-in tuanu kiangah, 14“Bang dingin tu tanvei zukham niloh na hi hiam? Na zu khawlbawl ta in,” a ci hi. 15 Hannah in, “Topa aw, tua bang hi keng, a lungkham mahmah numei ka hi hi. Zu ahi-a zukhauh ahi zongin ka dawn kei hi; ka lungsim teng TOPA tungah a sung ka hi hi. 16Na nasemnu’ gamtatna a sia-in na la kei in; ka lunggim-luatna le ka dahna pana thu ngenngen ka hi hi,” ci-in a dawng kik hi. d 17 Eli in, “Lungnuamin pai in, Israel Pasian in ama tunga na nget hong pia khin hi,” ci-in a dawng hi. 18 Tuanu in, “Na nasemnu na maipha hong musak in,” a ci hi. Tua ciangin amah pai-a bang khatpeuh ne-in a lungkiat-mai nawn kei hi. e 19 A zingciang zingsang tungin amaute tho uh a, TOPA mai-ah a biak khit uh ciangin Ramah a, amaute inn ah a ciah uh hi. Elkanah in a zi Hannah luppih a TOPA in tuanu a phawk hi. 20A hun a cin ciangin Hannah gaii a, tapa khat a nei hi. Amah in, “Amah TOPA tunga ka nget ahi hi,” a cihnopna-in a min Samuel ▼▼1.20 Hebrew in Samuel Pasian zak cihna aw tawh kibang
a phuak hi. g Hannah in Samuel Ap
21 Tua mipa Elkanah le a innkuan khempeuh kumsima a piak uh biakna TOPA pia ding le a thuciam tangtun dingin a paitoh uh ciangin 22Hannah a pai kei hi. Amah in a pasal kiangah, “Naupang nawi tawh a kikhen ciangin ka paipih dinga TOPA mai-ah amah pia-in tua lai-ah tengden ding hi,” a ci hi. 23 A pasal Elkanah in, “Hoih pen nasak bangin hih in. Amah nawi tawh a kikhen mateng hiah om in. TOPA in ama ▼▼1.23 Masoretic Bupi, Si Tuipi Laizial, Septuagint le Syriac ah nang
kammal a hoih in hong bawl tapeuh hen,” ci-in a gen hi. Tua ciangin numei inn ah om-a a tapa nawi tawh a kikhen dong a kem hi. i 24 Amah nawi tawh a kikhen ciangin tuanu in naupang tonpihin, naupang laipi mah kum thum apha bawngtalno ▼▼1.24 Si Tuipi Laizial, Septuagint le Syriac; Masoretic Bupi ah bawngtal guk tawh
khat, annel ephah ▼▼1.24 Hih in seng khat 3/5 bang (litre 22 bang)
khat le zu savun-um khat tawh Shiloh a TOPA inn ah paipih to hi. 25Amaute in bawngtalno a gawh khit uh ciangin Eli kiangah puak uh a, 26tuanu in ama kiangah, “Ka topa aw, na nuntakna ka lo hi, TOPA tungah thungen numei - hih lai na kianga ding keimah ka hi hi. 27Hih naupang ka ngen-a, TOPA in ama tunga ka nget hong pia hi. 28Tua hi a, tu-in amah TOPA tungah ka pia hi. A nuntakna buppi TOPA tunga kipia ahi hi,” a ci hi. Tuateh amah in tua lai-ah TOPA a bia hi. l
Copyright information for
ZomZIV